ꓪꓴ‐ꓢ ꓘꓴ ꓢꓯꓼ ꓔꓯ ꓠ ꓠ, ꓢꓲ ꓠꓬꓲ ꓕꓶꓻ ꓞ, ꓟ ꓓꓵꓽ ꓙ ꓞꓷ, ꓓꓴ ꓐꓰ ꓢꓲ ꓒꓽ ꓠꓯꓼ ꓗꓪ ꓛꓳ ꓓꓴ ꓬꓰ ꓡꓯ꓾
ꓢꓲ ꓒ ꓬꓰ‐ꓢꓴ ꓐꓰ ꓜꓲ ꓡꓯ ꓘꓳ ꓗꓷ ꓟ ꓠꓬ ꓠꓲ, ꓟ ꓔꓯ ꓗ, ꓛꓲ ꓟ ꓐꓰ ꓐꓲ ꓞ, ꓡꓰ ꓝꓲ ꓢꓲ꓾ ꓬꓲ. ꓫꓱ. ꓤ ꓠꓵꓻ ꓠꓲ, ꓔꓯ ꓢꓷ. ꓙ ꓟꓳ ꓙ ꓠ, ꓟ ꓣꓳ ꓔꓯ ꓢꓯꓼ ꓪ ꓖꓶ ꓔ ꓡꓳ꓿
“ꓕꓽ ꓙꓳꓺ꓾ ꓥꓪ ꓠꓬ ꓧꓪ. ꓡꓰꓳ꓾” (ꓬꓳ‐ꓦ 16ꓽ33) ꓐꓯ_ ꓟ ꓬꓲ. ꓕꓲ ꓟꓴ ꓐꓰ ꓰꓚꓴꓮꓓꓳꓣ ꓗꓴꓷꓼ ꓗꓪ ꓬꓰ_ ꓟ (7) ꓧꓪ, ꓕꓲꓽ ꓧꓪ, ꓟ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ ꓠꓯꓼ ꓗꓪ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓢꓯꓼ ꓖꓶ ꓘꓶꓽ ꓫ. ꓕꓱ ꓗꓷ ꓟ ꓥꓳ꓿
ꓔꓲꓺ ꓒ ꓪ ꓔꓲ ꓡꓰ ꓢꓲ ꓒ ꓬꓰ‐ꓢꓴ ꓠꓬ ꓣꓳ ꓤꓶꓻ ꓠꓯꓼ ꓗꓪ ꓬꓲ ꓚꓱ, ꓙꓳ ꓟ ꓔꓯ ꓬꓲꓼ ꓠꓬꓲ. ꓐꓯ ꓔ ꓡꓳ꓿ ꓠꓴ ꓪ ꓔꓯ ꓥꓪ ꓢꓯꓼ ꓖꓶ ꓠꓲ, ꓫꓵ_ ꓟ ꓠꓬ꓾ “ꓪꓴ‐ꓢ ꓘꓴ ꓔ ꓟ ꓢꓯꓼ ꓔꓯ ꓠ ꓠ, ꓢꓲ ꓠꓬꓲ ꓕꓶꓻ ꓞ, ꓟ ꓓꓵꓽ ꓙ ꓞꓷ, ꓓꓴ ꓐꓰ ꓢꓲ ꓒꓽ ꓠꓯꓼ ꓗꓪ ꓛꓳ ꓫꓱꓽ ꓓꓴ ꓬꓰ ꓡꓯ꓾” ꓞꓳ ꓡꓱ ꓤ ꓐꓴ ꓠꓬ ꓘꓴ ꓜꓲꓼ ꓞꓳ ꓐꓱ ꓶ ꓮ ꓘꓶ. ꓒꓵꓽ ꓞ, ꓢꓴ ꓐꓴ ꓥ ꓡꓳ꓾ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓿
“ꓠꓱ. ꓐꓯꓼ ꓢꓴ ꓮ ꓟꓬ, ꓢꓲ ꓒ ꓬꓰ‐ꓢꓴ ꓔꓯ ꓢꓷ. ꓠ, ꓟ꓾ ꓘꓴ ꓜꓲꓼ ꓞꓳ ꓗꓪ ꓐꓰ ꓠꓴ ꓪ ꓗ, ꓛꓲ ꓟ꓾ ꓠꓴ ꓪ ꓢꓯꓼ ꓙꓳ_ ꓟ ꓑꓶ_ ꓟ꓾ ꓠꓴ ꓪ ꓢꓷ. ꓙ ꓟꓳ ꓙ ꓟ ꓔꓯ ꓣꓱꓽ ꓬꓯꓼ ꓡꓳ꓾” ꓢꓲ ꓒꓽ ꓬꓲ. ꓫꓱ. ꓤ ꓠꓵꓻ ꓠꓲ, ꓐꓰ ꓠꓴ ꓪ ꓚꓲ. ꓛꓬ ꓒꓳ, ꓡꓶ. ꓓꓴ ꓬꓰ ꓡꓯ꓾ ꓐꓰ ꓐꓯ ꓔ ꓡꓳ꓿
ꓬꓲ. ꓟꓶꓽ ꓗꓪ ꓔꓲꓺ ꓒ ꓪ ꓔꓲ ꓡꓰ ꓖꓽ ꓖꓶ_ ꓟ꓾ ꓢꓲ ꓡꓲ, ꓟ ꓔꓯ ꓛꓵ ꓔꓴ ꓢꓴ ꓒꓬꓱꓼ ꓡ ꓠ, ꓟ ꓢꓯꓼ ꓖꓶ ꓢꓲ ꓠꓬꓲ ꓰꓚꓴꓮꓓꓳꓣ ꓗꓴꓷꓼ ꓗꓪ ꓔꓬ ꓟ ꓞꓳ ꓡꓱ ꓤ ꓐꓴ ꓮ ꓙꓵ ꓔꓯ ꓟ, ꓟ ꓟ‐ꓡꓲ ꓠꓯꓼ ꓗꓪ ꓡꓯꓼ ꓙꓱ ꓖꓶ ꓗꓷ ꓟ ꓥꓳ꓿
“ꓟ, ꓟ ꓟ‐ꓡꓲ ꓡꓰ ꓠꓴ ꓪ ꓔꓯ ꓪꓴ‐ꓢ ꓐꓯ ꓘꓶꓽ ꓶꓼ ꓓꓳꓽ ꓫꓱ, ꓓꓳ ꓗꓪ ꓐꓰ ꓢꓯ. ꓔꓬ ꓛꓳ ꓫꓱꓽ ꓠ, ꓟ ꓐꓰ ꓟ, ꓟ ꓟ‐ꓡꓲ ꓡꓰ ꓧꓳꓽ ꓪꓴ. ꓬꓰ ꓖꓶ ꓗꓷ ꓟ ꓡꓰ ꓐꓰ ꓠꓴ ꓪ ꓤꓶꓻ ꓗꓪ ꓪꓴ‐ꓢ ꓠꓲ, ꓡꓶꓽ ꓐꓰ ꓚꓲ. ꓛꓬ ꓡꓯꓼ ꓙꓱ ꓢꓲ ꓡꓵ, ꓔꓴ ꓖꓶ ꓟ ꓔꓯ ꓢꓳ ꓓꓴ ꓬꓲ. ꓙꓱ ꓗꓷ ꓡꓰ ꓝꓲ” ꓐꓰ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓖꓶ ꓗꓷ ꓟ ꓥꓳ꓿
