ꓐꓶ ꓓꓳ ꓔꓲ, ꓫꓵꓻ ꓗꓪ ꓒꓬꓱꓼ ꓔꓬ ꓟ ꓗꓴꓷꓼ ꓫꓵ ꓪꓴ ꓢꓰꓼ ꓡꓯ ꓘꓳ ꓓꓴ ꓔꓯ ꓠꓽ ꓗꓷ ꓠ, ꓟ ꓐꓰ ꓖꓪ ꓙꓱ ꓡꓯ ꓘꓳ ꓓꓴ ꓬꓰ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ_ ꓟ꓾
ꓮꓟꓰꓣꓲꓚꓮꓠ꓾ ꓲꓢꓣꓮꓰꓡ ꓐꓰ ꓲꓣꓮꓠ ꓗꓴꓷꓼ ꓠꓯꓼ ꓗꓪ ꓒꓬꓱꓼ ꓔꓬ ꓟ ꓗꓴꓷꓼ ꓫꓵ ꓪꓴ ꓐꓱ ꓶ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓔꓲꓺ ꓒ ꓪ ꓔꓲ ꓡꓰ ꓠꓽ ꓦꓬꓼ ꓠꓬꓲ ꓕꓯ ꓐꓶ ꓓꓳ ꓔꓲ, ꓫꓵꓻ ꓗꓪ ꓔꓬ ꓟ ꓙꓲ ꓢꓴ ꓢꓲ ꓤ ꓐꓴ ꓐꓰ ꓤ꓾ ꓤ ꓟꓶ ꓐꓴ ꓮ ꓙꓵ ꓔꓯ ꓢꓯꓼ ꓖꓶ ꓠꓲ, ꓫꓵ_ ꓟ ꓠꓬ ꓗꓴꓷꓼ ꓫꓵ ꓪꓴ ꓐꓶ ꓔꓳ, ꓔꓬ ꓟ ꓔꓯ ꓠꓽ ꓗꓷ ꓓꓴ ꓬꓰ꓾ ꓖꓪ ꓙꓱ ꓡꓯ ꓘꓳ_ ꓟ ꓬꓲ. ꓚꓱ, ꓔꓯ ꓝꓮꓲ ꓧꓪ ꓓꓴ ꓬꓰ ꓐꓰ ꓐꓯ ꓖꓶ ꓢꓯꓼ ꓖꓶ ꓔ ꓡꓳ꓿
“ꓕꓱ ꓡꓱ ꓜꓲ ꓜꓲ ꓟꓴ ꓟꓴ ꓬꓰ_ ꓟ ꓠꓬ ꓑ ꓫꓬ ꓐꓴ ꓥꓳ ꓡꓳ. ꓔ ꓟ ꓔꓱ, ꓜꓳ ꓟ꓾ ꓢꓲ ꓡꓲ, ꓟ ꓠꓯꓼ ꓗꓪ ꓮ ꓕꓯ ꓥ ꓟꓲ ꓧꓳꓽ ꓔꓯ, ꓖꓶ ꓟꓽ ꓐ ꓡ꓾” ꓐꓰ ꓢꓯꓼ ꓖꓶ ꓔ ꓡꓳ꓿ ꓐꓶ ꓓꓳ ꓔꓲ, ꓫꓵ ꓗꓪ ꓔꓬ ꓟ ꓑ ꓫꓬ ꓐꓴ ꓠꓬ ꓕꓱ ꓡꓱ ꓫ. ꓙꓵ ꓓꓴ ꓔꓯ ꓠꓬꓲꓽ ꓫꓵꓽ ꓠꓽ ꓡꓱꓼ ꓔꓳ, ꓜꓳ ꓔꓬ ꓟ ꓥꓳ ꓐꓰ ꓐꓯ ꓔ ꓡꓳ꓿
“ꓝꓴꓲ ꓟꓽ ꓙꓳ ꓢꓴ ꓑ ꓫꓬ ꓐꓴ ꓮ ꓟꓬ ꓫꓵꓻ ꓡꓰ ꓟ ꓥꓳ꓾ ꓔꓬ ꓦꓲꓻ ꓗꓪ ꓐꓰ ꓘꓰ, ꓙꓰ ꓔꓬ ꓫꓵ ꓔꓬ ꓡꓳ꓾ ꓕꓳ ꓶ ꓢꓳ ꓦꓲꓻ꓾ ꓠꓯꓺ ꓞꓲꓼ ꓦꓲꓻ ꓐꓰ ꓔꓬ ꓦꓲꓻ ꓮ ꓟꓬ ꓐꓬ ꓡꓰ ꓟ ꓗꓪ ꓐꓰ ꓠꓲ, ꓠꓵꓻ ꓢꓴ ꓐꓴ ꓔꓯ ꓞꓳ. ꓡꓰ ꓢꓴ ꓐꓴ ꓮ ꓙꓵ ꓐꓱ ꓶ ꓥꓪ ꓪꓽ ꓘꓴ ꓙ ꓟ ꓐꓰ ꓕꓲ ꓪ ꓔꓬ ꓡꓳ꓾” ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓿
ꓖꓳ ꓟ ꓡꓰ ꓐꓰ ꓡꓰꓐꓰꓠꓳꓠ ꓗꓴꓷꓼ ꓐꓱ ꓶ ꓥ ꓟꓲ ꓮ ꓘꓶ. ꓛꓲ ꓙꓬ ꓫ. ꓔꓬ ꓟ ꓔꓯ ꓐꓯ ꓔ ꓡꓳ꓿“ꓡꓰꓐꓰꓠꓳꓠ ꓑ ꓫꓬ ꓐꓴ ꓮ ꓙꓵ ꓐꓱ ꓶ ꓮ ꓟꓶ ꓒꓬꓱꓼ ꓔꓬ ꓟ ꓫꓵ ꓪꓴ ꓔꓯ ꓫꓬ ꓡꓰ ꓠ, ꓟ ꓗꓴꓷꓼ ꓙꓵꓽ ꓢꓲ ꓒꓽ ꓐꓴ ꓬꓰ ꓙ ꓔꓳ, ꓙ ꓖꓪ ꓙꓱ ꓡꓯ ꓘꓳ ꓓꓴ ꓬꓲ ꓚꓱ, ꓬꓰ ꓠ, ꓟ ꓥꓳ ꓡꓳ. ꓔ ꓡꓳ꓾” ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓿
