Venezuela ꓗꓪ ꓟꓵꓽ ꓙꓴꓽ ꓚꓵ, ꓓꓴ ꓔꓳ, ꓜꓳ ꓡꓰ ꓟ ꓑꓶ. ꓓꓴ ꓠꓽ ꓓꓴ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓠ, ꓟ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯˍꓟ ꓓꓳꓽ

ꓡꓳ, ꓬꓰ ꓟ ꓕꓲ ꓠꓽ ꓘꓴ ꓗꓪ Venezuela ꓗꓪ ꓟꓵꓽ ꓙꓴꓽ ꓚꓵ, ꓓꓴ ꓔꓳ, ꓜꓳ ꓡꓰ ꓟ ꓑꓶ. ꓓꓴ ꓫꓵ., ꓡꓰ ꓢꓴ 1500 ꓣꓳ ꓟꓽ ꓞꓲ ꓫꓵ., ꓡꓰ ꓢꓲ꓾ ꓠꓽ ꓓꓴ ꓡꓰ ꓢꓴ ꓮꓽ ꓟꓬ, ꓛꓲ ꓙꓳ ꓡꓰ ꓟ ꓥ ꓡꓳ꓾ ꓖꓳ ꓑꓶ. ꓓꓴ ꓕꓱ ꓡꓱ ꓠꓲ., ꓫ, ꓟꓬ ꓫ. ꓔꓬ ꓢꓴ ꓐꓴ ꓔꓯ ꓬꓰ ꓙ ꓕꓳꓼ ꓙ ꓠ, ꓟ ꓐꓱ ꓶ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓔꓽ ꓟ ꓥ ꓡꓳ꓿

ꓟꓽ ꓞꓲ ꓬꓰ ꓙ ꓢꓴ ꓜꓴ ꓐꓴ ꓡꓰ ꓡꓯꓼ ꓫꓵꓼ ꓧꓪ ꓔꓬ ꓥˍꓟꓲ ꓑ ꓫꓬ 70000 ꓟꓽ ꓞꓲ ꓟꓽ ꓧꓪ ꓟꓶˍꓢꓲ ꓐꓰ ꓢꓷ. ꓪ ꓡꓳ꓿  ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ ꓡꓳ, ꓬꓰ ꓟ ꓠꓽ ꓫꓵ ꓠꓬꓲꓽ Angelus ꓪꓽ ꓘꓴ ꓙꓵꓽ ꓗꓪ ꓟꓵꓽ ꓙꓴꓽ ꓚꓵ, ꓡ ꓟ ꓑꓶ. ꓓꓴ ꓫꓵ., ꓡꓰ ꓢꓴ ꓐꓴ ꓐꓰ ꓠꓽ ꓓꓴ ꓡꓰ ꓢꓴ ꓐꓴ ꓮꓽ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ ꓐꓰ ꓫ. ꓠꓬꓲꓽ ꓤ ꓔꓬ ꓡꓳ ꓐꓰ ꓐꓯ ꓢꓲ꓾ ꓣꓳ ꓥˍꓟꓲ ꓑ ꓡ ꓟꓬ ꓛꓲ ꓬꓰ ꓙ ꓪꓽ ꓘꓴ ꓙ ꓓꓴ ꓬꓰ ꓡꓯ ꓐꓰ ꓐꓯ ꓔꓽ ꓟ ꓥ ꓡꓳ꓿

ꓟꓽ ꓞꓲ ꓔꓲ.. ꓒ ꓪ ꓔꓲ ꓡꓰ ꓕꓱ ꓡꓱ ꓟꓵꓽ ꓙꓴꓽ ꓚꓵ, ꓡ ꓟ ꓗꓪ ꓬꓰ ꓙ ꓔꓬ ꓢꓴ ꓐꓴ ꓔꓯ ꓥˍꓟꓲ ꓮꓽ ꓘꓶꓽ ꓫ. ꓟꓳ ꓔꓬ ꓟ ꓥˍꓢꓲ꓾ ꓡꓯꓼ ꓫꓵ ꓞ. ꓢꓲ꓾ ꓬꓰ ꓙ ꓖꓶ ꓠ, ꓟ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓶꓽ ꓓꓰ ꓗꓷ ꓟ ꓥ ꓡꓳ꓿ ꓟꓽ ꓞꓲ ꓕꓱ ꓡꓱ ꓫ. ꓓꓴ ꓕꓳꓼ ꓜꓳꓼ ꓔꓬ ꓢꓴ ꓐꓴ ꓔꓯ ꓔꓲ.. ꓒ ꓪ ꓔꓲ ꓡꓰ ꓒꓴ ꓫꓵꓽ ꓮꓽ ꓟꓬ, ꓗꓪ ꓐꓰ ꓬꓰ ꓙ ꓗꓷ ꓟ ꓥ ꓡꓳ꓿