ꓟ‐ꓕꓲ 12ꓽ38‐42
ꓠꓬꓲ. ꓠꓬꓲ ꓢꓲ ꓫꓬ ꓕꓳ ꓶ ꓗꓪ ꓙꓵꓽ ꓗ ꓒꓽ ꓐꓴ ꓐꓰ ꓒ‐ꓡꓲ‐ꓢꓷ ꓐꓴ ꓕꓲꓽ ꓐꓱ ꓠꓬ ꓢꓲ ꓒ ꓬꓰ‐ꓢꓴ ꓠꓯꓼ ꓗꓪ ꓐꓰ ꓢꓷ. ꓡꓰ ꓓꓴ ꓔꓯ ꓟꓳ. ꓖꓶ ꓡꓯ ꓐꓰ ꓶ ꓓꓰ_ ꓟ ꓥ ꓡꓳ꓿ ꓢꓲ ꓒ ꓬꓰ‐ꓢꓴ ꓡꓰ ꓬꓳ‐ꓠ ꓢꓷ. ꓡꓰ ꓓꓴ ꓟꓽ ꓥ ꓠꓬ ꓮ ꓫꓵ ꓢꓷ. ꓡꓰ ꓓꓴ_ ꓟꓲ ꓟꓽ ꓟꓳ. ꓖꓶ ꓐꓰ ꓐꓯ ꓔ ꓟ ꓥ ꓡꓳ꓿ ꓕꓱ ꓟ ꓠꓬ ꓚꓵ ꓚꓵ ꓔꓱ, ꓟ ꓙꓵꓻ ꓠꓲ, ꓠꓬ ꓕꓱ ꓢꓷ. ꓡꓰ ꓓꓴ ꓢꓶ. ꓟꓽ ꓞꓲ ꓙ ꓡꓰ ꓟ ꓔꓯ ꓣꓳ ꓢꓷ. ꓠ ꓔ ꓡꓳ꓿ ꓙꓵꓻ ꓠꓲ, ꓠꓬ ꓕꓱ ꓢꓷ. ꓡꓰ ꓓꓴ ꓗꓪ ꓐꓰ ꓡꓰ ꓫꓬ, ꓔꓶꓻ ꓔ ꓟ ꓟꓽ ꓥ꓾ ꓙꓵꓻ ꓠꓲ, ꓗꓪ ꓐꓰ ꓡꓰ ꓬꓲ. ꓚꓰ ꓫꓬ, ꓔꓶꓻ ꓔ ꓟ ꓥ ꓡꓳ꓿ ꓢꓲ ꓒ ꓬꓰ‐ꓢꓴ ꓠꓯꓼ ꓗꓪ ꓛꓳ ꓢꓴ ꓣꓳ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓥ ꓟꓲ ꓕꓱ ꓡꓱ ꓟꓳ ꓪ ꓓ_ ꓟ ꓢꓷ. ꓡꓰ ꓓꓴ ꓗꓪ ꓐꓰ ꓙ ꓡꓰ ꓟ ꓙꓵꓻ ꓠꓲ, ꓔꓯ ꓣꓳ ꓙꓳ ꓠ ꓔ ꓡꓳ꓾ ꓖꓳ ꓟ ꓡꓰ ꓐꓰ ꓢꓲ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓔꓬ ꓟ ꓔꓯ ꓢꓷ. ꓡꓰ ꓝꓲ_ ꓟ ꓢꓷ. ꓡꓰ ꓓꓴ ꓥ ꓡꓳ꓾ ꓐꓰ ꓢꓯꓼ ꓖꓶ ꓩꓴ ꓡ ꓥꓳ꓿
