ꓠꓲ‐ꓘꓳ‐ꓓꓲ‐ꓟꓴ ꓠꓬ ꓢ ꓘꓪ ꓕꓯ ꓬꓰ‐ꓢꓴ ꓠꓯꓼ ꓗꓪ ꓙꓰ ꓢꓲ ꓜꓲ ꓗꓷ ꓟ ꓚꓱ, ꓠꓬꓲ. ꓠꓬꓲ ꓗꓪ ꓡꓳ. ꓟꓳ ꓪ ꓡꓳ꓿ ꓠꓲ‐ꓘꓳ‐ꓓꓲ‐ꓟꓴ ꓠꓬ ꓙꓵꓽ ꓗ ꓕꓳ ꓶ ꓬꓲ. ꓪꓴ. ꓟ (5) ꓟ ꓠꓯꓽ ꓗꓪ ꓐꓯ ꓔ ꓟ ꓙꓵ ꓗ ꓔꓯ ꓬꓲ ꓚꓱ, ꓗꓼ ꓛꓳ ꓫꓱ ꓢꓴ ꓙꓵꓽ ꓗ ꓒꓽ ꓐꓴ ꓗꓪ ꓐꓰ ꓕꓲ ꓣꓳ ꓥ ꓡꓳ꓿ ꓬꓲ ꓪ ꓠꓬ ꓞꓳ ꓙꓲ ꓡꓰ ꓐꓰ ꓬꓰ ꓗꓴ. ꓢꓲ ꓠꓱ. ꓐꓯꓼ ꓢꓴ ꓐꓴ ꓐꓱ ꓶ ꓠꓬ ꓕꓲ ꓢꓯ. ꓥ ꓟꓲ ꓬꓰ ꓙ ꓟꓽ ꓐ ꓡ ꓖꓶ ꓟꓽ ꓐ ꓡ ꓢꓴ ꓥ ꓡꓳ꓿ ꓕꓱ ꓡꓱ ꓬꓰ ꓢꓴ ꓔꓯ ꓢꓲ ꓒ ꓬꓰ‐ꓢꓴ ꓡꓰ “ꓦ ꓗꓪ ꓐꓰ ꓝꓮꓲ ꓦꓵꓻ” ꓐꓰ ꓐꓯ ꓔ ꓟ ꓠꓬ “ꓪꓴ‐ꓢ ꓔꓯ ꓠꓲ, ꓠꓵꓻ꓾ ꓠꓶꓽ ꓛꓳ ꓕꓲ ꓛꓳ ꓐꓴ ꓔꓯ ꓠꓲ, ꓠꓵꓻ” ꓐꓰ ꓐꓯ ꓔ ꓟ ꓥ ꓡꓳ꓿
ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓠꓬ ꓖꓳ ꓓꓱ ꓔꓲ, ꓟ꓾ ꓢꓲ ꓫꓬ ꓑ ꓑ ꓘꓳ, ꓣꓴ ꓟ꓾ ꓦ ꓢꓯꓼ ꓪ ꓣꓴ_ ꓟ ꓢꓮꓗꓮꓣꓮꓟꓰꓠ ꓔꓯ ꓘꓳ, ꓣꓴ ꓡꓳ꓿ꓕꓱ ꓢꓮꓗꓮꓣꓮꓟꓰꓔꓴ ꓠꓬ ꓣꓳ ꓔꓯ ꓙꓲ‐ꓢꓴ ꓬꓲ. ꓠꓯ. ꓟ ꓖꓳ ꓓꓱ ꓠꓯꓼ ꓗꓪ ꓕꓲ ꓪ ꓐ ꓠ, ꓟ ꓣꓱ ꓛꓰ ꓔꓯ ꓖꓶ_ ꓡꓳ꓿ ꓠꓬꓲ. ꓠꓬꓲ ꓢꓲ ꓫꓬ ꓕꓳ ꓶ ꓗꓪ ꓐꓰ ꓥ ꓟꓲ ꓖꓳ ꓓꓱ ꓔꓲ, ꓟ ꓐꓰ ꓦ ꓢꓯꓼ ꓪ ꓣꓴ_ ꓟ ꓠꓯꓼ ꓗꓪ ꓐꓰ ꓕꓲ ꓞꓲꓼ ꓕꓲ ꓑ ꓢꓯꓼ ꓟꓬ ꓐꓱ ꓶ ꓣꓳ. ꓚꓵ_ ꓟ ꓔꓯ ꓬꓲꓼ ꓠꓬꓲ. ꓟ. ꓖꓶ ꓔ ꓡꓳ꓿ ꓖꓳ ꓓꓱ ꓔꓲ, ꓟ ꓣꓱ ꓛꓰ ꓠꓬ ꓝꓴꓲ ꓬꓲ ꓚꓰ ꓔꓯ ꓢꓲ ꓫꓬ ꓡꓰ ꓝꓲ ꓢꓲ ꓦ ꓢꓯꓼ ꓪ ꓣꓴ ꓟ ꓗꓪ ꓐꓰ ꓫ ꓓꓴ ꓠꓯꓼ ꓗꓪ ꓙꓵꓻ ꓠꓲ, ꓔꓯ ꓑꓶ. ꓑꓶ. ꓡꓰ ꓢꓷ. ꓙ ꓟꓳ ꓙ ꓠ, ꓟ ꓢꓯꓼ ꓪ ꓖꓶ_ ꓡꓳ꓿ ꓦ ꓢꓯꓼ ꓪ ꓔꓯ ꓘꓳ, ꓣꓴ ꓟꓶ ꓢꓴ ꓝꓲ ꓓꓴ ꓐꓴ ꓠꓬ ꓑꓶ. ꓑꓶ. ꓡꓰ ꓐꓰ ꓪꓴ‐ꓢ ꓐꓯ ꓘꓶꓽ ꓔꓯ ꓢꓷ. ꓙ ꓟꓳ ꓙ ꓡꓳ꓿ ꓒ‐ꓡꓲ‐ꓢꓷ ꓐꓴ ꓙꓵꓽ ꓗ ꓒ ꓐꓴ ꓮ ꓟꓬ ꓛꓲ ꓬꓲ ꓪ ꓙꓳꓺ ꓚꓳ, ꓥ ꓟꓲ ꓬꓲ ꓪ ꓠꓬ ꓑꓶ. ꓑꓶ. ꓡꓰ ꓢꓷ. ꓙ ꓟꓳ ꓙ ꓡꓳ꓿ ꓣꓳ ꓘꓳ, ꓣꓴ ꓟꓶ_ ꓟ ꓢꓲ‐ꓫꓬ‐ꓟ‐ꓦ ꓥ ꓟꓲ ꓙꓳꓺ ꓟ ꓠꓲ, ꓟ ꓓꓰ ꓢ ꓢꓯꓼ ꓪ ꓔꓯ ꓖꓶ_ ꓡꓳ꓿ ꓖꓳ ꓟ ꓗꓪ ꓐꓰ ꓢꓯ. ꓬꓲꓼ ꓡ ꓟ ꓢꓲ ꓒꓽ ꓔꓯ ꓔꓱ, ꓟ ꓢꓷ. ꓙ ꓟꓳ ꓙ ꓠ, ꓟ ꓙ ꓖꓴ ꓟꓳ. ꓖꓶ_ ꓡꓳ꓿
ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓢꓯ. ꓔꓬ ꓟ ꓤꓶꓻ ꓗꓪ ꓢꓲ‐ꓫꓬ‐ꓟ‐ꓦ ꓬꓲ ꓚꓱ, ꓧꓳꓽ ꓟꓳ. ꓖꓶ_ ꓟ ꓡꓰ ꓐꓰ ꓛꓳ ꓫꓱꓽ ꓐ ꓡ ꓠ, ꓟ ꓪꓽ ꓘꓴ ꓓꓴ ꓬꓰ ꓡꓯ꓾ ꓪꓽ ꓘꓴ ꓟ ꓬꓲ ꓙꓵ, ꓘꓴꓽ ꓠꓯꓼ ꓗꓪ ꓣꓳ ꓝꓮꓲ ꓕꓲ ꓧꓪ, ꓬꓲ. ꓫꓵꓼ ꓒꓬꓱꓼ ꓡ ꓠ, ꓟ ꓙꓵ, ꓥ ꓡꓳ꓾ ꓪꓽ ꓘꓴ ꓕꓯ ꓮ ꓙꓵ ꓔꓯ ꓒꓰ, ꓗꓷ ꓢꓲ ꓣꓳ ꓐꓰ ꓕꓲ ꓪ ꓔꓬ ꓟ ꓪꓴ‐ꓢ ꓔꓯ ꓣꓳ ꓤꓶꓻ ꓘꓴꓽ ꓠꓯꓼ ꓗꓪ ꓐꓲ ꓐꓲ ꓜꓲꓼ ꓜꓲꓼ ꓔꓬ ꓡꓰ ꓝꓲ ꓕꓯ ꓣꓱ ꓛꓰ ꓐꓲ ꓜꓲꓼ ꓟ ꓤꓶꓻ ꓔꓯ ꓪ ꓟꓶ ꓡ ꓥꓳ꓾ ꓣꓱ ꓛꓰ ꓠꓬ ꓣꓳ ꓔꓯ ꓠꓵꓻ ꓠꓲ, ꓐꓰ ꓐꓲ ꓡꓰ ꓝꓲ_ ꓡꓳ꓿
