WORLD REFUGEE DAY ꓬꓰˍ ꓟ

ꓠꓬꓲ. ꓠꓬꓲ 6 ꓦ ꓟ 21 ꓠꓬꓲ 2026꓾ ꓢꓲꓺ ꓒ ꓦꓬꓼ ꓠꓬꓲ ꓕꓯ ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓗꓪ ꓐꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓢꓔ. ꓚꓳꓡꓴꓐꓮꓠ ꓮꓴꓠꓖ‐ꓠꓮꓠ ꓪꓽ ꓘꓴ ꓦꓲꓻ ꓗꓪ (World refugee day) ꓟꓵ: ꓗꓳ, ꓓꓵ ꓓꓵ ꓗꓪ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ: ꓔꓬ ꓢꓴ ꓐꓴ ꓐꓱ ꓶ ꓑꓮꓲꓽ ꓦꓬꓼ ꓠꓬꓲ ꓔꓯ ꓬꓰ ꓗꓷ ꓟ ꓥ ꓡꓳ꓿

ꓕꓱ (World refugee day) ꓑꓮꓲꓽ ꓔꓯ ꓟꓲ‐ꓚꓲ‐ꓠ ꓔꓲꓺ ꓒ ꓥ ꓟ ꓔꓲꓺ ꓒ ꓓꓣ. ꓧꓗꓮ‐ꓮꓴꓠꓖ‐ꓔꓴ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓲ‐ꓢ ꓔꓲ ꓖꓶ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓡꓰ ꓟ. ꓟꓲꓽ ꓚꓺˍ ꓟ ꓗꓪ꓾ ꓠꓲ, ꓠꓵˍ ꓟ ꓬꓲ ꓤ ꓠꓬꓲ ꓤ ꓐꓴꓳ꓾ ꓠꓬꓲ. ꓠꓬꓲ ꓟꓯꓼ ꓘꓰꓹ ꓟꓯꓼ ꓑꓬ ꓔꓬ ꓢꓴ ꓐꓴ ꓑꓮꓲ (World refugee day) ꓓꓮꓬ ꓔꓯ ꓠꓬꓲ. ꓠꓬꓲ ꓣꓳ ꓐꓴ ꓬꓰ ꓔꓬ ꓟ ꓥ ꓡꓳ꓿ ꓟꓬ‐ꓟ ꓗꓴꓷꓼ꓾ ꓗ‐ꓛꓲ ꓗꓴꓷꓼ ꓫꓴ ꓘꓴꓽ ꓗꓪ ꓠꓬꓲ. ꓠꓬꓲ ꓗꓴꓷꓼ ꓟꓽ ꓢꓲ ꓡꓲ ꓟ ꓑꓶ. ꓓꓴ ꓚꓲ. ꓛꓬ ꓔꓬ ꓦꓲꓻ ꓔꓯ ꓛ ꓗꓷ ꓢꓲ ꓠꓬꓲ ꓶ: ꓤ ꓟ ꓟꓵꓽ ꓗꓪ ꓟꓯꓼ ꓘꓰꓹ ꓟꓯꓼ ꓑꓬ ꓔꓬ ꓢꓴ ꓐꓴ ꓮ ꓟꓬ, ꓙꓳˍ ꓟ ꓥ ꓡꓳ꓿

ꓠꓬꓲ. ꓠꓬꓲ ꓣꓳ ꓐꓴ ꓐ ꓡ ꓟꓬ ꓛꓲ ꓣꓳꓺ ꓓꓰ ꓡꓰ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓟ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓬꓰ ꓙ ꓟ ꓥ ꓡꓳ꓾ ꓐꓰ ꓐꓯ ꓖꓶ ꓔ ꓡꓳ꓿

ꓟꓬ‐ꓟ ꓗꓴꓷꓼ ꓢꓲ ꓡꓲ ꓟꓶ ꓠ, ꓟ ꓐꓰ ꓟꓵ: ꓗꓳ, ꓓꓵ ꓓꓵ ꓗꓪ ꓢꓲ ꓡꓲ ꓟꓶ ꓠ, ꓟ ꓮ ꓘꓶ. ꓛꓲ ꓪꓽ ꓘꓴ ꓠ, ꓟ ꓐꓯ ꓖꓶ ꓔ ꓟ ꓥ ꓡꓳ꓿

ꓕꓱ ꓑꓮꓲꓽ ꓔꓯ (ꓙꓑꓚ) ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓟ. ꓒ ꓑꓮꓔꓣꓲꓚꓗ‐ꓠꓐꓮꓪꓗ‐ꓮꓴꓠꓖ‐ꓔꓴ ꓡꓰ ꓮ ꓟꓶ ꓟ ꓙꓵ, ꓗꓪ ꓟꓯꓼ ꓘꓰꓹ ꓟꓯꓼ ꓑꓬ ꓔꓬ ꓢꓴ ꓐꓴ ꓮ ꓡꓲ ꓐꓰ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ: ꓔꓬ ꓟ ꓚꓱ, ꓔꓯ ꓥ ꓟꓲ ꓐꓯ ꓟ. ꓖꓶ ꓗꓷꓳ꓿ ꓝꓮꓲ ꓘꓴ ꓜꓲꓼ ꓞꓳ ꓗꓪ ꓐꓰ ꓟꓯꓼ ꓘꓰꓹ ꓟꓯꓼ ꓑꓬ ꓔꓬ ꓢꓴ ꓐꓴ ꓔꓯ ꓢꓷ. ꓠꓲ, ꓚꓱ, ꓗꓪ ꓬꓲ ꓒꓳ, ꓒꓳ, ꓬꓰ ꓙ ꓔꓳ, ꓙ ꓔꓬ ꓟ ꓚꓱ, ꓔꓯ ꓥ ꓟꓲ ꓐꓯ ꓟ. ꓖꓶ ꓗꓷꓳ꓿

(World refugee day) ꓑꓮꓲꓽ ꓔꓯ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓡꓰ ꓒꓴ ꓖꓶ ꓔ ꓟ ꓜꓴꓻ ꓥ ꓟ

1. Jesuit Refugee Service (JRS)

2. Justice and Peace Commission (JPC)

3. Diocesan Commission for Education (DCE)

4. KMSS Myitkyina

5. Columban Missionaries

6. Community Health and Development (CHAD)

7. Myitkyina Diocesan Catholic Health Commission (MDCHC)

ꓜꓴꓻ ꓐꓴ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓬꓰ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿