ꓦꓰꓡꓮꓠꓗꓮꓠꓠꓲ ꓟ, ꓟ ꓟ‐ꓡꓲ ꓑꓮꓲ ꓦꓬꓼ ꓠꓬꓲ ꓔꓯ ꓠꓬꓲ. ꓠꓬꓲ 9 ꓦ 8 ꓠꓬꓲ 2026 ꓘꓳꓼ (ꓠꓽ ꓠꓬꓲꓽ ꓠꓬꓲ) ꓠꓯꓼ 10ꓽ30 ꓙꓵ, ꓕꓯ ꓟꓲ‐ꓚꓲ‐ꓠ ꓔꓲꓺ ꓒ ꓓꓽ ꓙꓵꓽ ꓔꓶ.꓾ ꓢꓔ. ꓟꓲꓚꓧꓮꓰꓡ ꓔꓲꓺ ꓒ ꓙꓵꓽ ꓔꓶ꓾ ꓢꓧꓪꓰ ꓮꓲꓰ ꓢꓔ. ꓮꓠꓔꓧꓳꓠꓬ ꓪꓽ ꓘꓴ ꓦꓲꓻ ꓗꓪ ꓬꓰ ꓓꓳ ꓡꓰ ꓟ ꓥꓳ꓿
ꓟꓲ‐ꓢ ꓪꓽ ꓘꓴ ꓙꓵ, ꓔꓯ ꓠꓬ ꓠꓯꓼ 10ꓽ30 ꓙꓵ, ꓕꓯ ꓔꓲꓺ ꓒ ꓟꓲꓚꓧꓮꓰꓡ ꓔꓴ ꓡꓲꓠꓖ ꓡꓰ ꓧꓳꓽ ꓪꓴ. ꓟꓴ ꓢꓲ ꓬꓰ ꓖꓶ ꓗꓷ ꓟ ꓥꓳ꓿
ꓟꓲ‐ꓢ ꓪꓽ ꓘꓴ ꓙꓵ, ꓟ. ꓟꓲꓽ ꓗꓪ ꓠꓬ ꓔꓲꓺ ꓒ ꓣꓮꓑꓧꓮꓰꓡ ꓔꓧꓴ ꓣꓰꓲꓠ ꓳꓳ ꓡꓰ “ꓦꓰꓡꓮꓠꓗꓮꓠꓠꓲ ꓟ, ꓟ ꓟ‐ꓡꓲ ꓦꓵꓻ ꓦꓬꓼ ꓠꓬꓲ ꓑꓮꓲ ꓔꓯ ꓬꓰ ꓖꓶ ꓔꓬ ꓟ ꓥꓳ꓿ ꓖꓳ ꓟ ꓡꓰ ꓐꓰ ꓣꓳ ꓬꓲ ꓦꓵꓻ ꓦꓬꓼ ꓠꓬꓲ ꓗꓪ ꓮ ꓫꓵ ꓡꓯꓼ ꓫꓴꓻ ꓔꓯ, ꓖꓶ ꓡ ꓡ? ꓬꓲ ꓠꓬ ꓣꓳ ꓠꓯꓼ ꓗꓪ ꓐꓰ ꓮ ꓫꓵ ꓠꓲ, ꓫꓵ_ ꓡ? ꓖꓳ ꓡꓱ ꓥ ꓟꓲ ꓬꓲ. ꓠꓬ ꓣꓳ ꓠꓯꓼ ꓗꓪ ꓐꓰ ꓥꓳ ꓡꓳ. ꓟ ꓠꓬ ꓣꓳ ꓔꓯ ꓔꓱ ꓔꓱ ꓐꓰ ꓔꓬ ꓠ, ꓟ ꓥ ꓡꓳ꓾” ꓢꓲ ꓒꓽ ꓬꓰ‐ꓢꓴ ꓬꓲ ꓐꓯ ꓘꓶꓽ ꓔꓯ ꓠ ꓠ, ꓢꓲ꓾ ꓛꓳ ꓫꓱꓽ ꓠ, ꓟ ꓥ ꓡꓳ꓾” ꓐꓰ ꓢꓯꓼ ꓖꓶ ꓔ ꓡꓳ꓿
ꓟꓲ‐ꓢ ꓪꓽ ꓘꓴ ꓓꓳ ꓡꓰ ꓗ. ꓠꓯ. ꓧꓪ ꓖꓳ ꓓꓱ ꓔꓬ ꓢ_ ꓟ ꓧꓪ ꓞꓶ ꓔꓯ ꓟꓰ ꓖꓶ ꓗꓷ ꓟ ꓥꓳ꓿ ꓢꓧꓪꓰ ꓮꓲꓰ ꓟ. ꓒꓽ ꓙꓵꓽ ꓔꓶ. ꓗꓪ ꓠꓬ ꓘꓴ ꓜꓲꓼ ꓞꓳ ꓞꓳ ꓦꓲꓻ (35) ꓦꓲꓻ ꓛꓲ ꓔꓬ ꓢꓲ ꓠꓬꓲ ꓟ, ꓟ ꓟ‐ꓡꓲ ꓑꓮꓲ ꓔꓯ ꓗ, ꓗ, ꓛꓲ ꓛꓲ ꓐꓰ ꓬꓰ ꓓꓳ ꓡꓰ ꓟ ꓥꓳ꓿
