ꓞꓳ ꓡꓱ ꓐꓴ ꓤꓶ., ꓗꓪ ꓧꓪꓽ ꓖꓳ ꓓꓱ ꓔꓬ ꓢ ꓢꓲ꓾ ꓗ. ꓛꓲ ꓛꓲ ꓔꓬ ꓠ, ꓟ ꓐꓱ ꓶ ꓞꓳ ꓫꓱꓽ ꓠ, ꓟ (5) ꓚꓱ, ꓔꓯ ꓢꓷ. ꓙ ꓟꓳ ꓙ ꓩꓴ ꓡ ꓥꓳ꓿

ꓓꓽ ꓪꓴ 1 ꓠꓬ ꓮ‐ꓦ‐ꓬ ꓙꓳˍꓟ ꓜ ꓫꓵꓽ ꓔꓯ ꓜ ꓪ ꓡꓰ ꓝꓲ꓾ ꓮ‐ꓦ‐ꓬ ꓙꓳˍꓟ ꓜꓽ ꓫꓵ ꓠꓬ ꓮꓽ ꓫꓵꓽ ꓥ ꓐꓯ ꓠꓬ ꓜꓽ ꓔꓯ ꓡꓰ ꓟꓽ ꓥ꓾ ꓢꓲꓼ ꓑꓬ ꓡꓳ ꓑꓬ ꓔꓯ ꓥˍꓟꓲ ꓟꓽ ꓦ ꓦ ꓜꓽ ꓪ ꓡꓰ ꓝꓲ꓾ ꓟꓽ ꓞꓲꓼ ꓬꓲ., ꓙꓬ ꓔꓯ ꓥˍꓟꓲ ꓕꓲ ꓠꓬꓲ ꓕꓯ 2 ꓡꓲ ꓓ ꓓꓳꓽ ꓪ ꓡꓰ ꓝꓲ꓾ ꓝꓮꓲ ꓟꓽ ꓞꓲꓼ ꓮꓽ ꓘꓶꓼ ꓛꓵˍꓟ ꓜꓽ ꓓꓴ ꓐꓰ ꓧꓪꓽ ꓞꓶ., ꓔꓯ ꓥˍꓟꓲ ꓤ ꓟꓳ ꓢꓲ꓾ ꓤ ꓠ, ꓟ ꓣꓱꓽ ꓯꓬꓼ ꓡꓳ꓿ ꓚꓵˍꓟ ꓐꓰ ꓧꓪꓽ ꓞꓶ., ꓔꓯ ꓜꓽˍꓟ ꓟꓶꓼ ꓫꓵꓼ ꓡꓰ ꓐꓭ ꓠꓬ ꓧꓪꓽ ꓖꓳ ꓓꓱ ꓘꓴꓽ ꓗꓪ ꓠ., ꓫꓵꓼ ꓟꓬ ꓡ ꓓꓴ ꓥꓳ꓿

2 ꓠꓬꓲ ꓬꓲꓼ ꓟꓶ ꓐꓳ ꓠꓽ ꓬꓲꓼ ꓟꓶ ꓪ ꓡꓰ ꓝꓲ꓾ ꓞꓳ ꓡꓱ ꓐꓴ ꓐꓱ ꓶ ꓕꓲ ꓠꓬꓲꓽ ꓬꓲꓼ ꓘꓴꓽ ꓗꓪ  7 ꓙꓵꓽ ꓗꓪ ꓐꓰ 9 ꓙꓵꓽ ꓗꓪ ꓛꓲ ꓬꓲꓼ ꓟꓶ ꓠꓽ ꓗ. ꓡꓳ꓿ ꓟꓶꓼ ꓘꓶꓼ ꓗꓪ ꓞ ꓞ ꓬꓲꓼ ꓟꓶ ꓕꓯ ꓢꓲ꓾ ꓢ ꓠꓯ.ꓼ ꓟꓬꓱꓼ ꓬꓰˍꓟ ꓗꓪ ꓠꓲ., ꓟ ꓐ ꓐ ꓬꓰ ꓪ ꓡ ꓥꓳ꓿

3 ꓠꓬ ꓡꓳ ꓖꓪ ꓓꓴ ꓔꓯ ꓮꓽ ꓕꓯ ꓥˍꓟꓲ ꓬꓰ ꓪ ꓡꓰ ꓝꓲ꓾ ꓡꓳ ꓖꓪ ꓠ, ꓟ ꓐꓱ ꓶ ꓖꓬꓟ ꓗꓪ ꓙꓰ ꓠ, ꓟ ꓬꓲ., ꓙꓵꓽ ꓟꓽ ꓙꓳ ꓥˍꓟꓲ ꓤ ꓖꓴ ꓫꓱ, ꓟ ꓟꓽ ꓥˍꓠꓬ ꓣꓳ ꓠꓲ., ꓫꓵꓼˍꓟ ꓡꓳ ꓖꓪ ꓓꓴ ꓔꓯ ꓕꓲ ꓠꓬꓲ ꓟ ꓠꓽ ꓡꓲ 30 ꓧꓶꓼ ꓛꓲ ꓬꓰ ꓪ ꓡꓰ ꓝꓲ꓿  ꓮꓽ ꓕꓯ ꓥˍꓟꓲ ꓡꓳ ꓖꓪ ꓓꓴ ꓬꓰ ꓔꓬ ꓟ ꓞꓳ ꓤ ꓕꓲ ꓣꓳ ꓠꓯ.ꓼ ꓗꓪ ꓠꓬ ꓧꓪꓽ ꓖꓳꓽ ꓓꓱꓽ ꓔꓬ ꓟ ꓙꓳˍ ꓡꓳ꓿

 4 ꓠꓬ ꓣꓳ ꓠꓲ., ꓟ ꓔꓯ  ꓤ ꓟꓳ ꓪꓽ ꓡꓰ ꓝꓲ꓾ ꓑꓧ ꓣꓱꓽ ꓟ ꓔꓯ ꓥˍꓟꓲ ꓬꓲ ꓙꓵꓽ ꓚꓬ ꓦ ꓢꓲ꓾ ꓣꓱꓽ ꓪ ꓡꓰ ꓝꓲ꓾ ꓑꓧ ꓔꓯ ꓟꓽ ꓣꓱꓽ ꓣꓱꓽ ꓕꓳꓽ ꓶ ꓵˍꓟꓽ ꓣꓳ ꓬꓰ ꓠꓲ., ꓫꓵ., ꓟ ꓟꓬꓱꓼ ꓔꓯ ꓬꓰ ꓔꓬ ꓟ ꓠꓬ ꓣꓳ ꓠꓲ., ꓟ ꓔꓯ ꓗ, ꓛꓲ ꓡꓰ ꓝꓲˍꓟ ꓑꓶ. ꓓꓴ ꓧꓪꓽ ꓖꓳꓽ ꓓꓱꓽ ꓥˍꓟꓲ ꓔꓬ ꓢ ꓡ ꓥꓳ꓿

5 ꓠꓬ ꓟꓽ ꓙꓲˍꓟ ꓬꓲꓼ ꓫꓱꓼ ꓔꓯ ꓡꓳ ꓩꓴ ꓗꓷ꓾ ꓯꓬꓼ ꓐꓰ ꓙꓲ.. ꓒꓶꓽ ꓬꓲꓼ ꓡ ꓟ ꓜꓽ ꓫꓵꓽ ꓓꓳ ꓫꓵꓽ ꓔꓯ ꓟ ꓜꓽ ꓟ ꓓꓳ ꓪ ꓡꓰ ꓠ, ꓟ ꓣꓱꓽ ꓯꓬꓼ ꓡꓳ꓿  ꓠꓬꓱꓼ ꓬꓰ ꓔꓶ. ꓗꓪ ꓟꓽ ꓥˍꓠꓬ ꓦꓲ., ꓘꓴ ꓗꓪ  ꓛꓳꓽ ꓒꓯꓼ ꓐꓴ ꓐꓰ  ꓕꓲ ꓠꓲ., ꓕꓲ ꓪ ꓗ. ꓛꓲ ꓛꓲ ꓔꓬ ꓪ ꓡꓰ ꓝꓲ꓾

ꓠꓲ., ꓠꓵ ꓟ ꓬꓲꓼ ꓤ ꓠꓬꓲ ꓤ ꓐꓴꓳ ꓧꓪꓽ ꓖꓳꓽ ꓓꓱꓽ ꓔꓬ ꓢ ꓠꓽ ꓟ ꓠꓬ ꓕꓲ ꓠꓬꓲ ꓘꓴꓽ ꓗꓪ ꓡꓰ ꓬꓰ ꓪ ꓟꓽ ꓓ꓾ ꓖꓳ ꓟ ꓑꓶ. ꓓꓴ ꓠꓬꓲ. ꓠꓬꓲ ꓥꓪ ꓡꓰ ꓐꓯ ꓟ. ꓖꓶ ꓩꓴ ꓡ ꓟ 5 ꓚꓱ, ꓔꓯ ꓕꓲ ꓠꓬꓲ ꓡꓲꓽ ꓕꓲ ꓠꓬꓲ ꓛꓳꓽ ꓫꓱ, ꓢꓲ꓾ ꓔꓬ ꓐꓭ ꓠꓬ ꓞꓳ ꓡꓱ ꓐꓴ ꓤꓶ., ꓠꓯ.ꓼ ꓗꓪ ꓗ, ꓛꓲ ꓟ ꓯꓬꓼ ꓠꓬꓲ ꓔꓯ ꓘꓴꓽ ꓣꓴ ꓟꓶ ꓡ ꓥꓳ꓿