ꓡꓳ, ꓬꓰˍ ꓟ ꓗꓪ ꓬꓲ ꓟꓶꓽ ꓗꓪ ꓙꓲ ꓫꓬ ꓢꓴ ꓐꓴ ꓠꓬ ꓬꓲ ꓪ ꓐ, ꓐ ꓗꓴꓷꓼ ꓠꓯꓸꓼ ꓗꓪ ꓟꓲꓽ ꓟꓲˍ ꓡꓰ ꓐꓰ ꓣꓳꓺ ꓡˍ ꓥꓳ꓾ ꓐꓰ ꓐꓯˍ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓰ ꓣꓳ ꓦ ꓢꓯꓼ ꓪ ꓣꓴ ꓓꓴ ꓬꓰ ꓡꓯ꓿ (ꓟ‐ꓕꓲ 13ꓽ36‐43) ꓥ ꓡꓳ꓿

ꓠꓬꓲ. ꓠꓬꓲ ꓣꓳ ꓑ ꓙꓽ ꓗꓷ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓢꓲ ꓒ ꓬꓰ‐ꓢꓴ ꓡꓰ ꓫꓱ. ꓢꓶꓽ ꓔꓯ ꓥꓳꓽ ꓔꓯ ꓒꓶ ꓟ. ꓖꓶˍ ꓟ ꓚꓱ, ꓔꓯ ꓣꓳ ꓓꓵꓽ ꓙꓽ ꓠꓬꓲ ꓓꓴ ꓬꓰ ꓡꓯ꓿

ꓣꓳ ꓞꓳ ꓙꓳ ꓢꓯ. ꓔꓬ ꓟ ꓟꓲ ꓠꓯ ꓕꓱ ꓟ ꓗꓪ ꓙꓲˍ ꓟ ꓐꓰ ꓟꓽ ꓙꓲ ꓟ ꓕꓲ ꓡꓰ, ꓙꓳ ꓔꓬ ꓟ ꓡꓰ ꓐꓰ꓾ ꓙꓲ ꓢꓴ ꓐꓰ ꓟꓽ ꓙꓲ ꓢꓴ꓾ ꓔꓱ, ꓚꓵ ꓢꓴ ꓐꓰ ꓟꓽ ꓔꓱ, ꓚꓵ ꓢꓴ ꓙꓳ ꓔꓬ ꓟ ꓔꓯ ꓮꓽ ꓟˍ ꓟꓲ ꓘꓳ ꓣꓴ ꓔˍ ꓡꓳ꓿ ꓖꓳ ꓟˍ ꓡꓰ ꓐꓰ ꓙꓲˍ ꓟ ꓔꓯ ꓒꓬ, ꓡˍ ꓟ ꓥꓶˍ ꓟ ꓖꓳ ꓕꓲ ꓣꓳ ꓐꓰ ꓐꓯˍ ꓟ ꓢ‐ꓓꓯ ꓥˍ ꓟꓲ ꓙꓳˍ ꓡꓳ꓿

ꓠꓬꓲ. ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓥˍ ꓟꓲ ꓫꓱ. ꓢꓶꓽ꓾ ꓥ ꓠꓬ ꓟꓽ ꓙꓲ ꓟ ꓔꓯ ꓫꓵ. ꓖꓶ ꓡ ꓢꓴ ꓠꓬ ꓢ‐ꓓꓯ ꓥ ꓡꓳ꓾ ꓐꓯˍ ꓟ ꓔꓯ ꓣꓳ ꓟꓳ ꓪˍ ꓡꓳ꓿ ꓖꓳ ꓡꓱ ꓥ ꓟꓲ ꓣꓳ ꓕꓲ ꓣꓳ ꓡꓰ ꓕꓲ ꓣꓳ ꓠꓬ ꓠꓲ, ꓟ ꓟꓽ ꓙꓬ ꓡꓰ ꓡꓰ ꓥꓳ ꓡꓳ. ꓓꓴ ꓒ ꓐꓲꓸꓼ ꓐꓰ ꓢꓯ. ꓔꓬ ꓢꓲ ꓠꓬꓲ꓾ ꓙꓲˍ ꓟ ꓔꓯ ꓡꓰꓽ ꓬꓰ ꓢꓲ ꓒꓴˍ ꓟ ꓠꓲ, ꓟ ꓡꓰ ꓞꓳ ꓙꓳ ꓢꓯ. ꓔꓬ ꓗꓴ. ꓠ, ꓟ ꓢꓯꓼ ꓕꓵꓼ ꓠ ꓗ, ꓡꓳ꓿

ꓡꓳ, ꓬꓰˍ ꓟ ꓗꓪ ꓬꓲ ꓟꓶꓽ ꓗꓪ ꓠꓽ ꓙꓲ ꓫꓬ ꓢꓴ ꓐꓴ ꓠꓬ ꓚꓲ. ꓛꓬ ꓐ, ꓐꓽ ꓗꓴꓷꓼ ꓠꓯꓸꓼ ꓗꓪ ꓟꓲꓽ ꓟꓲˍ ꓡꓰ ꓐꓰ ꓣꓳꓺ ꓡˍ ꓥꓳ꓾ ꓐꓰ ꓐꓯˍ ꓟ ꓢꓲ ꓒ ꓬꓰ‐ꓢꓴ ꓬꓲ ꓐꓯ ꓘꓶꓽ ꓗꓪ ꓐꓰ ꓢꓯꓼ ꓪ ꓣꓴ ꓢꓲ ꓢꓯ. ꓔꓬ ꓓꓴ ꓬꓰ ꓡꓯ꓿