Sudan Ukraine ꓐꓰ Russia ꓗꓴꓷꓼ ꓗꓪ ꓢꓲ ꓡꓲ. ꓗꓷ ꓠ, ꓟ ꓐꓱ ꓶ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓠꓽ ꓫꓵ ꓠꓬꓲ Augelus ꓪꓽ ꓘꓴ ꓓꓳ ꓡꓰ ꓗ. ꓠꓯꓼ ꓗꓴꓷꓼ ꓔꓯ ꓙꓵꓽ ꓢꓴ ꓐꓴ ꓢꓲ ꓒ ꓐꓴ ꓔꓯ ꓟꓯꓼ ꓢꓰꓼ ꓡꓯꓽ ꓘꓳ, ꓟ ꓠ ꓡꓰ ꓠ, ꓟ ꓐꓱ ꓶ ꓒꓴ ꓠꓲ., ꓗꓪ ꓐꓰ ꓐꓯ ꓔꓽ ꓡꓳ ꓐꓰ ꓢꓷ. ꓪ ꓡꓳ꓿
ꓟꓽ ꓞꓲ Sudan ꓗꓪ ꓔꓬ ꓟ ꓑ ꓫꓬ ꓐꓴ ꓐꓱ ꓶ ꓬꓰ ꓙ ꓓꓴ ꓮꓽ ꓘꓶꓼ ꓣꓱꓼ ꓯꓬꓼ ꓔꓬ ꓡꓳ꓾ ꓜ ꓓꓴ ꓟꓼ ꓙꓳ ꓫ. ꓔꓬ ꓟ ꓪꓴ. ꓠꓬ ꓠꓲ., ꓟ ꓗ. ꓟ ꓛꓲ ꓓꓴ ꓙꓳ ꓔꓬ ꓡꓳ꓾ ꓟꓽ ꓞꓲ ꓟꓯꓼ ꓢꓰꓼ ꓡꓯꓽ ꓘꓳ, ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓮꓽ ꓘꓶꓽ ꓫ. ꓔꓬ ꓟ ꓪꓴ. ꓠꓬꓲ ꓟꓯꓼ ꓢꓰꓼ ꓡꓯꓼ ꓘꓳ, ꓠ ꓡꓰ ꓠ, ꓟ ꓐꓱ ꓶ ꓗꓴꓷꓼ ꓙꓵꓽ ꓢꓴ ꓐꓴ ꓢꓲꓽ ꓒ ꓐꓴ ꓔꓯ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓶꓽ ꓓꓰ ꓗꓷ ꓟ ꓥ ꓡꓳ꓿
ꓟꓽ ꓞꓲ Ukraine ꓐꓰ Russia ꓗꓴꓷꓼ ꓗꓪ ꓥˍꓟꓲ ꓤ ꓠꓱ ꓤ ꓐꓴ ꓡꓰ ꓟꓽ ꓞꓲ ꓞꓳ ꓡꓱ ꓐꓴ ꓮꓽ ꓟꓬ, ꓛꓲ ꓫꓵ., ꓡꓰ ꓟ ꓑꓶ. ꓓꓴ ꓟꓯꓼ ꓢꓰꓼ ꓡꓯꓽ ꓘꓳ ꓠ, ꓡꓰ ꓢꓲ꓾ ꓢꓲ ꓡꓲ. ꓐꓰ ꓔꓬ ꓠ, ꓟ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓔꓽ ꓡꓳ꓿
ꓟꓯꓼ ꓢꓰꓼ ꓡꓯꓽ ꓘꓳ, ꓟ ꓠꓬ ꓫ. ꓓꓴ ꓔꓯ ꓡꓰ ꓕꓳꓽ ꓜꓳ ꓡ ꓝꓲ ꓟ ꓥ ꓢꓲ꓾ ꓕꓲ ꓗꓴꓷꓼ ꓡꓲꓽ ꓕꓲ ꓗꓴꓷꓼ ꓢꓲ ꓡꓲ. ꓔꓬ ꓠ, ꓟ ꓬꓲ. ꓙꓵꓽ ꓛꓲ ꓡꓳ ꓐꓰ ꓔꓲ..ꓒ ꓪ ꓔꓲ ꓡꓰꓳ (14) ꓡꓰ ꓗꓴꓷꓼ ꓔꓯ ꓙꓵꓽ ꓢꓴ ꓐꓴ ꓢꓲꓽ ꓒ ꓔꓯ ꓓꓰ ꓗꓷ ꓟ ꓥ ꓡꓳ꓿
