ꓢꓲ ꓒ ꓬꓰ‐ꓢꓴ ꓬꓲ ꓫꓵꓽ ꓐꓰ ꓬꓲ ꓧꓪꓽ ꓑꓮꓲ ꓠꓯꓼ ꓗꓪ ꓢꓷ. ꓙ ꓟꓳ ꓙ ꓟ ꓔꓯ ꓢꓯ. ꓔꓬ ꓙꓻ ꓫꓱꓽ ꓓꓴ ꓬꓰ ꓡꓯ꓾
ꓠꓽ ꓢꓽ ꓠꓬꓲ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓐꓰ ꓜꓲ ꓟ ꓗꓪ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓟꓵ ꓗꓳ. ꓓꓵ ꓓꓵ ꓗꓪ ꓬꓰ ꓔꓬ ꓟ ꓢꓲ ꓒ ꓬꓰ‐ꓢꓴ ꓬꓲ ꓫꓵꓽ ꓬꓲ ꓧꓪ ꓑꓮꓲ ꓚꓳ ꓙꓰ ꓟ ꓑꓮꓲ ꓗꓪ ꓐꓰ ꓕꓲ ꓝ. ꓡꓳ. ꓟꓳ ꓪ ꓟ “ꓞꓳ ꓤ ꓟꓲ ꓙꓬ ꓙꓵꓻ ꓠꓲ, ꓚꓱ, ꓔꓯ ꓟꓳ. ꓢꓷ. ꓙ ꓟꓳ ꓙ ꓟ” ꓔꓯ ꓢꓯ. ꓔꓬ ꓠ, ꓟ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓮ ꓙꓵ ꓔꓯ ꓢꓯꓼ ꓖꓶ_ ꓡꓳ꓿
ꓖꓳ ꓟ ꓡꓰ ꓐꓰ ꓐꓶ ꓓꓳ ꓔꓲ, ꓫꓵ ꓗꓪ ꓔꓬ ꓟ ꓗ‐ꓕꓳ‐ꓡꓲꓗ ꓔꓲꓺ ꓒ ꓔꓲꓺ ꓟ ꓐꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓶ ꓢꓲ ꓕꓲ ꓪ ꓔꓬ ꓟ ꓡꓳ ꓐꓰ ꓢꓯꓼ ꓖꓶ ꓘꓶꓽ ꓫ. ꓕꓱ ꓗꓷ ꓟ ꓥꓳ꓿
ꓢꓲ ꓫꓬ ꓖꓳ ꓓꓱ ꓔꓯ ꓒꓵ ꓛꓳ ꓟ ꓠꓯꓼ ꓗꓪ ꓡꓳ ꓒꓱ ꓞꓳ ꓘ, ꓮ ꓟꓬ, ꓙ ꓖꓴ ꓗꓪ ꓢꓲ ꓫꓬ ꓖꓳ ꓓꓱ ꓔꓯ ꓑꓱ. ꓢꓲ ꓚꓳ ꓙꓰ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓞꓳ ꓤ ꓟꓲ ꓕꓯ ꓗꓪ ꓙꓵꓻ ꓠꓲ, ꓔꓯ ꓢꓷ. ꓙ ꓟꓳ ꓙ ꓟ ꓕꓱ ꓡꓳ. ꓐꓲ_ ꓟ ꓔꓯ ꓟ. ꓖꓶ_ ꓟ ꓔꓯ ꓝ. ꓢꓲ ꓢꓯ. ꓔꓬ ꓠ, ꓟ ꓣꓳ ꓔꓯ ꓢꓯꓼ ꓖꓶ ꓔ ꓡꓳ꓾
ꓔꓲꓺ ꓒ ꓪ ꓔꓲ ꓡꓰ “ꓢꓲ ꓫꓬ ꓖꓳ ꓓꓱ ꓑ ꓑ ꓘꓴꓽ ꓠꓯꓼ ꓗꓪ ꓣꓳ ꓕꓲ ꓣꓳ ꓡꓰ ꓕꓲ ꓣꓳ ꓐꓱ ꓶ ꓖꓶ ꓡ ꓟ ꓑ ꓑ ꓥ ꓟ ꓢꓲ ꓒ ꓬꓰ‐ꓢꓴ ꓔꓯ ꓣꓳ ꓥꓳ ꓡꓳ. ꓔ ꓡꓳ ꓐꓰ ꓐꓯ ꓟ ꓔꓯ ꓣꓳ ꓓꓵꓽ ꓙ ꓢꓲ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓗꓪ ꓐꓰ ꓥ ꓟꓲ ꓕꓱ ꓟ ꓡꓲꓽ ꓒꓰꓼ ꓔꓯ ꓠꓲ, ꓡꓱ ꓡꓱ ꓐ ꓠ, ꓟ ꓢꓯꓼ ꓖꓶ ꓔ ꓟ ꓥ ꓡꓳ꓿
ꓐꓶ ꓓꓳ ꓔꓲ, ꓫꓵ ꓠꓯꓼ ꓗꓪ ꓢ‐ꓢꓲ‐ꓠ ꓟꓬꓱꓽ ꓟꓯꓻ ꓔꓬ ꓟ ꓔꓲꓺ ꓒ ꓔꓲꓺ ꓟ ꓐꓴ ꓔꓯ ꓓꓵꓽ ꓙ ꓢꓲ ꓠꓬꓲ “ꓠꓴ ꓪ ꓢ‐ꓢꓲ‐ꓠ ꓟꓬꓱꓽ ꓐꓰ ꓠꓴ ꓪ ꓔꓬ ꓟ ꓗꓴꓷꓼ ꓥꓳ ꓡꓳ. ꓔ ꓟ ꓔꓯ ꓥꓪ ꓡꓰ ꓪꓽ ꓘꓴ ꓖꓶ_ ꓡꓳ꓾ ꓶꓽ ꓥꓳꓽ ꓙꓱ ꓖꓶ_ ꓡꓳ꓾ ꓠꓴ ꓪ ꓐꓰ ꓮ ꓕꓯ ꓟꓲ ꓔꓬ ꓡꓳ꓾” ꓐꓰ ꓐꓯ ꓔ ꓡꓳ꓿
ꓖꓳ ꓟ ꓡꓰ ꓟꓽ ꓞꓲ (ꓢꓲ ꓒ ꓬꓰ‐ꓢꓴ ꓠꓲ, ꓟ) Daughters of the Sacred Heart of Jesus꓾ Montfortain Family ꓜꓴꓻ ꓐꓰ Sisters of Our Lady of the Cenacle ꓔꓲꓺ ꓟ ꓜꓴ ꓐꓴ ꓔꓯ ꓥ ꓟꓲ “ꓪꓴ‐ꓢꓳ꓾ ꓠꓴ ꓔꓱ, ꓟ ꓐꓰ ꓢꓲ ꓡꓲ, ꓟ ꓔꓯ ꓥꓳ ꓡꓳ. ꓢꓴ ꓮ ꓙꓵ ꓐꓱ ꓶ ꓥꓳ ꓡꓳ. ꓓꓴ ꓬꓲ. ꓚꓱ, ꓕꓲꓽ ꓟ ꓒꓬꓱꓼ ꓡꓰ ꓓꓲ” ꓐꓰ ꓢꓯꓼ ꓖꓶ ꓔ ꓡꓳ꓿
