ꓮ ꓔꓳ. ꓛꓬꓼ ꓟꓵꓽ (3) ꓟ ꓚꓱ,
ꓖꓰꓧꓰꓠꓠꓮ ꓐꓰ ꓐꓯ_ ꓟ꓾ ꓕꓲꓽ ꓞꓲꓼ ꓕꓲ ꓑ ꓮ ꓔꓳ. ꓐꓬ ꓞ, ꓠꓬꓲ ꓕꓲ ꓞꓲꓼ ꓕꓲ ꓑ ꓝꓴꓲ ꓠꓯꓼ ꓗꓪ ꓫꓵꓻ ꓢꓴ ꓔꓯ ꓐꓯ_ ꓟ ꓥ ꓡꓳ꓿ ꓮ ꓔꓳ. ꓡꓳꓽ ꓕꓽ ꓕꓲ ꓟ꓾ ꓮ ꓔꓳ. ꓛꓬꓼ ꓟꓵꓽ ꓕꓲ ꓟ ꓥ ꓡꓳ꓿ ꓕꓲ ꓞꓲꓼ ꓕꓲ ꓑ ꓥ ꓡꓳ꓿
ꓑꓴꓣꓖꓮꓔꓳꓣꓬ ꓐꓰ ꓐꓯ_ ꓟ꓾ ꓕꓲ ꓑ, ꓞ ꓝꓴꓲ ꓐꓱ ꓶ ꓢꓲ ꓫꓬ ꓟꓽ ꓟꓶ ꓕꓯ ꓠꓬ ꓖꓳ ꓗꓪ ꓝꓴꓲ ꓮ ꓙꓵ ꓢꓲ ꓫꓬ ꓟꓶ ꓠ, ꓟ ꓐꓱ ꓶ ꓝꓴꓲ ꓪ ꓒꓵ ꓝꓱ, ꓖꓴ ꓥ ꓡꓳ꓿ ꓖꓳ ꓗꓪ ꓠꓬ ꓪꓴ‐ꓢ ꓣꓱ ꓛꓰ ꓗꓪ ꓐꓰ ꓕꓲ ꓞꓲꓼ ꓕꓲ ꓑ ꓟꓽ ꓥ꓾ ꓕꓲ ꓑ, ꓞ, ꓝꓴꓲ ꓖꓽ ꓖꓶ ꓟꓶ ꓠ ꓝꓴꓲ ꓢꓲ ꓫꓬ ꓟꓶ_ ꓟ ꓝꓴꓲ ꓝꓱ, ꓟꓶ ꓠ, ꓟ ꓐꓱ ꓶ ꓖꓳ ꓗꓪ ꓬꓲ ꓮ ꓙꓵ ꓢꓲ ꓫꓬ ꓡꓰ ꓕꓯ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓛꓲ ꓬꓰ_ ꓟ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓕꓱ ꓟ ꓠꓬ ꓕꓲ ꓑ, ꓞ ꓝꓴꓲ ꓢꓲ ꓫꓬ ꓖꓴ ꓥ ꓡꓳ꓿
ꓡꓲꓟꓐꓳ ꓐꓯ_ ꓟ ꓠꓬ꓾ꓠꓬꓲꓽ ꓙꓵ ꓙꓳ ꓡꓳ꓾ ꓬꓲ. ꓪꓴ. ꓕꓲ ꓟ ꓠꓬ ꓙꓲ ꓫꓬ ꓢꓴ ꓕꓲ ꓣꓳ ꓢꓲ ꓒ ꓬꓰ‐ꓢꓴ ꓟꓲ ꓠꓯ ꓗꓪ ꓟꓽ ꓡ ꓧꓶ. ꓕꓯ ꓫꓵꓻ ꓟ꓾ ꓔꓯ ꓥꓳꓽ ꓬꓳ‐ꓠ ꓥ ꓠꓬ ꓮ‐ꓐ‐ꓡ‐ꓦ ꓥ ꓠꓬ ꓟꓳ‐ꓫꓲ ꓕꓱ ꓡꓱ ꓙꓲ ꓫꓬ, ꓢꓴ ꓢꓲ ꓒ ꓬꓰ‐ꓢꓴ ꓟꓽ ꓛꓲ ꓡ ꓕꓯ ꓬꓲ ꓪ ꓙꓲ ꓫꓬ, ꓢꓴ ꓦ ꓠꓬ ꓡꓲꓟꓐꓳ ꓥ ꓠꓬ ꓕꓱ ꓟ ꓫꓱ, ꓫꓱ ꓗꓪ ꓔꓬ ꓟ ꓕꓲꓽ ꓘꓴ. ꓥ ꓡꓳ꓿ ꓖꓳ ꓗꓪ ꓠꓬ ꓙꓲ ꓫꓬ, ꓢꓴ ꓔꓬ ꓟ ꓥ ꓡꓳ꓿ ꓮ ꓟꓶ ꓠꓬ ꓖꓳ ꓟ ꓠꓬ ꓟꓽ ꓙꓳ꓾ ꓮ ꓫꓵ ꓑꓶ ꓓꓴ ꓥ ꓡ ꓐꓯ ꓠꓬ꓾ ꓢꓲ ꓒ ꓬꓰ‐ꓢꓴ ꓚꓲ ꓛꓬ ꓛꓲ ꓡ ꓟ ꓑꓶ ꓓꓴ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓮ ꓟꓶ ꓙꓵꓻ ꓠꓲ, ꓒꓶ ꓚꓱ, ꓣꓳ ꓘꓴ ꓜꓲꓼ ꓞꓳ ꓚꓱ, ꓠꓯꓼ ꓗꓪ ꓐꓰ ꓐꓯ_ ꓟ ꓠꓬ ꓖꓳ ꓓꓱ ꓔꓲ, ꓟꓽ ꓟꓶ ꓗꓷ ꓢꓲ ꓫꓵꓻ ꓗꓷ ꓢꓴ ꓤ ꓠꓱ ꓤ ꓐꓴ ꓠꓬ ꓡꓲꓟꓐꓳ ꓐꓯ_ ꓟ ꓔꓶ. ꓗꓪ ꓛꓲ ꓬꓰ ꓟ ꓥ ꓡꓳ꓿ ꓖꓳ ꓗꓪ ꓛꓲ ꓬꓰ ꓟ ꓠꓬ ꓪꓴ‐ꓢ ꓠꓵꓻ ꓠꓲ, ꓔꓯ ꓡꓰ ꓘꓴ ꓢꓲ ꓠꓬꓲ ꓪꓴ‐ꓢ ꓔꓯ ꓡꓯ ꓙꓱ ꓔ ꓟ ꓥ ꓡꓳ꓿ ꓪꓴ‐ꓢ ꓬꓲ ꓠꓵꓻ ꓠꓲ, ꓗꓪ ꓐꓰ ꓖꓳ ꓓꓱ ꓔꓲ, ꓟꓽ ꓟꓶ ꓫꓵꓻ ꓢꓴ ꓝꓴꓲ ꓚꓰ ꓗꓪ ꓫꓵꓻ ꓢꓴ ꓤ ꓠꓱ ꓤ ꓐꓴ ꓮ ꓙꓵ ꓐꓱ ꓶ ꓠꓬ ꓢꓲ ꓒ ꓬꓰ‐ꓢꓴ ꓠꓵꓻ ꓠꓲ, ꓠꓯꓼ ꓗꓪ ꓘꓴ ꓜꓲꓼ ꓞꓳ ꓡꓰ ꓡꓯꓼ ꓙꓱ ꓔ ꓟ ꓥ ꓡꓳ꓿
ꓖꓳ ꓟ ꓑꓶ ꓓꓴ ꓮ ꓔꓳ. ꓛꓬꓼ ꓟꓵꓽ ꓠꓬ (3) ꓟ ꓙꓳ_ ꓡꓳ꓾ (1) ꓖꓰꓧꓰꓠꓠꓮ ꓐꓯ_ ꓟ ꓕꓲꓽ ꓞꓲꓼ ꓕꓲ ꓑ ꓮ ꓔꓳ. ꓛꓬꓼ ꓟꓵꓽ (2) ꓑꓴꓣꓖꓮꓔꓳꓣꓬ ꓐꓯ_ ꓟ ꓕꓲꓽ ꓑ, ꓞ ꓛꓬꓼ ꓟꓵꓽ ꓖꓳ ꓗꓪ ꓢꓲ ꓫꓬ ꓖꓴ ꓡꓰ ꓠꓬ ꓝꓴꓲ ꓪ ꓒꓵ ꓝꓱ, ꓖꓴ ꓡꓰ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓛꓲ ꓬꓰ ꓟ (3) ꓡꓲꓟꓐꓳ ꓐꓯ_ ꓟ ꓪꓴ‐ꓢ ꓠꓵꓻ ꓠꓲ, ꓗꓪ ꓐꓰ ꓓ, ꓝꓲ_ ꓟ ꓬꓲ ꓖ ꓕꓲꓽ ꓖ (ꓥ ꓠꓬ) ꓤ ꓠꓱ ꓤ ꓐꓴ ꓖꓳ ꓓꓱ ꓟꓽ ꓔꓲ, ꓟ ꓧꓶ. ꓕꓯ ꓫꓵꓻ ꓡꓰ ꓢꓴ ꓤ ꓠꓱ ꓤ ꓐꓴ ꓐꓱ ꓶ ꓦ ꓕꓲ ꓔꓶ. ꓔꓬ ꓖꓴ ꓐꓰ ꓥ ꓡꓳ꓿
