ꓟꓬ‐ꓟ ꓗꓴꓷꓼ ꓗꓪ ꓟꓵꓽ ꓘꓳꓼ ꓒꓳ, ꓡ ꓟ (Climate Change)
ꓧꓪ. ꓧꓪ ꓠꓬꓲ ꓟꓵꓽ ꓘꓳꓼ ꓒꓳ, ꓟ ꓚꓱ, ꓗꓪ ꓐꓰ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓮ ꓡꓲ ꓐꓰ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓔꓬ ꓡ ꓐꓰ ꓐꓯ ꓟ ꓚꓱ, ꓗꓪ ꓐꓰ ꓐꓯ ꓟ. ꓖꓶ ꓓꓴ ꓥ ꓡꓳ꓿
ꓣꓳ ꓮ ꓙꓵꓽ ꓢꓴ ꓐꓱ ꓶ ꓮ ꓘꓶ. ꓣꓳ ꓚꓵˍ ꓟ ꓕꓲ ꓫꓵꓽ ꓠꓬ ꓙꓲ ꓟ ꓟꓵꓽ ꓘꓳꓼ ꓦꓬꓼ ꓠꓬꓲ ꓘꓳ, ꓣꓴ ꓪ ꓠ, ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓙꓲ ꓟ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓕꓲ ꓑ ꓑ ꓔꓳ ꓜꓳ ꓡ ꓟ ꓥ ꓡꓳ꓿ ꓮ ꓡꓲ ꓐꓰ ꓕꓱ ꓡꓰ ꓒꓬꓱꓼ ꓡ ꓟ ꓔꓯ ꓡꓳ. ꓠꓬꓲ ꓓꓴ ꓬꓰ ꓡꓯ꓿
ꓟꓵꓽ ꓘꓳꓼ ꓒꓳ, ꓡ ꓟ ꓫꓵꓽ ꓪꓴꓽ ꓑꓶ. ꓓꓴ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓢꓯ. ꓫꓵꓽ ꓢꓯ. ꓙꓵꓽ ꓐꓰ ꓟꓲ ꓠꓯ ꓡ ꓞꓳ ꓮ ꓙꓵꓽ ꓔꓯ ꓮ ꓘꓶ. ꓫ. ꓛꓲ ꓔꓬ ꓫ. ꓡꓰ ꓝꓲ ꓟ ꓫꓵꓽ ꓪꓴꓽ ꓓ ꓟ ꓥ ꓡꓳ꓿ ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓬꓲꓻ ꓙꓬ ꓙꓵꓽ ꓡ꓾ ꓟꓶ ꓞ ꓮ ꓘꓶ. ꓞ ꓡ꓾ ꓕꓱ ꓡꓰ ꓒꓬꓱꓼ ꓡ ꓟ ꓔꓯ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓥ ꓟꓲ ꓔꓳ, ꓜꓳ ꓡ ꓟ ꓥ ꓡꓳ꓿
1. ꓬꓲꓻ ꓙꓬ ꓙꓵꓽ ꓟ ꓐꓰ ꓟꓵꓽ ꓡꓶꓽꓡ ꓟ
ꓗꓳ. ꓗꓷ ꓙꓵ, ꓙꓵ, ꓟꓬ‐ꓟ ꓗꓴꓷꓼ ꓗꓪ 6 ꓦ ꓟ 7 ꓦ ꓘꓴꓽ ꓗꓪ ꓮ ꓕꓯ ꓥ ꓟꓲ ꓟꓲ ꓦ ꓦ ꓡ ꓢꓲ ꓠꓬꓲ ꓕꓱ ꓟꓲ ꓦ ꓬꓲꓻ ꓗꓪ ꓐꓰ ꓓꓲ ꓟꓲ ꓟꓶ ꓫꓴ ꓟꓲ ꓗꓪ ꓜ ꓔꓶ. ꓟ ꓥ ꓡꓳ꓿ ꓖꓳ ꓡꓰ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓟꓲ ꓦ ꓦ ꓙꓵ, ꓟꓽ ꓦ ꓟꓽ ꓦ ꓬꓲꓻ ꓙꓬ ꓟꓽ ꓙꓳ ꓗꓷ ꓡꓰ ꓟ ꓑꓶ. ꓓꓴ ꓑ ꓫꓬ ꓐꓴ ꓮ ꓘꓶ. ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓟ ꓥ ꓡꓳ꓿ ꓗꓳ. ꓗꓷ ꓟ (2008) ꓕꓯ ꓥ ꓥ ꓟꓲ ꓠ‐ꓗꓰ ꓟꓲ ꓦꓲꓻ ꓕꓳ ꓥꓳꓽ ꓬꓲꓻ ꓙꓬ ꓟ ꓝꓮꓲ ꓟꓵꓽ ꓙꓴꓽ ꓚꓵˍ ꓟ ꓔꓯ ꓕꓲ ꓑ ꓑ ꓔꓳ, ꓜꓳ ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓫꓵꓻ ꓢꓴ ꓐꓴ ꓮ ꓟꓬ, ꓙꓳ ꓟ ꓥ ꓡꓳ꓿
2 ꓠꓬ ꓬꓲꓻ ꓡꓳ ꓐꓱ ꓓꓽ ꓬꓲꓻ ꓙꓬ ꓓꓯ ꓡ ꓟ
ꓬꓲ ꓡꓳ ꓐꓱ ꓒ ꓕꓲ ꓗꓪ ꓙꓳ ꓟ ꓞꓳ ꓘ, ꓮ ꓟꓬ, ꓠꓬ ꓮ ꓟꓶ ꓟ ꓙꓵ, ꓗꓪ ꓬꓲꓻ ꓡꓳ ꓐꓱ ꓬꓲꓻ ꓙꓬ ꓓꓯ ꓡ ꓟ ꓑꓶ. ꓓꓴ ꓟꓶ ꓡ ꓟ ꓞꓳ ꓘ, ꓮ ꓟꓬ, ꓙꓳ ꓡ ꓟ ꓥ ꓡꓳ꓿ ꓝꓮꓲ ꓓꓲ ꓟꓲ ꓗꓪ ꓥ ꓟꓲ ꓞꓼ ꓐꓳ ꓮ ꓟꓬ, ꓓꓵ ꓡ ꓟ ꓑꓶ. ꓓꓴ ꓔꓶ ꓜ ꓔꓶ ꓓꓳ ꓚꓱ, ꓗꓪ ꓮ ꓘꓶ. ꓫ. ꓔꓬ ꓡꓳ꓿
3 ꓠꓬ ꓟꓶ ꓞ ꓮ ꓘꓶ. ꓞ ꓡ ꓟ
ꓟ‐ꓖꓳꓥ ꓐꓰ ꓢ‐ꓗꓮꓲ ꓟꓵꓽ ꓗꓪ ꓟꓶ ꓞ ꓞ ꓟ (45) ꓓꓰꓖꓣꓰꓰ ꓛꓲ ꓡ ꓟ ꓥ ꓡꓳ꓿ ꓖꓳ ꓡꓱ ꓠꓬ ꓬꓲꓻ ꓙꓬ ꓘꓴꓽ ꓗꓪ ꓬꓲꓻ ꓙꓬ ꓢꓪ ꓡꓰ ꓟ꓾ ꓓꓳ ꓓꓴ ꓬꓲꓻ ꓙꓬ ꓮ ꓘꓶ. ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿
4. ꓠꓬ ꓠꓻ ꓫꓵꓽ ꓮ ꓟꓬ, ꓙꓳ ꓡ ꓟ
ꓮ ꓟꓶ ꓟ ꓙꓵ, ꓗꓪ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓑ ꓫꓬ ꓮ ꓟꓬ, ꓠꓬ ꓠꓻ ꓫꓵꓽ ꓠꓻ ꓙꓲ ꓮ ꓟꓬ, ꓔꓳ, ꓜꓳ ꓔꓬ ꓟ ꓥ ꓡꓳ꓿ ꓟꓵꓽ ꓘꓳꓼ ꓒꓳ, ꓡ ꓟ ꓑꓶ. ꓓꓴ ꓑꓶ ꓓꓴ ꓡꓯꓼ ꓓꓰ ꓟꓬ, ꓡ ꓟ ꓑꓶ. ꓓꓴ ꓠꓻ ꓫꓵꓽ ꓙꓳ ꓡ ꓟ ꓥ ꓡꓳ꓿ ꓝꓮꓲ ꓕꓲ ꓔꓶ. ꓗꓪ ꓐꓰ ꓕꓲ ꓔꓶ. ꓙꓰ ꓠ, ꓟ ꓫ. ꓔꓬ ꓟ ꓑꓶ. ꓓꓴ ꓶꓻ ꓤ ꓒꓵꓽ ꓥ ꓟꓲ ꓮ ꓘꓶ. ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓡꓳ꓿
ꓖꓳ ꓡꓱ ꓥ ꓟꓲ ꓣꓳ ꓟꓵꓽ ꓘꓳꓼ ꓒꓳ, ꓡ ꓟ ꓗꓽ ꓕꓽ ꓟ ꓟꓬꓱꓽ ꓬꓰ ꓠꓬ ꓙꓲ ꓟ ꓟꓵꓽ ꓘꓳꓼ ꓔꓯ ꓘꓳ, ꓣꓴ ꓪ ꓓꓴ ꓥ ꓡꓳ
ꓮ ꓡꓲ ꓐꓰ ꓟꓬꓱꓽ ꓬꓰ ꓠꓯ, ꓡ ꓟ ꓐꓯ ꓠꓬ ꓮ ꓔꓳ ꓞ ꓔꓯ ꓮ ꓔꓳ ꓔꓳ ꓟꓽ ꓡꓯ ꓠ, ꓟ ꓐꓮꓔꓔꓰꓣꓬ꓾ ꓐꓰ ꓮ ꓔꓳ ꓙꓼ ꓔꓯ ꓑꓲ ꓔ ꓠ, ꓟ ꓥ ꓡꓳ꓿
ꓑꓡꓮꓢꓔꓲꓚ ꓣꓱ ꓟ ꓔꓯ ꓤ ꓟꓳ ꓠ, ꓟ ꓥ ꓢ ꓠꓬꓲ꓾ ꓕꓲ ꓧꓪ, ꓣꓱ ꓟ ꓳꓠꓰ ꓴꓢꓰ ꓔꓯ ꓤ ꓟꓳ ꓠ, ꓟ ꓥ ꓡꓳ꓿
ꓢꓲ, ꓜꓲ ꓔꓶ ꓠ, ꓟ ꓥ ꓡꓳ꓿ ꓢꓷ. ꓠꓲ, ꓢꓳꓻ ꓦꓲꓻ ꓗꓪ ꓥ ꓟꓲ ꓙꓲꓻ ꓖꓴ ꓗꓪ ꓥ ꓟꓲ ꓢꓲ, ꓜꓲ ꓔꓯ ꓬꓲ ꓔꓶ. ꓮ ꓟꓬ, ꓗꓪ ꓔꓶ ꓠ, ꓟ ꓐꓱ ꓶ ꓥ ꓡꓳ꓿
ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓖꓶ ꓠ, ꓟ ꓢꓷ. ꓠꓲ, ꓚꓴ ꓬꓲ, ꓖꓶ ꓠ, ꓟ ꓥꓡꓳ꓿ ꓢꓳꓚꓲꓮꓡ ꓟꓰꓓꓲꓮ ꓗꓪ ꓐꓰ ꓬꓰ ꓖꓶ ꓠ, ꓟ ꓥ ꓡꓳ꓿
ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓠ, ꓟ ꓠꓬ ꓪꓴꓽ ꓟꓴ ꓔꓬ ꓟ ꓗꓴꓷꓼ ꓐꓴ ꓡꓰ ꓬꓰ ꓠ, ꓟ ꓟꓽ ꓥ꓿ ꓣꓳ ꓡꓳ ꓒꓱ꓾ ꓞꓳ ꓘ, ꓪ ꓚꓲ ꓪ ꓐ ꓗꓪ ꓔꓬ ꓢꓴ ꓐꓴ ꓮ ꓙꓵꓽ ꓠꓯ, ꓗꓪ ꓶ ꓙꓳ ꓟ ꓥ ꓡꓳ꓿
ꓖꓳ ꓡꓱ ꓠꓬ ꓣꓳ ꓞꓳ ꓡꓱ ꓞꓳ ꓡꓯ. ꓐꓴ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓟꓬꓱꓽ ꓔꓯ ꓡꓯ ꓔꓲ ꓟꓬꓱꓽ ꓬꓰ ꓓꓴ ꓬꓰ ꓡꓯ꓿ ꓣꓳ ꓔꓬ ꓟ ꓟꓬ‐ꓟ ꓔꓯ ꓙꓲ ꓟ ꓟꓵꓽ ꓘꓳꓼ ꓦꓬꓼ ꓠꓬꓲ ꓘꓳ, ꓣꓴ ꓟꓶ ꓠ, ꓟ ꓣꓳ ꓢꓯꓼ ꓕꓵꓼ ꓡꓯ꓿ ꓟꓵꓽ ꓘꓳꓼ ꓒꓳ, ꓡ ꓟ ꓚꓱ, ꓮ ꓙꓵꓽ ꓔꓯ ꓤ ꓟꓳ ꓓꓴ ꓬꓰ ꓡꓯ ꓫ. ꓟꓳ ꓪ꓿
