ꓤꓶ., ꓟꓽ ꓐꓲ ꓢꓴ ꓐꓴ ꓔꓯ ꓡꓳ. ꓙ ꓠ, ꓟ ꓠꓬ ꓘꓴꓽ ꓜꓲꓼ ꓞꓳ ꓗꓪ ꓟ ꓙꓵꓽ ꓗ., ꓕꓲ ꓟ ꓥ ꓡꓳ ꓐꓰ ꓔꓲ.. ꓒ ꓪꓽ ꓔꓲ ꓡꓰꓳ (14) ꓡꓰ ꓐꓯ ꓔ ꓟ꓾
ꓔꓲ.. ꓒ ꓪꓽ ꓔꓲ ꓡꓰꓳ (14) ꓠꓬ ꓤꓶ., ꓟꓽ ꓐꓲ ꓢꓴ ꓐꓴ ꓔꓯ ꓡꓳ. ꓙ ꓠ, ꓟ ꓚꓱ, ꓔꓯ ꓟꓳ. ꓬꓰ ꓙ ꓢꓴ ꓐꓴ ꓥˍꓟ American ꓗꓴꓷꓼ ꓗꓪ ꓟ ꓝꓲ. ꓓꓴ ꓐꓴ ꓐꓰ ꓜꓲꓼ ꓡꓯꓼ ꓘꓳ, ꓢꓲ꓾ ꓕꓱ ꓜꓲꓼ ꓓꓴ ꓗꓪ ꓕꓱ ꓡꓱ ꓡꓳ. ꓙ ꓠ, ꓟ ꓠꓬ ꓘꓴꓽ ꓜꓲꓼ ꓞꓳ ꓗꓪ ꓟ ꓙꓵꓽ ꓗ., ꓕꓲ ꓟ ꓥ ꓡꓳ ꓐꓰ ꓔꓲ.. ꓒ ꓪꓽ ꓔꓲ ꓡꓰꓳ (14) ꓡꓰ ꓐꓯ ꓔ ꓥ ꓡꓳ꓿
ꓚꓳ ꓡꓳ ꓚꓳ ꓫꓵꓼ ꓗꓪ ꓢꓲ ꓡꓲ. ꓗꓷ ꓠˍꓟ ꓮ ꓘꓶꓽ ꓣꓱꓽ ꓯꓬꓼ ꓔꓬ ꓡꓳ꓾ ꓕꓱ ꓡꓱ ꓢꓲ ꓡꓲ. ꓟꓽ ꓗꓷ ꓔꓬ ꓟ ꓑꓶ. ꓓꓴ ꓑ ꓫꓬ ꓕꓲ ꓣꓳ ꓠꓯ.ꓼ ꓘꓴ ꓗꓪ ꓦ ꓕꓲ ꓒꓳ,꓾ ꓟꓽ ꓞꓲ ꓪꓴ ꓟꓵ ꓡ ꓠ, ꓟ ꓚꓱ, ꓗꓪ ꓥˍꓟꓲ ꓮꓽ ꓘꓶꓽ ꓢꓯꓼ ꓑ ꓔꓬ ꓟ ꓥ ꓡꓳ ꓐꓰ ꓔꓲ.. ꓒ ꓪ ꓔꓲ.. ꓡꓰ ꓐꓯ ꓔꓽ ꓡꓳ꓾ ꓖꓳ ꓟ ꓑꓶ. ꓓꓴ ꓢꓲ ꓡꓲ. ꓗꓷ ꓠꓽ ꓟ ꓐꓱ ꓶ ꓣꓳ ꓐꓴ ꓢꓯꓼ ꓕꓵꓼ ꓠꓽ ꓗ. ꓡꓳ꓿ ꓪꓴ‐ꓢ ꓔꓯ ꓦ ꓡꓱ ꓟ ꓗꓪ ꓟꓽ ꓜꓳ ꓜꓳ ꓠꓲ., ꓪꓴ ꓪꓴ ꓡꓰ ꓦ ꓡꓱ ꓑ ꓡ ꓠ, ꓟ ꓣꓱꓽ ꓬꓯꓼ ꓔꓬ ꓟ ꓥ ꓡꓳ꓿
ꓤꓶ., ꓟꓽ ꓐꓲ ꓢꓴ ꓐꓴ ꓔꓯ ꓡꓳ. ꓙ ꓠ, ꓟ ꓠꓬ ꓘꓴꓽ ꓜꓲꓼ ꓞꓳ ꓗꓪ ꓟ ꓙꓵꓽ ꓗ., ꓕꓲ ꓟ ꓥ ꓡꓳ꓾( ꓟ‐ꓕꓲ ꓕꓳꓽ ꓶ 18ꓽ 6 ) ꓢꓲꓽ ꓒ ꓡꓰ ꓐꓯ ꓟ. ꓔ ꓟ ꓫ. ꓪ ꓔꓯ ꓜꓲ ꓜꓲ ꓟꓳ ꓟꓳ ꓐꓳ ꓔꓽ ꓟ ꓥ ꓡꓳ꓿
ꓤꓶ., ꓟꓽ ꓐꓲ ꓢꓴ ꓐꓴ ꓔꓯ ꓡꓳ. ꓙ ꓠ, ꓟ ꓠꓬ WU-S Mꓬꓱꓽ ꓬꓰ ꓔꓬ ꓟ ꓔꓲ.. ꓒ ꓔꓲ.. ꓟ ꓐꓴ ꓡꓰ ꓟꓽ ꓥꓽ ꓥ꓾ ꓗꓴꓷꓼ ꓔꓯ ꓙꓵꓽ ꓢꓴ ꓐꓴ ꓢꓲꓽ ꓒ ꓐꓴ ꓟꓽ ꓥ ꓠꓬ ꓢꓷ. ꓠꓲ., ꓙꓳ ꓢꓴ ꓘꓴꓽ ꓜꓲꓼ ꓞꓳ ꓗꓪ ꓟ ꓢꓲ ꓤ ꓐꓴ ꓮꓽ ꓙꓲ ꓡꓳ. ꓙ ꓠꓽ ꓗ. ꓟ ꓥ ꓡꓳ ꓐꓰ ꓔꓲ.. ꓒ ꓪ ꓔꓲ ꓡꓰꓳ 14 ꓡꓰ ꓐꓯ ꓔ ꓡꓳ꓿
