ꓞꓲꓽ ꓟꓳ ꓡꓰ ꓢꓴ ꓐꓴ ꓠꓬ ꓟꓯꓼ ꓟꓽ ꓓˍꓟ ꓶꓼ ꓟꓽ ꓥ꓾ ꓞꓳ ꓒꓴ ꓢꓲ꓾ꓚꓬ ꓦ ꓠꓽ ꓗ. ꓟ ꓥ ꓡꓳ꓾ ꓐꓰ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓔꓽ ꓟ꓾
ꓢꓲꓽ ꓒ ꓬꓰ‐ꓢꓴ ꓮꓽ ꓑ ꓮꓽ ꓤ ꓐꓰ ꓐꓯ ꓔꓬ ꓟ Saints Joachim ꓐꓰ Saints Ann ꓐꓴ ꓑꓮꓲ ꓬꓰ ꓗꓷ ꓗ. ꓠꓯꓼ (6) ꓧꓪꓽ ꓟ ꓕꓲ ꓟꓲ ꓠꓯ ꓡꓱ ꓮꓽ ꓑ ꓮꓽ ꓤ ꓐꓴ ꓑꓮꓲ ꓬꓯꓼ ꓠꓬꓲ ꓬꓰ ꓗꓷ ꓟ ꓥ ꓡꓳ꓿
Dicastery for Laity, Family and Life ꓗꓪ ꓐꓰ ꓞꓲꓽ ꓟꓳ ꓡꓰ ꓢꓴ ꓐꓴ ꓔꓯ ꓡꓳ. ꓙ ꓟ Vittorio Scelzo ꓗꓪ ꓬꓰ ꓙ ꓡꓳ. ꓙ ꓔꓬ ꓟ ꓥˍ ꓢꓲ꓾ ꓪꓴ‐ꓢ ꓠꓲ., ꓠꓵ ꓟ ꓟꓬꓱꓽ ꓔꓯ ꓬꓰ ꓙꓰ ꓠꓽ ꓥ ꓐꓯ ꓔꓽ ꓡꓳ꓿
ꓬꓲꓽ ꓪ ꓔꓯ ꓠꓬꓲ. ꓙ ꓡꓳ. ꓙ ꓔꓬ ꓟ ꓡꓰ ꓟꓽ ꓥ ꓥ ꓢꓲꓽ ꓒ ꓬꓰ‐ꓢꓴ ꓠꓵ., ꓠꓲ, ꓠꓬ ꓣꓳ ꓠꓯꓼ ꓗꓪ ꓮꓽ ꓕꓯ ꓥˍꓟꓲ ꓙꓳ ꓔꓬ ꓟ ꓚꓱ, ꓔꓯ ꓥˍꓟꓲ ꓢꓷ. ꓡꓰ ꓠꓽ ꓟ. ꓖꓶ ꓐꓯ ꓖꓶ ꓠꓽ ꓗ. ꓡꓳ꓿ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓔꓽ ꓟ ꓠꓬ “ꓖꓳ ꓡꓰ ꓠꓬ ꓬꓰ‐ꓧꓳ‐ꓧꓪ ꓡꓰ ꓒꓳ, ꓖꓶ ꓢꓲ꓾ ꓤ ꓟꓶ ꓤ ꓠꓬ ꓬꓲꓽ ꓮꓽ ꓚꓵ, ꓛꓵꓼ ꓢꓴ ꓤ ꓠꓱ ꓔꓯ ꓟꓲ ꓡꓰ ꓢꓲ꓾ ꓬꓲ ꓤ ꓘꓶ ꓗꓪ ꓐꓰ ꓦꓵ ꓔ ꓟ ꓤ ꓔꓯ ꓟꓽ ꓫꓱ. ꓤ ꓗꓷ ꓡꓰ ꓚꓰꓼ ꓡ? ꓬꓲ ꓪ ꓟꓲ ꓡꓲˍꓟꓲ꓾ ꓥꓪ ꓠꓬ ꓠꓴ ꓪ ꓔꓯ ꓟꓽ ꓟꓲ ꓡꓰ”ꓐꓯ ꓔꓽ ꓡꓳ꓿
ꓠꓲ., ꓫ. ꓟꓬ ꓫ. ꓔꓬ ꓢꓴ ꓐꓴ ꓞꓲ ꓟꓳ ꓡꓰ ꓢꓴ ꓐꓴ ꓔꓯ ꓬꓰ ꓙ ꓠꓬꓲ. ꓙ ꓠ, ꓟ ꓔꓲ.. ꓒ ꓪ ꓔꓲ ꓡꓰ ꓢꓯꓼ ꓖꓶ ꓔꓽ ꓟ ꓥ ꓡꓳ꓾ ꓬꓲꓽ ꓪ ꓐꓴ ꓠꓬ ꓟꓯꓼ ꓟꓽ ꓓˍꓟ ꓶꓼ ꓟꓽ ꓥ꓾ ꓞꓳ ꓒꓴ ꓢꓲ꓾ꓚꓬ ꓦ ꓠꓽ ꓗ. ꓟ ꓥ ꓡꓳ꓾ ꓐꓰ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓔꓽ ꓟ ꓥ ꓡꓳ꓿
