ꓣꓳ‐ꓟ ꓪ ꓔꓲ ꓐꓴ ꓡꓰ ꓙꓲ‐ꓢꓴ ꓢꓲꓺ ꓤ ꓐꓴ ꓢꓰꓼ ꓟ ꓚꓱ, (Church history)
ꓠꓬꓲ. ꓠꓬꓲ ꓘꓴ ꓜꓲꓼ ꓞꓳ ꓚꓺ ꓟꓲꓽ ꓗꓪ ꓐꓰ ꓮ ꓠꓱ ꓣꓳ‐ꓟ ꓪ ꓔꓲ ꓐꓴ ꓡꓰ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ ꓟ ꓚꓱ, ꓔꓯ ꓚꓺ ꓟ. ꓖꓶ ꓓꓴ ꓥꓳ꓿ ꓮꓓ (250) ꓘꓳꓼ ꓧꓶ. ꓕꓯ ꓗꓪ ꓣꓳ‐ꓟ ꓗꓴꓷꓼ ꓬꓲ ꓔꓶ. ꓮ ꓟꓬ, ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓝꓴꓲ. ꓖꓶ ꓢꓲ ꓠꓬꓲ ꓢꓰꓼ ꓗꓷ ꓟ ꓥ ꓡꓳ꓿
ꓖꓳ ꓕꓲ ꓙꓵ, ꓗꓪ ꓣꓳ‐ꓟ ꓗꓴꓷꓼ ꓗꓪ ꓪ ꓔꓲ ꓣꓱ ꓢꓴ ꓠꓬ ꓪ ꓔꓲ Trajan Decius ꓥ ꓡꓳ꓿ ꓕꓱ ꓪ ꓔꓲ ꓣꓳ‐ꓟ ꓗꓴꓷꓼ ꓔꓯ ꓙꓵꓽ ꓟ ꓙꓵ, ꓕꓯ ꓢꓲꓺ ꓒ ꓬꓰ‐ꓢꓴ ꓗ. ꓠꓯ ꓢꓲ ꓛꓳ ꓢꓴ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ ꓠ, ꓟ ꓜꓴꓻ ꓒꓴ ꓗꓷ ꓟ ꓥ ꓡꓳ꓿
ꓝꓮꓲ ꓣꓳ‐ꓟ ꓪ ꓔꓲ ꓠꓰꓣꓳ ꓣꓳ‐ꓟ ꓗꓴꓷꓼ ꓔꓯ ꓙꓵꓽ ꓟ ꓠꓬ (64‐68) ꓘꓳꓼ ꓗꓪ ꓛꓲ ꓥ ꓢꓲ ꓠꓬꓲ ꓣꓳ‐ꓟ ꓗꓴꓷꓼ ꓘꓴꓽ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ ꓠ, ꓟ ꓟꓬꓱꓽ ꓬꓰ ꓟ ꓥ ꓡꓳ꓿
ꓝꓮꓲ ꓝ. ꓢꓲ ꓣꓳ‐ꓟ ꓗꓴꓷꓼ ꓔꓯ ꓙꓵꓽ ꓢꓴ ꓪ ꓔꓲ ꓐꓴ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓮ ꓟꓬ, ꓢꓰꓼ ꓟ ꓥ ꓡꓳ꓿ ꓮ ꓠꓱ ꓣꓳ‐ꓟ ꓗꓴꓷꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓮ ꓘꓶ. ꓛꓲ ꓔꓬ ꓫ. ꓟ ꓗꓴꓷꓼ ꓥ ꓡꓳ
ꓖꓳ ꓡꓱ ꓥ ꓟꓲ ꓮ ꓠꓱ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓮ ꓘꓶ. ꓛꓲ ꓫ. ꓓꓴ ꓟꓷꓽ ꓓꓴ ꓔꓳ, ꓜꓳ ꓗꓷ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓔꓯ ꓟꓽ ꓡꓳ ꓗꓷ ꓬꓲ ꓪ ꓫꓵꓻ ꓗꓪ ꓛꓲ ꓢꓲꓺ ꓒ ꓗ. ꓠꓯ ꓛꓳ ꓗꓷ ꓟ ꓥ ꓡꓳ꓿
