ꓮ ꓙꓵꓽ ꓢꓴ ꓧꓪ. ꓧꓪꓸꓼ ꓠꓬꓲ. ꓠꓬꓲ ꓪꓴ‐ꓢ ꓦ ꓡꓱ ꓢꓴ ꓥˍ ꓟꓲ ꓪꓴ‐ꓢ ꓦ ꓡꓱ ꓢꓴ ꓟꓽ ꓥ ꓢꓴ ꓥˍ ꓟꓲ ꓕꓲ ꓠꓬꓲ ꓙꓳˍ  ꓠꓬ ꓐꓯ ꓟꓴ ꓘꓶ ꓖꓴ ꓗꓪ ꓓꓵꓽ ꓙꓰ ꓪˍ ꓥꓳ ꓐꓰ ꓢꓲ ꓒ ꓬꓰ‐ꓢꓴ ꓡꓰ ꓕꓱ ꓡꓱ ꓐꓰ ꓙ ꓟꓳ ꓘꓶ ꓖꓶˍ ꓟ ꓐꓯ ꓘꓶ ꓗꓪ ꓐꓰ ꓣꓳ ꓕꓲ ꓑ, ꓤ ꓠ ꓡꓳ. ꓓꓴ ꓥ ꓡꓳ꓿

ꓟ. ꓟꓲꓽ ꓝꓲ. ꓠꓬ (ꓟ‐ꓕꓲ꓿13ꓽ47‐50) ꓗꓪ ꓟ ꓥꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓕꓱ ꓡꓱ ꓐꓯˍ ꓡꓳ꓿ ꓟꓴ ꓗꓪ ꓗꓴꓷꓼ ꓠꓬ ꓥꓪ. ꓓꓳꓽ ꓒ ꓕꓲ ꓣꓳ ꓠꓬ ꓬꓲ ꓡꓴꓽ ꓐꓱ ꓗꓪ ꓥꓪ. ꓑꓱ. ꓡꓳ ꓧꓳꓽ ꓗꓷ ꓢꓲ ꓠꓬꓲ ꓥꓪ. ꓓꓳꓽˍ ꓟ ꓔꓯ ꓣꓳ ꓑ ꓙꓽ ꓪˍ ꓡꓳ꓿ ꓢꓲꓽ ꓫꓬ ꓕꓳꓽ ꓶ ꓠꓬ ꓕꓱ ꓡꓱ ꓥꓳ꓿

ꓬꓰ‐ꓢꓴ ꓡꓰ ꓕꓱ ꓡꓱ ꓐꓯˍ ꓡꓳ꓿ ꓝꓮꓲ ꓟꓴꓽ ꓗꓪ ꓗꓴꓷꓼ ꓠꓬ꓾ ꓬꓲꓻ ꓡꓴꓽ ꓐꓱꓻ ꓗꓪ ꓓꓳꓽ ꓔꓸ ꓢꓲ꓾ ꓥꓪꓸ ꓫꓵꓽ ꓥꓪꓸ ꓙꓰꓽ ꓥ ꓕ ꓑꓳꓸ ꓓꓳꓽ ꓟꓶˍ ꓟ ꓥꓪꓸ ꓑꓱꓸˍ ꓡꓰ ꓐꓰ ꓗꓹ ꓡꓳ꓿ꓥꓪꓸ ꓑꓱꓸ ꓐꓲ ꓡ ꓠꓬ ꓥꓪꓸ ꓧꓪ ꓢꓴ ꓡꓰ ꓬꓲꓻ ꓙꓬ ꓘꓶꓽ ꓗꓪ ꓚꓵꓹ ꓓꓯ ꓡ ꓢꓲ꓾ ꓠꓬꓲꓸ ꓠꓸ ꓢꓲ ꓠꓬꓲ꓾ ꓙꓲꓻˍ ꓟ ꓥꓪꓸ ꓔꓯ ꓠꓬ ꓢꓲꓺ ꓓꓳ ꓡ ꓢꓲ ꓡꓴꓻ ꓗꓪ ꓗꓶꓺ ꓔ ꓡꓳ꓿ ꓟꓽ ꓙꓲ ꓟ ꓠꓬ ꓡꓳ ꓩꓴ ꓗꓷˍ ꓡꓳ꓿ꓖꓳ ꓟ ꓡꓰ ꓐꓰ ꓟꓲ ꓠꓯ ꓡꓳꓹ ꓬꓰˍ ꓟ ꓗꓪˍ ꓟꓲ ꓟꓴꓽ ꓗꓪ ꓝꓲ ꓓꓴ ꓐꓴ ꓓꓳ ꓡ ꓢꓲ꓾ ꓔꓱꓹ ꓜꓳꓽ ꓢꓴ ꓗꓳ ꓡꓳ ꓗꓪ ꓐꓰ ꓥꓶˍ ꓟ ꓡ ꓞꓳ ꓔꓯ ꓐꓱꓻ ꓓꓳ ꓡ ꓢꓲ ꓠꓬꓲ꓾ꓐꓬꓻ ꓞꓹ ꓟ ꓮꓸ ꓔꓳ ꓘꓴꓻ ꓗꓪ ꓡꓳ ꓧꓳꓽ ꓗꓷˍ ꓥꓳ꓿ ꓖꓳ ꓗꓪ ꓥꓴꓻ ꓠꓬꓲ ꓢꓶꓽ ꓛꓲꓽ ꓠꓬꓲ ꓗꓷ ꓡꓰˍ ꓥꓳ꓾ ꓐꓰ ꓐꓯˍ ꓡꓳ꓿