ꓦ ꓐ 6 ꓦ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓪꓽ ꓘꓴ ꓔꓶꓻ ꓙꓱꓼ ꓠꓬ꓾ ꓛꓲ ꓡꓵ ꓡꓯꓼ ꓡꓵ ꓢꓲ ꓡꓳ ꓖꓪ_ ꓟ ꓒꓵꓽ ꓶꓽ ꓥ ꓡꓳ꓿
ꓛꓲ ꓡꓵ ꓡꓯꓼ ꓡꓵ ꓢꓲ ꓡꓳ ꓖꓪ ꓫꓵ ꓡꓯꓼ ꓫꓴꓺ ꓣꓱ ꓛꓰ ꓐꓱ ꓶ ꓥ ꓟꓲ ꓚꓲ. ꓛꓬ ꓖꓳ ꓓꓱ ꓔꓯ ꓣꓱ ꓢꓲ ꓪꓴ‐ꓢ ꓟꓬꓱꓺ ꓓꓳꓽ ꓔꓯ ꓫꓱ. ꓖꓶ ꓐ ꓡ ꓟ ꓣꓱ ꓛꓰ ꓐꓱ ꓶ ꓡꓳ ꓖꓪ ꓔꓶ. ꓗꓪ ꓐꓰ ꓪꓽ ꓡꓯ ꓘꓳ ꓡ ꓟ ꓛꓳꓽ ꓒꓯ, ꓐꓴ ꓐꓱ ꓶ ꓥ ꓟꓲ ꓛꓳꓽ ꓒꓯ, ꓬꓲ. ꓜꓴꓻ ꓐꓰ ꓗ, ꓗ, ꓛꓲ ꓛꓲ ꓡꓳ ꓖꓪ ꓪ ꓟ ꓣꓱ ꓛꓰ ꓖꓶ ꓡ ꓟ ꓑꓶ ꓓꓴ ꓢꓲ ꓒꓽ ꓔꓯ ꓫ. ꓟꓳ꓾ꓟꓲ ꓠꓯ ꓤꓶꓻ ꓕꓱ ꓟ ꓡꓳ ꓖꓪ ꓔꓶ. ꓗꓪ ꓠꓬ ꓮꓽ ꓟ ꓥ ꓟꓲ ꓕꓲꓽ ꓣꓳ ꓕꓵꓼ ꓧꓪ. ꓡꓰ ꓟꓽ ꓓ ꓟ ꓔꓯ ꓢꓲ ꓒꓽ ꓟ. ꓖꓶ ꓗꓷ ꓟ ꓥꓳ꓾ ꓥꓪ ꓠꓴ ꓪꓴꓽ ꓟꓴ ꓡ ꓠ, ꓟ꓾ ꓕꓲꓽ ꓣꓳ ꓐꓰ ꓕꓲꓽ ꓣꓳ ꓒꓵꓽ ꓛꓳ ꓗꓴ._ ꓟ꓾ ꓥꓪ ꓠꓴ ꓧꓪ. ꓡꓰ ꓟ ꓔꓯ ꓕꓲ ꓠꓲ, ꓕꓲ ꓪ ꓫꓱ. ꓖꓶ ꓐ ꓡ ꓠ, ꓟ ꓐꓱ ꓶ ꓛꓳꓽ ꓒꓯ, ꓐꓴ ꓔꓯ ꓣꓱ ꓬꓯꓼ ꓡꓳ꓿ ꓛꓲ ꓡꓵ ꓡꓯꓼ ꓡꓵ ꓢꓲ ꓡꓳ ꓖꓪ ꓫꓵ ꓠꓬ ꓬꓲ. ꓚꓱ, ꓟꓽ ꓙꓳ ꓟ ꓧꓪ. ꓔꓯꓺ ꓡꓯꓽ ꓘꓳ ꓠ, ꓟ ꓓꓰ ꓢ ꓬꓲꓼ ꓠꓬꓲ ꓤ ꓠꓵꓻ ꓠꓲ, ꓐꓰ ꓪ ꓡꓯ ꓘꓳ ꓫꓱ, ꓡꓯ ꓘꓳ ꓓꓴ ꓟ. ꓖꓶ_ ꓟ ꓬꓲ. ꓔꓶ.꓾ ꓒꓰ, ꓗꓷ ꓓꓴ ꓟꓽ ꓥ ꓕꓲꓽ ꓣꓳ ꓐꓰ ꓕꓲꓽ ꓣꓳ ꓜꓲ ꓡꓯ ꓘꓳ ꓔꓶ.꓾ ꓜꓲ ꓜꓲ ꓟꓴ ꓟꓴ ꓗꓪ ꓐꓰ ꓟꓽ ꓥ꓾ ꓢꓲ ꓡꓲ, ꓟ ꓠꓯꓼ ꓗꓪ ꓪꓴ. ꓔꓴ_ ꓟ ꓬꓲ. ꓚꓱ, ꓕꓲꓽ ꓟ ꓗꓷ ꓡꓰ ꓝꓲ ꓡꓯ ꓐꓰ ꓥꓪ ꓠꓴ ꓪꓽ ꓘꓴ_ ꓥꓳ꓿
ꓡꓳ ꓖꓪ ꓢꓴ ꓟ. ꓖꓶ ꓢꓴ ꓢꓯꓼ ꓖꓶ ꓢꓴ ꓮ ꓙꓵ ꓠꓬ ꓟꓽ ꓪ_ ꓟ ꓡꓲꓽ ꓒꓰꓼ ꓐꓰ ꓥ ꓢꓲ ꓠꓬꓲ ꓞꓳ ꓫꓵ ꓔꓯ ꓕꓲꓽ ꓠꓲ, ꓕꓲꓽ ꓪ ꓗꓷ ꓡꓰ ꓝꓲ ꓢꓲ꓾ ꓬꓰ ꓙ ꓔꓳ, ꓙ ꓟ ꓐꓰ ꓚꓲ ꓛꓬ ꓐꓱ ꓶ ꓪꓴꓽ ꓟꓴ ꓡ ꓝꓲ ꓟ꓾ “ꓟꓲ ꓠꓯ ꓐꓱ ꓶ ꓫ. ꓪ ꓘꓶꓽ” ꓕꓲꓽ ꓟ ꓔꓯ ꓕꓱ ꓡꓳ ꓖꓪ ꓫꓵ ꓗꓪ ꓡꓳ. ꓟꓳ ꓪ ꓡꓳ꓿ ꓢꓲ ꓒ ꓬꓰ‐ꓢꓴꓳ꓾ ꓡꓳ ꓖꓪ ꓟ ꓙꓵ, ꓠꓯꓼ ꓗꓪ ꓢꓲ ꓒ ꓐꓰ ꓕꓲꓽ ꓪ ꓛꓳ ꓫꓱꓽ ꓐ ꓡ ꓠ, ꓟ ꓒꓬꓱꓼ ꓡꓰ ꓝꓲ ꓡꓯ꓾ ꓗ, ꓛꓲ ꓟ꓾ ꓢꓯꓼ ꓕꓵꓼ_ ꓟ ꓐꓰ ꓕꓲꓽ ꓪ ꓬꓰ ꓐ ꓡ ꓠ, ꓟ꓾ ꓞꓳ. ꓡꓰ ꓕꓯ ꓥ ꓟꓲ ꓙꓽ ꓣꓳꓺ ꓟ ꓠꓲ, ꓟ ꓙꓳ ꓠ, ꓟ ꓐꓰ ꓧꓪ. ꓡꓰ ꓕꓯ ꓠꓬ ꓢꓲ ꓒꓽ ꓠꓴ ꓢꓯ. ꓬꓲꓼ ꓡ ꓟ ꓗꓪ ꓐꓰ ꓖꓶ ꓡ ꓟ ꓧꓪ. ꓡꓰ ꓓꓴ ꓐꓱ ꓶ ꓣꓱ ꓛꓰ ꓔꓯ ꓫꓱ. ꓖꓶ ꓐ ꓡ ꓠ, ꓟ ꓟꓳ. ꓖꓶ ꓡꓯ꓿ꓥꓪ ꓠꓴ ꓠꓲ, ꓟ ꓘꓴꓽ ꓠꓯꓼ ꓗꓪ ꓢꓲ ꓒꓽ ꓠꓴ ꓪꓽ ꓠꓬꓲ_ ꓟ ꓟꓬꓱꓺ ꓓꓳꓽ ꓮ ꓕꓯ ꓟꓲ ꓡꓵꓽ ꓖꓶ ꓡꓯ꓾ ꓥꓪ ꓠꓴ ꓔꓯ ꓬꓲ. ꓜꓴꓻ ꓕꓲꓽ ꓜꓴꓻ ꓡꓰ ꓗꓷ ꓡꓰ ꓝꓲ ꓡꓯ꓾ ꓚꓺ ꓟꓲꓽ ꓠꓯꓼ ꓗꓪ ꓕꓲꓽ ꓠꓲ, ꓕꓲꓽ ꓪ ꓐꓰ ꓬꓲꓼ ꓠꓬꓲ ꓤ ꓠꓲ, ꓟ ꓐꓰ ꓫꓬ, ꓔꓶꓻ ꓐ ꓡ ꓠ, ꓟ꓾ ꓢꓲ ꓒꓽ ꓠꓴ ꓐꓰ ꓕꓲ ꓪ ꓛꓳ ꓫꓱꓽ ꓐ ꓡ ꓠ, ꓟ ꓢꓯꓼ ꓪ ꓡꓵꓽ ꓖꓶ ꓡꓯ꓿
