ꓮꓲꓓꓢ ꓠꓻ ꓫꓵ ꓔꓯ ꓗꓽ ꓕ. ꓫꓬ, ꓖꓶ_ ꓟ ꓗꓪ ꓮꓽ ꓟ ꓔꓯ ꓥ ꓟꓲ ꓕꓽ ꓒꓰ, ꓗꓷ꓾
ꓟꓵꓽ ꓗꓳ. ꓓꓵ ꓓꓵ ꓧꓲꓦ/ꓮꓲꓓꓢ ꓚꓱ, ꓔꓯ ꓟꓳ. ꓖꓪ ꓙꓱ ꓜꓲꓼ ꓓꓴ ꓗꓪ ꓧꓳꓡꓬ ꓢꓰꓰ ꓑꓣꓰꓰ ꓦꓮꓔꓲꓚꓮꓠ ꓣꓳ. ꓦꓲꓻ ꓚꓰ ꓗꓪ ꓐꓰ ꓮ ꓟꓶ ꓡꓰ ꓐꓰ ꓢꓯꓼ ꓖꓶ ꓗꓷ ꓟ ꓥꓳ꓿ ꓮꓲꓓꓢ ꓠꓻ ꓫꓵ ꓫꓬ, ꓟ ꓗꓪ ꓓ ꓡꓰ ꓫꓵ ꓪꓴ ꓟꓴ ꓡ ꓫꓵ ꓙꓳ ꓥ ꓟꓲ ꓮ ꓙꓵ ꓟꓬ ꓠꓬꓲ ꓠꓬ ꓤ ꓠꓱ ꓤ ꓐꓰ ꓢꓯꓼ ꓐꓽ ꓢꓴ ꓐꓴ ꓠꓻ ꓫꓬ, ꓪ ꓟꓶ ꓡꓰ ꓠ, ꓟ ꓟꓬ ꓠꓬꓲ ꓢꓯꓼ ꓕꓵꓼ ꓠ, ꓟ ꓣꓱ ꓬꓯꓼ ꓡꓳ꓿
2010 ꓘꓳꓼ ꓡꓳꓼ ꓡꓰ ꓗ. ꓠꓯ. ꓟꓵꓽ ꓗꓳ. ꓓꓵ ꓓꓵ ꓗꓪ ꓧꓲꓦ ꓠꓻ ꓫꓵ ꓮ ꓘꓶ. ꓟꓽ ꓙꓳ ꓡꓰ ꓟ ꓥꓳ꓿ ꓧꓲꓦ ꓠꓻ ꓫꓵ ꓔꓯ ꓗꓽ ꓕ. ꓟ ꓮ ꓟꓬ, ꓙꓳ ꓡ ꓟ ꓑꓶ ꓓꓴ ꓠꓻ ꓢꓴ ꓐꓴ ꓟꓬ ꓠꓬꓲ ꓤꓶꓻ ꓫꓵꓺ ꓡ ꓟ ꓔꓯ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓮ ꓟꓶꓢꓲ ꓪꓴꓽ ꓟꓴ ꓡ ꓟ ꓗꓴꓷꓼ ꓗꓪ ꓞꓳ ꓤ ꓮ ꓟꓬ, ꓠꓬ ꓕꓱ ꓡꓱ ꓠꓯꓺ ꓞꓲꓼ ꓠꓯꓺ ꓟꓲ ꓔꓯ ꓡꓳꓼ ꓠ ꓟꓽ ꓪ ꓟ ꓥ ꓟꓲ ꓙꓳ_ ꓡꓳ꓿
ꓤ ꓠꓱ ꓐꓴ ꓐꓱ ꓶ ꓟꓬ ꓠꓬꓲ ꓛꓬ ꓫ. ꓓꓴ ꓤ ꓠꓱ ꓤ ꓐꓴ ꓧꓲꓦ ꓠꓻ ꓢꓴ ꓐꓴ 3% ꓛꓲ ꓡꓰ ꓙꓳ ꓥ ꓟꓲ ꓠꓻ ꓫꓵ ꓧꓪ ꓟꓳ ꓟ ꓐꓰ ꓠꓻ ꓫꓬ, ꓟ ꓗꓪ ꓣꓱ ꓬꓯꓼ ꓟ ꓑꓶ ꓓꓴ ꓫꓵꓻ ꓢꓴ ꓮ ꓙꓵ 12% ꓗꓪ ꓛꓲ ꓙꓳ ꓡꓰ ꓟ ꓥꓳ꓿ ꓖꓳ ꓟ ꓑꓶ ꓓꓴ ꓟ, ꓟ ꓐꓴ ꓐꓱ ꓶ ꓙꓲ_ ꓟ ꓤ ꓠꓱ ꓖꓳ ꓓꓱ ꓶꓻ ꓔꓬ ꓟ ꓐꓰ ꓦꓵꓻ ꓓꓳ ꓗ. ꓠꓯ. ꓠꓬꓲ ꓙ ꓡꓳ. ꓙ ꓟ꓾ ꓤ ꓠꓱ ꓤ ꓐꓰ ꓙꓲ_ ꓟ ꓠꓯꓺ ꓞꓲꓼ ꓪ ꓟꓶ ꓠ, ꓟ ꓣꓱ ꓬꓯꓼ ꓟ ꓥꓳ꓿
ꓟꓵꓽ ꓗꓳ. ꓓꓵ ꓓꓵ ꓗꓪ ꓧꓲꓦ ꓠꓻ ꓫꓵ ꓚꓱ, ꓔꓯ ꓟꓳ. ꓗꓽ ꓕ ꓟ ꓡꓲ ꓩꓴ. ꓕꓲꓽ ꓩꓴ. (25%) ꓛꓲ ꓔꓯ ꓡꓰ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓯꓺ ꓞꓲꓼ ꓟꓬꓱꓽ ꓣꓱ ꓜꓴꓻ ꓗꓪ ꓐꓰ ꓬꓰ ꓙ ꓔꓬ ꓟ ꓥꓳ꓿ ꓠꓻ ꓢꓴ ꓮ ꓙꓵ ꓡ ꓞꓳ ꓕꓲꓽ ꓣꓳ ꓡꓰ ꓐꓰ ꓟꓬꓱꓺ ꓓꓳꓽ ꓐꓰ ꓕꓲꓽ ꓪ ꓠꓻ ꓫꓬ, ꓖꓶ ꓢꓲ ꓠꓬꓲ ꓙ ꓡꓳ. ꓙ ꓟ ꓔꓯ ꓪ ꓟꓶ ꓠ, ꓟ ꓘꓴ ꓜꓲꓼ ꓞꓳ ꓗꓪ ꓐꓰ ꓐ ꓡ ꓟꓬ ꓛꓲ ꓬꓰ ꓙ ꓡꓳ. ꓙ ꓖꓶ ꓓꓴ ꓥꓳ ꓐꓰ ꓐꓯ ꓔ ꓡꓳ꓿
