ꓡꓰꓖꓲꓳꓠ ꓳꓝ ꓟꓮꓣꓬ ꓜꓴꓽ ꓗꓪ (30) ꓘꓳꓼ ꓗꓪ ꓛꓲ ꓘꓴ ꓜꓲꓼ ꓞꓳ ꓟꓬꓱꓽ ꓔꓯ ꓬꓰ ꓙ ꓢꓴ ꓴ ꓟꓬꓲꓠꓔ ꓪꓮꓲ ꓔꓯ ꓟꓮꓠꓓꓮꓡꓮꓬ ꓗ‐ꓕꓳ‐ꓡꓲꓗ ꓘꓴ ꓜꓲ ꓞꓳ ꓗꓪ ꓐꓰ ꓟꓬꓱꓽ ꓓꓳ ꓖꓶˍꓟ
ꓟꓬ‐ꓟ ꓗꓴꓷꓼ ꓕꓲ ꓗꓴꓷꓼ ꓡꓱ ꓘꓴ ꓗꓪ ꓙꓳˍꓟ ꓟꓮꓣꓬ ꓘꓴꓽ ꓗꓪ ꓒꓴ꓾ ꓫꓵ., ꓢꓯꓼ ꓪ ꓗꓪ ꓐꓰ (30) ꓘꓳꓼ ꓛꓲ ꓬꓰ ꓙ ꓡ ꓟ ꓑꓶ. ꓓꓴ ꓬꓰ‐ꓙ ꓢꓴ ꓴ ꓟꓬꓲꓠꓔ ꓪꓮꓲ ꓔꓯ ꓟꓮꓣꓬ ꓜꓴꓽ ꓗꓪ ꓟ (300 )ꓣꓳ ꓟꓽ ꓞꓲ ꓬꓲꓼ ꓦꓲ., ꓗꓪ ꓙꓰ ꓢꓲ꓾ ꓟꓬꓱꓽ ꓓꓳ ꓖꓶ ꓗꓷ ꓟ ꓥ ꓡꓳ꓿ ꓕꓱ ꓑꓮꓲ ꓔꓯ ꓟꓮꓣꓬ ꓜꓴꓽ ꓗꓪ ꓟ ꓦ ꓢꓯꓼ ꓪ ꓖꓶ ꓢꓴ ꓔꓲ.. ꓒ ꓑꓮꓴꓲ ꓔꓧꓰꓔ ꓗꓧꓮꓲꓠꓖ ꓡꓰ ꓧꓳꓽꓪꓴ ꓢꓲ꓾ ꓟꓲ‐ꓢ ꓔꓯ ꓬꓰ ꓗꓷ ꓟ ꓥ ꓡꓳ꓿ ꓔꓲ.. ꓒ ꓑꓮꓴꓲ ꓔꓧꓰꓔ ꓗꓧꓮꓲꓠꓖ ꓡꓰ ꓐꓯ ꓟ ꓠꓬ ꓴ ꓟꓬꓲꓠꓔ ꓪꓮꓲ ꓠꓬ ꓣꓳ ꓘꓴ ꓜꓲꓼ ꓞꓳ ꓐꓱ ꓶ ꓮꓽ ꓘꓶꓼ ꓢꓯꓼ ꓕꓵꓼ ꓖꓶ ꓢꓴ ꓕꓲ ꓣꓳ ꓥ ꓡꓳ꓿
ꓔꓲ.. ꓟ ꓟꓰꓡꓮꓠꓲꓰ ꓟꓲ ꓚꓧꓲꓔ‐ꓣꓲꓠ ꓡꓰ ꓐꓯˍꓟ ꓠꓬ ꓴ ꓟꓬꓲꓠꓔ ꓪꓮꓲ ꓠꓬ ꓥꓪ ꓠꓴ ꓟꓮꓣꓬ ꓜꓴ ꓔꓯ (30) ꓘꓳꓼ ꓛꓲ ꓬꓰ ꓙ ꓕꓳꓽ ꓙ ꓖꓶ ꓡ ꓟ ꓑꓶ. ꓓꓴ ꓬꓲ., ꓔꓯ ꓫ. ꓟꓳ ꓖꓶ ꓠꓯ,ꓼˍꓟ ꓐꓰ ꓫꓱ, ꓖꓶ ꓠ, ꓟ ꓐꓱ ꓶ ꓑꓮꓲ ꓕꓱ ꓟ ꓔꓯ ꓬꓰ ꓗꓷ ꓟ ꓥ ꓡꓳ ꓐꓰ ꓐꓯ ꓡꓳ꓿
ꓴ ꓟꓬꓲꓠꓔ ꓪꓮꓲ ꓡꓰ ꓐꓯˍꓟ ꓠꓬ ꓥꓪ ꓕꓱ ꓡꓱ ꓬꓰ ꓑ ꓡ ꓟ ꓠꓬ ꓟ. ꓟ. ꓟ‐ꓡꓲ‐ꓬ ꓡꓰ ꓪꓽ ꓘꓴ ꓙ ꓟ ꓑꓶ. ꓓꓴ ꓬꓰ ꓑ ꓡ ꓫꓵ ꓥ ꓡꓳ ꓐꓰ ꓐꓯ ꓡꓳ꓿ ꓡ ꓠ, ꓟ ꓗꓪ ꓥˍꓟꓲ ꓕꓱ ꓡꓱ ꓬꓰ‐ꓙ ꓑ ꓡ ꓠ, ꓟ ꓮꓽ ꓘꓶꓼ ꓢꓯꓼ ꓕꓵ ꓙꓰ ꓓꓴ ꓥꓳ ꓐꓰ ꓐꓯ ꓡꓳ꓿
