ꓦ ꓐ ꓡꓲ. ꓦ ꓗꓪ ꓐꓰ ꓫꓵꓽ ꓦ ꓗꓪ ꓛꓲ ꓔꓲꓺ ꓒ ꓪ ꓔꓲ. ꓡꓰꓳ ꓫꓲꓦ ꓟꓬꓱꓽ ꓚꓱ, ꓬꓲ. ꓙꓵ,
ꓔꓲꓺ ꓒ ꓪ ꓔꓲ ꓟꓬꓱꓽ ꓚꓱ, ꓬꓲ. ꓙꓵ, ꓠꓯꓼ ꓗꓪ ꓠꓱ. ꓐꓯꓼ ꓗꓴꓷꓼ ꓗꓪ ꓚꓳ ꓙꓰ ꓠ, ꓟ (2) ꓟ ꓐꓰ ꓔꓲꓺ ꓒ ꓙꓵꓽ ꓪ ꓖꓶ_ ꓟ ꓑꓮꓲ (2) ꓟ ꓐꓰ ꓦ ꓐ 4 ꓟ ꓗꓪ ꓐꓰ 7 ꓦ ꓗꓪ ꓛꓲ ꓔꓲꓺ ꓒ ꓪ ꓔꓲ ꓟꓬꓱꓽ ꓬꓰ ꓚꓱ, ꓬꓲ ꓙꓵ, ꓔꓯ ꓐꓯ ꓑꓶ ꓔ ꓡꓳ꓿ ꓕꓱ ꓟ ꓠꓬ ꓣꓳ‐ꓟ ꓬꓲ. ꓙꓵ, ꓥ ꓡꓳ꓿
ꓔꓲꓺ ꓒ ꓪ ꓔꓲ ꓠꓬ 2026 ꓘꓳꓼ ꓐꓱ ꓶ ꓠꓬꓲꓽ ꓧꓪ, ꓕꓲ ꓧꓪ, ꓟ ꓠꓱ. ꓐꓯꓼ ꓗꓴꓷꓼ ꓚꓳ ꓙꓰ ꓠ, ꓟ ꓮꓝꓣꓲꓚꓮ ꓗꓪ ꓔꓬ ꓟ Algeria꓾ Cameroon꓾ Angola ꓐꓰ Equatorial Guinea ꓗꓴꓷꓼ ꓡꓲ. ꓟ ꓗꓪ 4 ꓦ 13 ꓠꓬꓲ ꓗꓪ ꓐꓰ 23 ꓠꓬꓲ ꓗꓪ ꓛꓲ 10 ꓠꓬꓲ ꓚꓳ ꓙꓰ ꓠ, ꓟ ꓥꓳ꓿
ꓡꓳ, ꓬꓰ ꓟ ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓙꓵꓽ ꓪ ꓘꓳ, ꓣꓴ ꓟꓶ ꓗ. ꓠꓯ. ꓮꓝꓣꓲꓚꓮ ꓗꓪ ꓬꓲ. ꓪꓴ. ꓚꓳ ꓙꓰ ꓟ ꓥꓳ꓿ ꓖꓳ ꓡꓱ ꓥ ꓟꓲ ꓔꓲꓺ ꓒ ꓪ ꓔꓲ ꓡꓰꓳ ꓠꓬ ꓗꓰꓠꓬꓮ ꓗꓴꓷꓼ ꓗꓪ 6 ꓧꓪ, ꓟꓽ ꓞꓲ ꓐꓰ ꓔꓮꓠꓜꓮꓠꓲꓮ ꓗꓴꓷꓼ ꓗꓪ 5 ꓧꓪ, ꓛꓲ ꓚꓳ ꓙꓰ ꓟ ꓥꓳ꓿ ꓬꓲ ꓙꓵꓽ ꓪ ꓟꓽ ꓘꓳ, ꓣꓴ ꓢꓲ 2 ꓦ ꓛꓲ ꓕꓯ 2025 ꓘꓳꓼ 2 ꓦ ꓕꓯ ꓠꓮꓲꓣꓲꓐꓲ ꓗꓪ ꓔꓬ ꓟ ꓪꓽ ꓘꓴ ꓦꓲꓻ ꓔꓯ ꓶ ꓥꓳꓽ ꓙꓱ ꓖꓶ ꓠ, ꓟ ꓗꓰꓠꓬꓮ ꓗꓪ ꓚꓳ ꓙꓰ ꓗꓷ ꓟ ꓥꓳ꓿
4 ꓦ 26 ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓠꓬ ꓢꓔ. ꓑꓰꓔꓰꓣ ꓐꓮꓢꓲꓡꓲꓚꓮ ꓪꓽ ꓘꓴ ꓦꓲꓻ ꓗꓪ ꓬꓰ_ ꓟ ꓢꓯ. ꓬꓲꓼ ꓡ ꓟ ꓡꓲ ꓠꓽ ꓕꓲꓽ ꓠ ꓠꓽ ꓦꓬꓼ ꓠꓬꓲ ꓪꓽ ꓘꓴ ꓟ ꓗꓪ ꓣꓳ‐ꓟ ꓢ‐ꓢꓲ‐ꓠ ꓗꓪ ꓐꓰ (8) ꓣꓳ ꓔꓯ ꓔꓲꓺ ꓒ ꓙꓵꓽ ꓪ ꓖꓶ ꓓꓴ ꓥ ꓡꓳ꓿
5 ꓦ ꓟ 1 ꓠꓬꓲ ꓕꓯ ꓢꓔ ꓙꓳꓧꓠ ꓡꓮꓔꓰꓣꓮꓠ ꓪꓽ ꓘꓴ ꓦꓲꓻ ꓗꓪ ꓔꓲꓺ ꓒ ꓓꓽ ꓙꓵꓽ ꓪ ꓖꓶ_ ꓟ ꓟꓲ‐ꓢ ꓪꓽ ꓘꓴ ꓙꓵ, ꓔꓯ ꓧꓳꓽ ꓣꓱ ꓓꓴ ꓥ ꓡꓳ꓿
5 ꓦ 8 ꓠꓬꓲ ꓠꓯꓼ ꓠꓯꓼ 10 ꓙꓵ, ꓐꓶꓽ ꓕꓯ ꓔꓲꓺ ꓒ ꓪ ꓔꓲ ꓙꓵꓽ ꓪ ꓘꓳ, ꓣꓴ ꓟꓶ ꓟ 1 ꓘꓳꓼ ꓐꓲ ꓚꓵ. ꓟꓶ ꓓꓴ ꓐꓰ ꓑꓳꓟꓑꓰꓲꓲ ꓗꓪ ꓔꓬ ꓟ ꓣꓳꓢꓮꓣꓬ ꓟ, ꓟ ꓟ‐ꓡꓲ ꓪꓽ ꓘꓴ ꓦꓲꓻ ꓗꓪ ꓙꓰ ꓓꓴ ꓥ ꓡꓳ꓿ ꓑꓳꓟꓑꓰꓲꓲ ꓐꓰ ꓠꓮꓑꓡꓰꓢ ꓗꓪ ꓙꓰ ꓕꓯ ꓟꓲ‐ꓢ ꓪꓽ ꓘꓴ ꓙꓵ, ꓔꓯ ꓬꓰ ꓓꓴ ꓥ ꓡꓳ꓿
ꓢ ꓠꓽ ꓕꓲꓽ ꓠꓽ ꓕꓯ ꓣꓳ‐ꓟ ꓡꓳ ꓒꓱ ꓗꓪ ꓡꓽ ꓙꓰ ꓢꓲ 5 ꓦ 24 ꓠꓬꓲ ꓠꓯꓼ 10 ꓙꓵ, ꓕꓯ ꓢꓔ. ꓑꓰꓔꓰꓣ ꓐꓮꓢꓲꓡꓲꓚꓮ ꓪꓽ ꓘꓴ ꓦꓲꓻ ꓗꓪ ꓢꓲ‐ꓫꓬ‐ꓟ‐ꓦ ꓬꓯꓼ ꓡ ꓟ ꓑꓮꓲ ꓓꓽ ꓟꓲ‐ꓢ ꓔꓯ ꓬꓰ ꓓꓴ ꓥ ꓡꓳ꓿
6 ꓦ 12 ꓠꓬꓲ ꓕꓯ ꓢꓑꓮꓲꓠ ꓗꓴꓷꓼ ꓗꓪ ꓙꓰ ꓢꓲ꓾ ꓡꓳ ꓒꓱ Madrid꓾ Barcelona ꓗꓪ Basilica of Sagrada Familia ꓪꓽ ꓘꓴ ꓦꓲꓻ ꓗꓪ ꓮ ꓘꓶ. ꓟꓴ_ ꓟ ꓟꓵꓽ ꓔꓳ, ꓫꓵꓼ ꓔꓯ ꓒꓴ ꓖꓶ ꓠ, ꓟ ꓐꓰ ꓚꓮꓠꓮꓣꓬ ꓬꓲ ꓗꓳ ꓡꓳ ꓟꓵꓽ ꓗꓪ ꓬꓲ. ꓟꓶꓽ ꓐꓰ ꓚꓳ ꓙꓰ ꓠ, ꓟ ꓥ ꓡꓳ꓿
6 ꓦ 20 ꓠꓬꓲ ꓕꓯ ꓲꓔꓮꓡꓲ ꓗꓴꓷꓼ ꓗꓪ ꓔꓬ ꓟ ꓑꓮꓦꓲꓮ ꓡꓳ ꓒꓱ ꓗꓪ ꓙꓰ ꓓꓴ ꓥ ꓡꓳ꓿ ꓕꓱ ꓟ ꓠꓬ ꓮꓴꓖꓴꓢꓔꓲꓠꓰ ꓬꓲ ꓖꓳ ꓓꓱ ꓔꓯ ꓫ ꓔ ꓟ ꓬꓲ ꓔꓶ. ꓥ ꓟ ꓑꓶ ꓓꓴ ꓔꓲꓺ ꓒ ꓪ ꓔꓲ ꓠꓬ ꓟꓶꓽ ꓘꓶꓼ 5 ꓙꓵ, ꓕꓯ ꓪꓽ ꓘꓴ ꓓꓴ ꓥ ꓡꓳ꓿
6 ꓦ 29 ꓠꓬꓲ ꓠꓯꓼ 9 ꓙꓵ, ꓐꓶꓽ ꓕꓯ ꓢꓔ. ꓑꓰꓔꓰꓣ ꓐꓰ ꓢꓔ. ꓑꓮꓴꓡ ꓑꓮꓲ ꓔꓯ ꓢꓔ. ꓑꓰꓔꓰꓣ ꓐꓮꓢꓲꓡꓲꓚꓮ ꓗꓪ ꓔꓲꓺ ꓒ ꓓꓶ ꓐꓴ ꓐꓱ ꓶꓶ ꓑꓮꓡꓡꓲꓮ ꓶ ꓥꓳ ꓙꓱ ꓟ ꓠꓯꓼ ꓗꓪ ꓧꓳꓽ ꓪꓴ. ꓖꓶ ꓓꓴ ꓥ ꓡꓳ꓿
ꓬꓲ ꓟꓶ ꓗꓪ ꓐꓰ 7 ꓦ 4 ꓠꓬꓲ ꓠꓯꓼ 10 ꓙꓵ, ꓕꓯ ꓡꓮꓟꓑꓰꓓꓴꓢꓮ ꓬꓲ ꓗꓳ ꓡꓳ ꓟꓵꓽ ꓗꓪ ꓙꓰ ꓢꓲ ꓟꓲ‐ꓢ ꓪꓽ ꓘꓴ ꓖꓶ ꓓꓴ ꓥ ꓡꓳ꓿ ꓖꓳ ꓟ ꓠꓬ ꓮꓝꓣꓲꓚꓮ ꓐꓰ ꓐꓶ ꓓꓳ ꓔꓲ, ꓫꓵ ꓗꓪ ꓐꓰ ꓚꓵ. ꓡ ꓢꓴ ꓐꓴ ꓐꓱ ꓶ ꓲꓔꓮꓡꓬ ꓐꓰ ꓰꓴꓣꓳꓑꓰ ꓗꓪ ꓓꓵꓽ ꓙꓰ ꓠ, ꓟ ꓗ. ꓘꓶꓽ ꓕꓲꓽ ꓟ ꓟꓲ ꓥ ꓡꓳ꓿
