ꓪꓴ‐ꓢ ꓐꓯ ꓘꓶꓽ ꓢꓳꓻ ꓜꓲꓼ ꓓꓴ ꓬꓰ ꓗꓷ ꓟ꓾
9 ꓦ ꓟ 3 ꓠꓬꓲ 2026 ꓘꓳꓼ ꓠꓽ ꓡꓲ. ꓠꓬꓲ ꓠꓯꓼ 9 ꓙꓵ, ꓗꓪ ꓐꓰ 12 ꓙꓵ, ꓗꓪ ꓛꓲ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓘꓴꓽ ꓗꓪ ꓙꓳ_ ꓟ ꓛꓬ‐ꓐꓳ‐ꓚ ꓙꓲꓻ ꓫꓬ ꓢꓴ ꓬꓳ‐ꓦ ꓪꓽ ꓘꓴ ꓦꓲꓻ ꓗꓪ ꓢꓳꓻ ꓜꓲꓼ ꓓꓴ ꓔꓯ ꓟ. ꓒ ꓑꓮꓔꓣꓲꓚꓗ ꓔꓴ ꓧꓗꓮꓪꓠꓖ ꓗꓪ ꓐꓰ ꓟ. ꓖꓶ ꓗꓷꓳ꓿
ꓟ. ꓒ ꓡꓰ ꓠꓬꓲ. ꓠꓬꓲ ꓟ ꓙꓵ, ꓗꓪ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓡꓲ ꓐꓰ ꓢꓲꓺ ꓒ ꓐꓰ ꓮ ꓡꓲ ꓞꓳ ꓙꓳ ꓢꓯ. ꓔꓬ ꓠ, ꓟ ꓚꓱ, ꓮ‐ꓠꓱ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓙꓵꓻ ꓠꓲ, ꓐꓱ ꓶ ꓬꓲ ꓪ ꓢꓯꓼ ꓟꓬ ꓔꓯ ꓮ ꓡꓲ ꓐꓰ ꓖꓶ ꓗꓷ ꓢꓲ ꓠꓬꓲ ꓠꓬꓲ. ꓠꓬꓲ ꓟ ꓙꓵ, ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓒꓬꓱꓼ ꓡ ꓟ ꓚꓱ, ꓮ ꓟꓬ, ꓔꓯ ꓟ. ꓖꓶ ꓗꓷꓳ꓿
ꓝꓮꓲ ꓟ. ꓒ ꓡꓰ ꓣꓳ ꓤꓶꓻ ꓗꓪ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓡ ꓟ ꓙꓵ, ꓕꓯ ꓢꓲꓺ ꓒ ꓬꓰ‐ꓢꓴ ꓠꓯꓼ ꓗꓪ ꓙꓰ ꓠ, ꓟ ꓐꓰ ꓬꓲ ꓔꓯ ꓬꓲ. ꓙꓵ, ꓖꓶ ꓠ, ꓟ ꓐꓱ ꓶ ꓟ. ꓖꓶ ꓗꓷꓳ꓿
ꓪꓴ‐ꓢ ꓠꓵꓻ ꓠꓲ, ꓔꓯ ꓠꓱ. ꓐꓯꓼ ꓢꓴ ꓔꓯ ꓮ ꓡꓲ ꓐꓰ ꓟ. ꓖꓶ ꓠ, ꓟ ꓚꓱ, ꓐꓲꓐꓡꓰ ꓢꓧꓮꓣꓲꓠꓖ ꓢꓲꓽ ꓫꓬ ꓕꓳ ꓶ ꓔꓯ ꓔꓱ, ꓕ_ ꓟ ꓚꓱ, ꓠꓬ ꓮ ꓘꓶ. ꓣꓱꓽ ꓬꓯꓼ ꓟ ꓔꓯ ꓟ. ꓖꓶ ꓗꓷꓳ꓿
ꓢꓳꓻ ꓜꓲꓼ ꓓꓴ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ (26) ꓣꓳ ꓐꓴ ꓢꓳꓻ ꓣꓴ ꓗꓷ ꓟ ꓥ ꓡꓳ꓿ ꓟ. ꓒ ꓔꓴ ꓧꓗꓮꓪꓠꓖ ꓠꓬ ꓞꓳ ꓡꓱ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ, ꓐꓰ ꓪꓴ‐ꓢ ꓐꓯ ꓘꓶꓽ ꓟ. ꓖꓶ ꓢꓴ ꓟ. ꓒ ꓕꓲ ꓣꓳ ꓥ ꓡꓳ꓿
