ꓪꓴ‐ꓢ ꓔꓬ ꓖꓴ
ꓮ ꓫꓵ ꓑꓶ ꓓꓴ ꓕꓱ ꓡꓱ ꓐꓰ ꓬꓰ_ ꓡ?
ꓣꓳ ꓘꓴ ꓜꓲꓼ ꓞꓳ ꓦꓲꓻ ꓗꓪ ꓓꓵ ꓙꓰ ꓕꓯ ꓠꓬ ꓣꓳ ꓦꓲꓻ ꓠꓯꓼ ꓗꓪ ꓪꓴ‐ꓢ ꓔꓬ ꓖꓴ (ꓥ ꓠꓬ) ꓪꓴ‐ꓢ ꓔꓬ ꓕꓽ ꓐꓰ ꓕꓱ ꓡꓱ ꓫꓬꓬ, ꓔ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓕꓱ ꓟ ꓠꓬ ꓮ ꓫꓵ ꓬꓲ ꓢꓷ. ꓡꓰ ꓓꓴ ꓥ ꓡ? ꓔꓬ ꓦꓲꓻ ꓖꓳ ꓕꓲ ꓦꓲꓻ ꓟ ꓠꓯꓼ ꓗꓪ ꓪꓴ‐ꓢ ꓔꓬ ꓖꓴ ꓕꓲ ꓘꓴ ꓙ ꓶꓼ ꓔ ꓢꓲ ꓠꓬꓲ ꓠꓲ, ꓟ ꓪꓴ. ꓓꓴ ꓗꓪ ꓚꓰ, ꓔ ꓢꓲ ꓠꓬꓲ ꓦꓲꓻ ꓘꓴꓽ ꓕꓲ ꓦꓲꓻ ꓘꓴꓽ ꓡꓱꓼ ꓟ ꓗꓪ ꓮ ꓘꓶ. ꓢꓲ ꓫꓬ ꓓꓰ ꓡꓰ ꓟ ꓔꓬ ꓦꓲꓻ ꓕꓲ ꓘꓴ. ꓗꓪ ꓪꓴ‐ꓢ ꓔꓯ ꓔꓬ ꓖꓴ ꓐꓰ ꓐꓯ ꓢꓲ ꓠꓬꓲ ꓗꓶ. ꓔ ꓟ ꓥ ꓡꓳ꓿
ꓠꓬꓲ. ꓠꓬꓲ ꓪꓴ‐ꓢ ꓠꓬ ꓮ ꓗꓪ ꓟꓲ ꓔꓬ ꓐ ꓡ ꓡꓳ꓾ꓖꓳ ꓡꓱ ꓥ ꓟꓲ ꓪꓴ‐ꓢ ꓐꓱ ꓶ ꓣꓳ ꓬꓲ ꓔꓯ ꓔꓬ ꓖꓴ ꓔꓲꓺ ꓖꓶ ꓔ ꓟ ꓖꓳ ꓗꓪ ꓠꓬ ꓮ ꓘꓶ. ꓒꓵ_ ꓟ ꓔꓬ ꓖꓴ ꓮ ꓘꓶ. ꓢꓲ ꓫꓬ ꓟ ꓖꓳ ꓗꓪ ꓠꓬ ꓬꓲ ꓠꓬ ꓣꓳ ꓐꓰ ꓡ ꓡꓳ꓿ ꓡ ꓞꓳ ꓕꓲ ꓣꓳ ꓟ ꓠꓯꓼ ꓗꓪ ꓣꓳ ꓠꓲ, ꓟ ꓠꓬ ꓪꓴ‐ꓢ ꓔꓬ ꓖꓴ ꓥ ꓡꓳ꓾ꓠꓬꓲ. ꓠꓬꓲ ꓣꓳ ꓦꓲꓻ ꓘꓴꓽ ꓕꓲꓽ ꓟ ꓐꓱ ꓶ ꓪꓴ‐ꓢ ꓔꓬ ꓖꓴ ꓪꓴ‐ꓢ ꓔꓯ ꓢꓲ ꓫꓬ ꓡꓳ ꓐꓰ ꓔꓬ ꓠ, ꓟ ꓐꓱ ꓶ ꓬꓲ ꓔꓯ ꓘꓴ ꓔ ꓖꓴ ꓠꓬ ꓪꓴ‐ꓢ ꓔꓬ ꓖꓴ ꓐꓯ ꓢꓲ ꓚꓰ, ꓔ ꓟ ꓮ ꓘꓶ. ꓓꓳ, ꓟꓳ ꓫꓱ. ꓖꓶ ꓒꓵ_ ꓟ ꓕꓲ ꓔꓶ. ꓗꓪ ꓣꓳ ꓗꓶ ꓔ ꓟ ꓥ ꓡꓳ꓿
ꓠꓲ, ꓠꓵ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓬꓲ. ꓠꓬꓲ ꓪꓴ‐ꓢ ꓔꓬ ꓖꓴ ꓐꓰ ꓐꓯ ꓟ ꓠꓬ ꓣꓳ ꓠꓲ, ꓟ ꓠꓯꓼ ꓗꓪ ꓥ ꓟꓲ ꓪꓴ‐ꓢ ꓔꓬ ꓖꓴ ꓐꓰ ꓔꓬ ꓖꓴ ꓖꓶ ꓔ ꓟ ꓕꓲꓽ ꓘꓴꓽ ꓣꓳ ꓦꓲꓻ ꓘꓴꓽ ꓠꓯꓼ ꓗꓪ ꓥ ꓟꓲ ꓪꓴ‐ꓢ ꓔꓬ ꓖꓴ ꓐꓰ ꓐꓯ ꓢꓲ ꓣꓳ ꓫꓬ, ꓖꓶ ꓔ ꓟ ꓪꓴ‐ꓢ ꓔꓬ ꓖꓴ (ꓥ ꓠꓬ) ꓪꓴ‐ꓢ ꓔꓬ ꓕꓽ ꓐꓰ ꓬꓰ ꓟ ꓥ ꓡꓳ꓿ ꓘꓴ ꓜꓲꓼ ꓞꓳ ꓠꓯꓼ ꓗꓪ ꓠꓬ ꓪꓴ‐ꓢ ꓔꓬ ꓖꓴ ꓕꓱ ꓡꓱ ꓐꓰ ꓫꓬ, ꓗꓶ. ꓔ ꓟ ꓠꓬ ꓦꓲꓻ ꓘꓴꓽ ꓖꓳ ꓟ ꓠꓯꓼ ꓗꓪ ꓔꓬ ꓟ ꓦꓲꓻ ꓘꓴꓽ ꓢꓴ ꓮ ꓙꓵ ꓠꓬ ꓕꓲ ꓠꓲ, ꓕꓲ ꓪ ꓐꓰ ꓖꓳ ꓟ ꓔꓯ ꓪꓴ‐ꓢ ꓔꓯ ꓕꓲ ꓪ ꓐꓰ ꓓꓳ, ꓟꓳ ꓫꓱ. ꓖꓶ ꓐ ꓡ ꓠ, ꓟ ꓐꓱ ꓶ ꓥ ꓡꓳ꓿ ꓕꓱ ꓟ ꓔꓯ ꓠꓬ ꓦꓲꓻ ꓘꓴꓽ ꓘꓴ ꓜꓲꓼ ꓞꓳ ꓐꓰ ꓟꓲ ꓐꓯ ꓠ. ꓟ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓪꓴ‐ꓢ ꓔꓬ ꓖꓴ ꓠꓬ ꓣꓳ ꓠꓲ, ꓟ ꓠꓯꓼ ꓗꓪ ꓡꓰ ꓫꓬ, ꓠ, ꓟ ꓡꓰ ꓟꓽ ꓞꓲ ꓦꓲꓻ ꓘꓴ ꓠꓯꓼ ꓗꓪ ꓥ ꓟꓲ ꓔꓬ ꓦꓲꓻ ꓫꓬ, ꓠ, ꓟ ꓥ ꓡꓳ꓿
