ꓟꓶ‐ꓚꓲ‐ꓠ ꓘ‐ꓕꓳ‐ꓡꓲꓗ ꓢ‐ꓢꓲ‐ꓠ ꓗꓪ ꓔꓬ ꓟ ꓞꓳ ꓡꓱ ꓤ ꓐꓴ ꓮ ꓭ. ꓟꓵ ꓐꓮꓓꓟꓲꓠꓔꓳꓠ ꓓꓶ: ꓔꓯꓺ ꓡꓯ ꓘꓳ_ ꓟ꓾
ꓟꓶ‐ꓚꓲ‐ꓠ ꓘ‐ꓕꓳ‐ꓡꓲꓗ ꓢ‐ꓢꓲ‐ꓠ ꓔꓲꓺ ꓒ ꓙꓵꓽ ꓔꓶ. ꓗꓪ ꓔꓬ ꓟ ꓞꓳ ꓡꓱ ꓐꓴ ꓐ, ꓐ ꓟ, ꓟ ꓑꓮꓲ ꓚꓲ. ꓟꓶ ꓓꓴ ꓐꓱ ꓶ ꓮ ꓭ. ꓟꓵ ꓓꓶꓽ ꓔꓯꓺ ꓡꓯ ꓘꓳ_ ꓟ ꓔꓯ 7 ꓦ ꓟ 29‐30 ꓠꓬꓲ 2026 ꓘꓳꓼ ꓗꓪ ꓛꓲ ꓟꓶ‐ꓚꓲ‐ꓠ ꓮꓴꓠꓖ ꓠꓮꓠ ꓪꓽ ꓘꓴ ꓦꓲꓻ꓾ ꓢꓔ. ꓔꓧꓳꓟꓮꓢ ꓗꓪ ꓔꓯꓺ ꓡꓯ ꓘꓳ ꓗꓷꓳ꓿
ꓕꓱ ꓗꓪ ꓠꓬ ꓟꓶ‐ꓚꓲ‐ꓠ ꓢ‐ꓢꓲ‐ꓠ ꓔꓲꓺ ꓒ ꓙꓵꓽ ꓔꓶ. ꓗꓪ ꓔꓬ ꓟ꓾ ꓟ. ꓒꓽ ꓙꓵꓽ ꓔꓶ. (8) ꓟ ꓗꓪ ꓚꓳ. ꓞꓳ ꓡꓱ ꓐꓴ ꓔꓯꓺ ꓡꓯ ꓘꓳ ꓔꓬ ꓟ ꓥ ꓡꓳ꓿
ꓞꓳ ꓡꓱ ꓤ ꓐꓴ ꓔꓯ ꓔꓲꓺ ꓒ Dr. ꓑꓰꓔꓰꓣ ꓧꓗꓮ ꓮꓴꓠꓖ ꓔꓴ ꓡꓰ “ꓢ‐ꓢꓲ‐ꓠ ꓐꓱ ꓶ ꓬꓲ. ꓔꓶ. ꓕꓲ ꓔꓶ. ꓗꓪ ꓐꓰ ꓙꓲ_ ꓟ ꓔꓯ ꓛꓵ ꓔꓴ ꓢꓲ ꓠꓬꓲ ꓞꓳ ꓡꓱ ꓐꓴ ꓕꓲꓽ ꓣꓳ ꓐꓰ ꓕꓲꓽ ꓣꓳ ꓪꓽ ꓡꓯ ꓘꓳ ꓫꓱ, ꓡꓯ ꓘꓳ ꓠ, ꓟ ꓐꓱ ꓶ ꓐꓰ ꓧꓪꓽ ꓖꓳ ꓓꓱꓽ ꓔꓬ ꓢ ꓚꓱ, ꓐꓱ ꓶ ꓥ ꓟꓲ ꓢꓯꓼ ꓕꓵꓼˍ ꓟ ꓡꓰ ꓐꓰ꓾ ꓚꓲ. ꓛꓬ ꓙꓵꓻ ꓠꓲ, ꓕꓶꓻ ꓞ, ꓠ, ꓟ ꓐꓱ ꓶ ꓥ ꓟꓲ ꓥ ꓡꓳ꓿ ꓕꓱ ꓟ ꓗꓪ ꓐꓰ ꓡꓯꓼ ꓫꓴꓻ ꓪ ꓠ, ꓟ ꓐꓱ ꓶ ꓡꓰꓽ ꓟꓽ ꓥ꓾ ꓕꓱ ꓗꓪ ꓠꓽ ꓡꓰ ꓓꓴ ꓟꓽ ꓥ꓾ ꓣꓳ ꓬꓲ. ꓙꓵ, ꓙꓳ_ ꓟ ꓥ ꓕ ꓑꓳ. ꓗꓪ ꓚꓲ. ꓛꓬ ꓧꓪꓽ ꓖꓳ ꓓꓱꓽ ꓐꓱ ꓶ ꓡꓳ ꓖꓪ ꓢꓲ ꓢꓯꓼ ꓕꓵꓼ ꓓꓴ ꓬꓰ ꓡꓯ꓾” ꓐꓰ ꓬꓲ. ꓔꓶꓻ ꓙꓱꓼ ꓐꓰ ꓢꓯꓼ ꓖꓶ ꓗꓷ ꓟ ꓥꓳ꓿
