ꓪꓴ‐ꓢ ꓚꓰꓼ ꓔ ꓟ ꓮ ꓙꓵꓽ ꓠꓬ ꓙꓲ ꓟ ꓓꓳꓽ ꓥ ꓡꓳ (Laudatosi)
ꓧꓪ. ꓧꓪ ꓠꓬꓲ. ꓠꓬꓲ ꓟꓵꓽ ꓘꓳꓼ ꓒꓳ, ꓡ ꓟ ꓚꓱ, ꓗꓪ ꓐꓰ ꓪꓴ‐ꓢ ꓡꓰ ꓚꓰꓼ ꓔ ꓟ ꓮ ꓙꓵꓽ ꓠꓬ ꓙꓲ ꓟ ꓓꓳꓽ ꓥ ꓡꓳ ꓐꓰ ꓐꓯ ꓟ ꓚꓱ, ꓗꓪ ꓐꓰ ꓐꓯ ꓟ. ꓖꓶ ꓩꓴ ꓡ ꓥꓳ꓿
ꓠꓬꓲ. ꓠꓬꓲ ꓣꓳ ꓮ ꓙꓵꓽ ꓢꓴ ꓕꓲ ꓒ ꓤ ꓓꓴ ꓙ ꓠꓬꓲ ꓓꓴ ꓬꓰ ꓡꓯ꓿ ꓪꓴ‐ꓢ ꓡꓰ ꓟꓲ ꓠꓯ ꓚꓰꓼ ꓔ ꓟ ꓮ ꓙꓵꓽ ꓔꓯ ꓕꓲ ꓒ ꓤ ꓡꓳ. ꓠꓬꓲ ꓓꓴ ꓬꓰ ꓡꓯ꓿
ꓪꓴ‐ꓢ ꓠꓬ ꓟꓲ ꓠꓯ ꓔꓯ ꓚꓰꓼ ꓟ ꓙꓵ, ꓕꓯ ꓮ ꓙꓵꓽ ꓔꓯ ꓮ ꓘꓶ. ꓡꓳ. ꓐꓲ ꓠ ꓮ ꓘꓶ. ꓙꓲ ꓟ ꓚꓰꓼ ꓖꓶ ꓗꓷ ꓟ ꓥ ꓡꓳ꓿ ꓟꓲ ꓟꓲ꓾ ꓦ‐ꓐ ꓪ ꓚꓲ ꓪ ꓐ ꓟꓲ ꓠꓯ ꓬꓲꓻ ꓙꓬ꓾ ꓧꓪꓽ ꓫꓵꓽ ꓪꓽ ꓙꓰ ꓟꓲ ꓠꓯ ꓘꓴꓽ ꓗꓪ ꓔꓬ ꓟ ꓮ ꓙꓵꓽ ꓐꓲ ꓓꓲ ꓡꓯ ꓓꓲ ꓮ ꓙꓵꓽ ꓔꓯ ꓪꓴ‐ꓢ ꓡꓰ ꓚꓱꓼ ꓖꓶ ꓔ ꓟ ꓥ ꓡꓳ꓿
ꓟꓲ ꓠꓯ ꓡ ꓞꓳ ꓐꓴ ꓠꓬ ꓪꓴ‐ꓢ ꓠꓵꓻ ꓠꓲ, ꓔꓯ ꓟꓳ. ꓖꓶ ꓠ, ꓟ ꓪꓴ‐ꓢ ꓠꓬꓲ ꓟꓳ ꓓꓴ ꓔꓯ ꓡꓳ. ꓖꓶ ꓠ, ꓟ ꓡꓯꓼ ꓫꓴ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓲ ꓠꓯ ꓗꓪ ꓙꓳ ꓟ ꓮ ꓙꓵꓽ ꓔꓯ ꓠꓬꓲ ꓡꓳ. ꓖꓪ ꓫꓵꓽ ꓠ, ꓟ ꓙꓵꓽ ꓪ ꓔꓯ ꓥ ꓟꓲ ꓡ ꓞꓳ ꓐꓴ ꓔꓯ ꓖꓶ ꓔ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓪꓴ‐ꓢ ꓡꓰ ꓚꓰꓼ ꓔ ꓟ ꓮ ꓙꓵꓽ ꓠꓬ ꓙꓲ ꓟ ꓓꓳꓽ ꓔꓯ ꓒꓬꓱꓼ ꓡ ꓝꓲ ꓟ ꓥ ꓡꓳ꓿ ꓮ ꓙꓵꓽ ꓑꓶ. ꓓꓴ ꓥ ꓡ ꓐꓯ ꓠꓬ ꓪꓴ‐ꓢ ꓚꓰꓼ ꓔ ꓟ ꓢꓯ. ꓫꓵꓽ ꓢꓯ. ꓙꓵꓽ ꓢꓲ, ꓜꓲ ꓡꓳ ꓜꓲ, ꓬꓲꓻ ꓙꓬ ꓡꓳ ꓗ ꓐꓴ ꓔꓯ ꓡꓳ. ꓠꓬꓲ ꓗꓷ ꓟ ꓙꓵ, ꓕꓯ ꓪꓴ‐ꓢ ꓠꓵꓻ ꓠꓲ, ꓔꓯ ꓡꓳ. ꓟꓳ ꓓ ꓟ ꓥ ꓡꓳ꓿
ꓑꓳꓑꓰ ꓝꓣꓮꓠꓚꓲꓢ ꓠꓬ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓡꓮꓴꓓꓮꓔꓳꓢꓲ ꓕꓳ ꓶ ꓗꓪ ꓣꓳ ꓮ ꓙꓵꓽ ꓢꓴ ꓔꓬ ꓟ ꓟꓲ ꓠꓯ ꓔꓯ ꓣꓳ ꓮ ꓙꓵꓽ ꓢꓴ ꓔꓬ ꓟ ꓟꓲ ꓠꓯ ꓦꓲꓻ ꓓ ꓐꓰ ꓐꓯ ꓖꓶ ꓔ ꓟ ꓥ ꓡꓳ꓿ ꓮ ꓙꓵꓽ ꓢꓴ ꓔꓬ ꓟ ꓦꓲꓻ ꓐꓯ ꓠꓬ ꓕꓲ ꓣꓳ ꓡꓰ ꓖꓪ ꓫꓵꓽ ꓟ ꓟꓽ ꓥ꓾ ꓣꓳ ꓮ ꓙꓵꓽ ꓢꓴ ꓕꓲ ꓠꓲ, ꓕꓲ ꓪ ꓔꓬ ꓠ, ꓟ ꓦꓲꓻ ꓥ ꓡꓳ꓿
ꓢꓲ, ꓜꓲ ꓢꓲ, ꓟꓲ ꓔꓶ ꓠ, ꓟ ꓣꓳ ꓢꓯꓼ ꓕꓵꓼ ꓠꓯ, ꓟ ꓥ ꓡꓳ꓿ ꓑꓶ ꓛꓵꓽ ꓑꓶ. ꓟꓲ ꓔꓯ ꓥ ꓟꓲ ꓬꓲ ꓗ ꓙꓳ ꓙꓳ ꓡꓳ ꓠ,ꓟ ꓥ ꓡꓳ꓿ ꓬꓲꓻ ꓙꓬ ꓔꓯ ꓤ ꓟꓳ ꓢꓲ ꓠꓬꓲ ꓣꓱ ꓠ, ꓟ꓾ ꓑꓡꓮꓢꓔꓲꓚ ꓣꓱ ꓟ ꓔꓯ ꓤ ꓟꓳ ꓠ, ꓟ ꓐꓰ ꓪꓴ‐ꓢ ꓡꓰ ꓚꓰꓼ ꓔ ꓟ ꓟꓲ ꓠꓯ ꓗꓪ ꓙꓳ ꓟ ꓮ ꓙꓵꓽ ꓔꓯ ꓒꓵꓽ ꓗꓴ ꓠ, ꓟ ꓣꓳ ꓢꓯꓼ ꓕꓵꓼ ꓠꓯˍ ꓟ ꓥ ꓡꓳ꓿
ꓕꓱ ꓡꓱ ꓐꓰ ꓣꓳ ꓓꓲ ꓟ ꓟꓬꓱꓽ ꓔꓯ ꓣꓳ ꓬꓰ ꓠꓬ ꓪꓴ‐ꓢ ꓡꓰ ꓚꓰꓼ ꓔ ꓟ ꓔꓯ ꓣꓳ ꓠꓲ, ꓠꓵ ꓟ ꓥ ꓡꓳ꓿
ꓠꓲ, ꓠꓵ ꓟ ꓞꓳ ꓡꓱ ꓞꓳ ꓡꓯ. ꓐꓴ ꓟꓵꓽ ꓘꓳꓼ ꓔꓯ ꓗꓽ ꓕꓽ ꓟ ꓠꓬ ꓟꓵꓽ ꓘꓳꓼ ꓙꓲ ꓡ ꓠ, ꓟ ꓗꓽ ꓕꓽ ꓟ ꓡꓰ ꓟꓽ ꓞꓲ ꓛꓲ ꓡ ꓙꓵ, ꓕꓯ ꓣꓳ ꓤ ꓠꓱ ꓤꓶꓻ ꓔꓯ ꓗꓽ ꓕꓽ ꓖꓶ ꓟ ꓮ ꓘꓶ. ꓣꓳ ꓚꓵ ꓟ ꓟꓬꓱꓽ ꓓ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓠꓬꓲ. ꓠꓬꓲ ꓗꓪ ꓐꓰ ꓟꓲ ꓠꓯ ꓗꓪ ꓥꓪ ꓐꓱ ꓶ ꓮ ꓫꓵꓽ ꓬꓰ ꓖꓶ ꓐ ꓡ ꓢꓰ꓾ ꓠ ꓠꓬꓲˍ ꓟ ꓕꓯ ꓢꓲ꓾ ꓪꓴ‐ꓢ ꓡꓰ ꓚꓰꓼ ꓔ ꓟ ꓣꓳ ꓮ ꓙꓵꓽ ꓢꓴ ꓔꓬ ꓟ ꓟꓲ ꓠꓯ ꓦꓲꓻ ꓓ ꓔꓯ ꓥꓪ ꓚꓲ. ꓛꓬ ꓮ ꓫꓵꓽ ꓬꓰ ꓖꓶ ꓐ ꓡ ꓡ ꓐꓰ ꓠ ꓠꓬꓲ ꓥ ꓟ ꓥ ꓡꓳ꓿
ꓣꓳ ꓡꓯꓽ ꓒꓯ, ꓗꓪ ꓛꓲ ꓡ ꓙꓵ, ꓕꓯ ꓗ, ꓛꓲ ꓢꓲ, ꓡꓲ ꓔꓬ ꓗ, ꓛꓲ ꓟ ꓟꓵꓽ ꓘꓳꓼ ꓒꓬꓱꓼ ꓡ ꓠ, ꓟ ꓬꓰ ꓐ ꓡ ꓟ ꓢꓯꓼ ꓪ ꓙꓳ ꓟ ꓥꓡꓳ꓿
ꓖꓳ ꓚꓵ ꓚꓵ ꓟꓬꓱꓽ ꓬꓰ ꓠꓬ ꓟꓲ ꓠꓯ ꓟꓵꓽ ꓘꓳꓼ ꓙꓲ ꓡ ꓠ, ꓟ ꓐꓱ ꓶ ꓥꓳꓽ ꓡꓳ ꓓꓴ ꓙꓳ ꓟ ꓥꓡꓳ꓿
ꓪꓴ‐ꓢ ꓡꓰ ꓚꓰꓼ ꓟ ꓠꓬ ꓟꓲ ꓠꓯ ꓡ ꓞꓳ ꓐꓴ ꓐꓱ ꓶ ꓡꓯ ꓫꓴꓻ ꓓ ꓥ ꓡꓳ꓿ ꓟꓲ ꓠꓯ ꓦꓲꓻ ꓓ ꓔꓯ ꓣꓳ ꓠꓲ, ꓠꓵ ꓓꓴ ꓬꓰ ꓡꓯ꓿ ꓟꓲ ꓠꓯ ꓦꓲꓻ ꓓ ꓔꓯ ꓟꓽ ꓐꓬ ꓡꓰ ꓠ, ꓟ ꓗꓽ ꓕꓽ ꓓꓴ ꓬꓰ ꓡꓯ꓿ ꓪꓴ‐ꓢ ꓡꓰ ꓚꓰꓼ ꓔ ꓟ ꓟꓲ ꓠꓯ ꓗꓪ ꓙꓳ ꓟ ꓮ ꓙꓵꓽ ꓔꓯ ꓠꓲ, ꓠꓵ ꓞꓳ ꓒꓵ ꓓꓴ ꓬꓰ ꓡꓯ꓿ ꓫ. ꓟꓳ ꓪ꓿
