ꓠꓬꓲ. ꓠꓬꓲ ꓢꓲ ꓫꓬ ꓕꓳ ꓶ ꓗꓪ ꓠꓬ ꓢꓲ ꓒ ꓬꓰ‐ꓢꓴ ꓡꓰ ꓠꓻ ꓫꓬ, ꓟ꓾ ꓫꓵꓻ ꓢꓴ ꓔꓯ ꓢꓯ. ꓡ ꓝꓲ_ ꓟ ꓕꓱ ꓢꓷ. ꓡꓰ ꓓꓴ ꓠꓬꓲꓽ ꓟ ꓔꓯ ꓬꓰ ꓖꓶ ꓗꓷ ꓟ ꓥꓳ꓿ ꓕꓲꓽ ꓚꓱ, ꓐꓯ ꓠꓬ ꓢꓲ ꓒ ꓬꓰ‐ꓢꓴ ꓡꓰ ꓢ‐ꓢꓲ‐ꓠ ꓟꓬꓱꓽ ꓔꓯ ꓢꓷ. ꓡꓰ ꓠ ꓟ. ꓖꓶ ꓟ ꓡꓰ ꓐꓰ ꓪꓴ‐ꓢ ꓗꓴꓷꓼ ꓓꓳꓽ ꓔꓯ ꓚꓺ ꓒꓬꓱꓽ ꓗꓷ ꓟ ꓥ ꓡꓳ꓿
ꓪꓴ‐ꓢ ꓶꓼ ꓓꓳꓽ ꓫꓱ, ꓓꓳ ꓗꓪ ꓡꓳ. ꓟꓳ ꓪ ꓟ ꓡꓰ ꓐꓰ ꓜꓲꓼ ꓦꓲ ꓙꓵꓽ ꓢꓴ ꓬꓲ ꓤ ꓟꓶꓼ ꓠꓬ ꓟꓽ ꓫꓵꓻ꓾ ꓢꓯ. ꓬꓲꓼ ꓡ ꓟ ꓐꓰ ꓢꓯ. ꓔꓬ ꓟꓶ ꓟ ꓡꓰ ꓐꓰ ꓬꓲ ꓠꓬ 12 ꓘꓳꓼ ꓡꓱꓼ ꓫꓵꓽ ꓓꓳ ꓠꓬꓲ ꓡ ꓞꓳ ꓮ ꓟꓬ, ꓠꓬꓲ ꓟꓽ ꓟꓴ ꓟ ꓕꓱ ꓤ ꓟꓶ ꓤ ꓠꓬ ꓢꓲ ꓒ ꓬꓰ‐ꓢꓴ ꓗꓪ ꓐꓰ ꓠꓻ ꓫꓬ, ꓓ ꓟꓶ ꓡꓰ ꓢꓲ ꓢꓯ. ꓔꓬ ꓟꓶ ꓟ ꓥ ꓡꓳ꓿
ꓕꓱ ꓟ ꓠꓬ ꓜꓲꓼ ꓦꓲ ꓙꓵꓽ ꓢꓴ ꓠꓬ ꓬꓲ. ꓤ ꓟꓶꓼ ꓐꓱ ꓶ ꓢꓲ ꓒ ꓬꓰ‐ꓢꓴ ꓠꓯꓼ ꓗꓪ ꓶꓼ ꓓꓰ ꓟ ꓥ ꓗꓪ ꓐꓰ ꓠꓻ ꓫꓬ, ꓟꓶ ꓡꓰ ꓟ ꓥ ꓡꓳ꓿ ꓙꓵꓻ ꓠꓲ, ꓐꓰ ꓶꓽ ꓓꓰ_ ꓟ꓾ ꓪꓽ ꓘꓴ ꓟ ꓗꓪ ꓐꓰ ꓒꓬꓱꓼ ꓡ ꓟꓽ ꓓ ꓐꓰ ꓓꓵꓽ ꓙ ꓟ ꓠꓬ ꓚꓵ ꓚꓵ ꓒꓬꓱꓼ ꓡ ꓟ ꓥ ꓡꓳ꓿
