ꓟꓲ ꓠꓯ ꓔꓯ ꓫꓵꓻ ꓡꓰ ꓝꓲꓟ ꓠꓻ ꓓꓴ ꓙꓳ ꓡꓰ ꓝꓲ ꓟ ꓠꓬ ꓮ ꓫꓵꓽ ꓑꓶ. ꓓꓴ ꓥ ꓡ꓿ (Soil Pollution & Land Degradation)
ꓧꓪ. ꓧꓪ ꓠꓬꓲ. ꓠꓬꓲ ꓟꓵꓽ ꓘꓳꓼ ꓐꓰ ꓫ. ꓕꓱ ꓚꓱ, ꓗꓪ ꓐꓰ ꓦꓻ ꓟꓲꓽ ꓐꓰ ꓓꓰ‐ꓟꓲ ꓮ ꓫꓵꓽ ꓑꓶ. ꓓꓴ ꓐꓬ ꓡꓰ ꓡ ꓐꓯ ꓟ ꓚꓱ, ꓗꓪ ꓐꓰ ꓐꓯ ꓟ. ꓖꓶ ꓓꓴ ꓥ ꓡꓳ꓿
ꓠꓬꓲ. ꓠꓬꓲ ꓣꓳ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓜ ꓔꓬ ꓟ ꓓꓳ ꓔꓬ ꓟ ꓜꓽ ꓫꓵꓽ ꓜꓽ ꓙꓰ ꓮ ꓙꓵꓽ ꓠꓬ ꓮ ꓡꓰ ꓗꓪ ꓐꓰ ꓡ ꓡ ꓐꓰ ꓠ ꓠꓬꓲ ꓠꓬ ꓟꓲ ꓠꓯ ꓘꓴꓽ ꓗꓪ ꓡ ꓟ ꓔꓯ ꓣꓳ ꓢꓷ. ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓣꓳ ꓟꓲ ꓠꓯ ꓡ ꓞꓳ ꓐꓱ ꓶ ꓮ ꓘꓶ. ꓛꓲ ꓣꓳ ꓚꓵˍ ꓟ ꓟꓲ ꓠꓯ ꓠꓬ ꓬꓲ ꓢꓯꓼ ꓟꓽ ꓓꓳ ꓫꓵꓻ ꓔꓬ ꓟ ꓚꓱ, ꓔꓯ ꓠꓴ ꓥꓪ ꓟꓽ ꓧꓪ ꓛꓲ ꓟꓽ ꓢꓷ. ꓢꓰ ꓟ ꓙꓳ ꓟ ꓥ ꓡꓳ꓿
ꓟꓲ ꓠꓯ ꓠꓬ ꓮ ꓡꓰ ꓐꓰ ꓠꓻ ꓔꓬ ꓫꓵꓻ ꓔꓬ ꓟ ꓚꓱ, ꓔꓯ ꓣꓳ ꓡꓳ. ꓠꓬꓲ ꓓꓴ ꓬꓰ ꓡꓯ꓿ ꓠꓬꓲ. ꓠꓬꓲ ꓣꓳ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓜ ꓔꓬ ꓟ ꓪꓳꓽ ꓒꓬ ꓔꓯ ꓪꓳꓽ ꓒꓬ ꓔꓶ ꓢꓴ ꓐꓴ ꓡꓰ ꓠꓯꓼ ꓞꓲꓼ ꓕꓲꓽ ꓔ ꓟ ꓑꓶ. ꓓꓴ ꓟꓲ ꓠꓯ ꓔꓯ ꓠꓻ ꓓꓴ ꓙꓳ ꓡꓰ ꓟꓥ ꓡꓳ꓿ ꓝꓮꓲ ꓙꓼ ꓦꓲꓻ ꓗꓪ ꓐꓰ ꓡꓳ ꓗꓷ ꓟ ꓟꓽ ꓫꓬ ꓟ ꓣꓱ ꓫꓵꓽ ꓮ ꓟꓬ, ꓥ ꓟꓲ ꓟꓲ ꓠꓯ ꓔꓯ ꓠꓻ ꓓꓴ ꓙꓳ ꓡꓰ ꓝꓲ ꓟ ꓫꓵꓻ ꓡꓰ ꓝꓲˍ ꓟ ꓥ ꓡꓳ꓿
ꓟꓲ ꓠꓯ ꓔꓯ ꓠꓻ ꓓꓴ ꓙꓳ ꓡꓰ ꓝꓲˍ ꓟ ꓫꓵꓻ ꓡꓰ ꓝꓲ ꓟ ꓚꓱ, ꓗꓪ ꓐꓰ 1. ꓫꓵꓽ ꓠꓬ ꓪꓳꓽ ꓒꓬ ꓪꓳꓽ ꓟꓬ ꓔꓶ ꓢꓴ ꓐꓴ ꓡꓰ ꓬꓲ ꓪ ꓔꓶ ꓔ ꓟ ꓪꓳꓽ ꓒꓬ ꓪꓳꓽ ꓟꓬ ꓐꓴ ꓔꓯ ꓮ ꓘꓶ. ꓙꓲ ꓡꓰ ꓝꓲˍ ꓠ, ꓟ ꓮ ꓘꓶ. ꓛꓲ ꓪ ꓠ, ꓟ ꓠꓯꓼ ꓞꓲꓼ ꓔꓯ ꓮ ꓘꓶ. ꓛꓲ ꓣꓱ ꓗꓷ ꓟ ꓑꓶ. ꓓꓴ ꓟꓲ ꓠꓯ ꓔꓯ ꓫꓵꓻ ꓡꓰ ꓝꓲˍ ꓟ ꓠꓻ ꓓꓴ ꓓꓽ ꓟ ꓙꓳ ꓡꓰ ꓝꓲˍ ꓟ ꓥ ꓡꓳ꓿
2 ꓫꓵꓽ ꓠꓬ ꓑꓡꓮꓢꓔꓲꓚ ꓐꓰ ꓡ ꓞꓳ ꓐꓴ ꓡꓰ ꓡꓳ. ꓗꓷ ꓟ ꓑꓶ. ꓛꓵꓽ ꓔꓯ ꓦ ꓕꓲ ꓖꓼ ꓖꓽ ꓮ ꓔꓳꓽ ꓔꓳꓽ ꓡꓳ ꓗꓷ ꓟ ꓪꓴ. ꓠꓬꓲ ꓟꓲ ꓠꓯ ꓔꓯ ꓫꓵꓻ ꓡꓰ ꓝꓲˍ ꓟ ꓥ ꓡꓳ꓿ ꓑꓡꓮꓢꓔꓲꓚ ꓐꓰ ꓑꓶ. ꓛꓵꓽ ꓕꓲ ꓐꓱ ꓠꓬ ꓟꓲ ꓠꓯ ꓗꓪ (1000) ꓘꓳꓼ ꓟꓽ ꓛꓵꓽ ꓡꓰ ꓟꓽ ꓟꓶ ꓡꓰ ꓙꓳ ꓟ ꓥ ꓡꓳ꓿ ꓖꓳ ꓟ ꓔꓯ ꓟꓲ ꓠꓯ ꓔꓯ ꓠꓻ ꓓꓴ ꓓꓽ ꓟ ꓒꓬꓱꓼ ꓡꓰ ꓝꓲ ꓢꓲ ꓠꓬꓲ ꓟꓲ ꓠꓯ ꓔꓯ ꓫꓵꓻ ꓡꓰ ꓝꓲ ꓟ ꓥ ꓡꓳ꓿
3. ꓫꓵꓽ ꓕꓲ ꓫꓵꓽ ꓠꓬ ꓙꓼ ꓦꓲꓻ ꓗꓪ ꓐꓰ ꓓꓳ ꓟ ꓬꓲ ꓓꓳꓼ ꓙꓳ ꓟ ꓶꓻ ꓙꓼ ꓔꓯ ꓡꓳ ꓗꓷ ꓟ ꓑꓶ. ꓓꓴ ꓶꓻ ꓫꓵꓽ ꓔꓶ ꓠ, ꓟ ꓟꓵꓽ ꓠꓬ ꓮ ꓫꓵꓽ ꓥ ꓟꓲ ꓔꓶ ꓜꓽ ꓟꓽ ꓙꓲ ꓟꓲ ꓠꓯ ꓫꓵꓻ ꓡꓰ ꓟ ꓥ ꓡꓳ꓿
ꓟꓲ ꓠꓯ ꓐꓬ ꓡꓰ ꓫꓵꓻ ꓡꓰ ꓠꓬ ꓮ ꓫꓵꓽ ꓒꓬꓱꓼ ꓡ ꓡ ? ꓐꓰ ꓐꓯ ꓠꓬ ꓓꓽ ꓪꓴ. ꓕꓲ ꓫꓵꓽ ꓠꓬ ꓣꓳ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓜ ꓔꓬ ꓟ ꓜꓽ ꓫꓵꓽ ꓗꓪ ꓟꓽ ꓙꓲ ꓟ ꓠꓯꓼ ꓞꓲꓼ ꓐ ꓔꓬ ꓟ ꓥ ꓡꓳ꓿ ꓝꓮꓲ ꓡ ꓞꓳ ꓧꓪꓽ ꓖꓳ ꓓꓱꓽ ꓗꓪ ꓙꓲ ꓡꓰ ꓝꓲˍ ꓟ ꓔꓯ ꓮ ꓘꓶ. ꓛꓲ ꓟꓽ ꓙꓳ ꓡꓰ ꓟ ꓒꓬꓱꓼ ꓡ ꓟ ꓥ ꓡꓳ꓿
ꓝꓮꓲ ꓕꓲ ꓫꓵꓽ ꓠꓬ ꓟꓲ ꓠꓯ ꓐꓬ ꓡꓰ ꓟꓵꓽ ꓔꓯ ꓫꓵꓻ ꓡꓰ ꓝꓲˍ ꓟ ꓪꓴ. ꓠꓬꓲ ꓖꓳ ꓟꓵꓽ ꓗꓪ ꓮ ꓫꓵꓽ ꓢꓲ, ꓜꓲ ꓢꓲ, ꓟꓲ ꓪꓳꓽ ꓒꓬ ꓪꓳꓽ ꓟꓬ ꓔꓯ ꓔꓶ ꓟꓽ ꓙꓲ ꓗꓷ ꓡꓰ ꓙꓳ ꓡꓰ ꓟ ꓥ ꓡꓳ꓿ ꓖꓳ ꓡꓱ ꓐꓰ ꓢꓲ, ꓜꓲ ꓢꓲ ꓟꓲ ꓟꓽ ꓙꓳ ꓗꓷ ꓡꓰ ꓠꓬ ꓫꓵꓽ ꓡꓶꓽ ꓟ ꓬꓲꓻ ꓙꓬ ꓙꓵꓽ ꓡ ꓟ ꓮ ꓘꓶ. ꓛꓲ ꓫ. ꓓꓴ ꓟꓷ ꓓꓴ ꓙꓳ ꓡ ꓓꓴ ꓙꓳ ꓟ ꓥ ꓡꓳ꓿
ꓠꓬꓲ. ꓠꓬꓲ ꓡ ꓞꓳ ꓕꓲ ꓣꓳ ꓠꓬ ꓮ ꓡꓰ ꓐꓰ ꓬꓰ ꓙ ꓙꓳ ꓡ ? ꓐꓯ ꓠꓬ ꓠꓬꓲ. ꓠꓬꓲ ꓣꓳ ꓬꓰ ꓠꓯ, ꓟ ꓠꓬ Reduce Plastic ꓑꓡꓮꓢꓔꓲ ꓣꓱ ꓟ ꓔꓯ ꓮ ꓘꓶ. ꓟꓽ ꓣꓱ ꓠ, ꓟ ꓤ ꓟꓳ ꓓꓴ ꓬꓰ ꓡꓯ꓿
ꓳꓣꓖꓮꓠꓲꓚ ꓢꓴꓑꓑꓳꓣꓔ ꓐꓯ ꓟ ꓜꓽ ꓫꓵꓽ ꓓꓳ ꓫꓵꓽ ꓗꓪ ꓠꓯꓼ ꓞꓲꓼ ꓟꓽ ꓗꓶ ꓔ ꓟ ꓜꓽ ꓫꓵꓽ ꓓꓳ ꓫꓵꓽ ꓔꓯ ꓮ ꓘꓶ. ꓛꓲ ꓢꓯꓼ ꓖꓶ ꓟꓬꓱꓽ ꓬꓰ ꓠ, ꓟ ꓔꓶ ꓜꓽ ꓔꓶ ꓓꓳ ꓠ, ꓟ ꓢꓯꓼ ꓕꓵꓼ ꓠ, ꓟ ꓥ ꓡꓳ꓿
3. ꓫꓵꓽ ꓠꓬ ꓟꓲ ꓠꓯ ꓔꓯ ꓫꓵꓻ ꓡꓰ ꓝꓲˍ ꓟ ꓠꓻ ꓒꓬ ꓓꓴ ꓙꓳ ꓡꓰ ꓝꓲ ꓟ ꓚꓱ, ꓔꓯ ꓕꓲ ꓣꓳ ꓛꓳꓽ ꓕꓲ ꓣꓳ ꓐꓯ ꓟ. ꓖꓶ ꓠ, ꓟ ꓚꓺ ꓟ. ꓖꓶ ꓓꓴ ꓬꓰ ꓡꓯ꓿
ꓠꓬꓲ. ꓠꓬꓲ ꓗꓪ ꓐꓰ ꓟꓲ ꓠꓯ ꓔꓯ ꓐꓬ ꓡꓰ ꓝꓲ ꓟ ꓫꓵꓻ ꓡꓰ ꓝꓲˍ ꓟ ꓚꓱ, ꓔꓯ ꓣꓳ ꓤ ꓟꓳ ꓓꓴ ꓬꓰ ꓡꓯ꓿
ꓟꓲ ꓠꓯ ꓔꓯ ꓣꓳ ꓟꓲ ꓠꓯ ꓡ ꓞꓳ ꓠꓬ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓵ, ꓕꓯ ꓕꓲ ꓒ ꓤ ꓥꓪ. ꓔꓬ ꓟ ꓥ ꓡꓳ꓿ ꓟꓲ ꓠꓯ ꓟꓵꓽ ꓙꓲ ꓕꓯ ꓢꓲ ꓠꓬꓲ ꓣꓳ ꓟꓲ ꓠꓯ ꓡ ꓞꓳ ꓥ ꓟꓲ ꓠꓻ ꓒꓬ ꓓꓴ ꓟꓽ ꓙꓳ ꓡ ꓓꓴ ꓥ ꓡꓳ꓿
ꓟꓲ ꓠꓯ ꓟꓵꓽ ꓔꓯ ꓙꓲ ꓟ ꓟꓵꓽ ꓙꓲ ꓟ ꓟꓲ ꓠꓯ ꓒꓬꓱꓼ ꓡ ꓠ, ꓟ ꓗꓽ ꓕꓽ ꓓꓴ ꓬꓰ ꓡꓯ꓿ ꓣꓳ ꓕꓲ ꓠꓲ, ꓕꓲ ꓪ ꓟꓵꓽ ꓘꓳꓼ ꓒꓳ, ꓓꓴ ꓟꓽ ꓙꓳ ꓠ, ꓟ ꓗꓽ ꓕꓽ ꓓꓴ ꓬꓰ ꓡꓯ꓿ ꓡꓲꓗꓰ ꓮꓠꓓ ꓢꓧꓮꓣꓰ ꓮ ꓟꓬ, ꓬꓰ ꓙ ꓓꓴ ꓬꓰ ꓡꓯ꓿ ꓛꓲ ꓡ ꓟ ꓕꓲ ꓫꓵꓽ ꓘꓴꓽ ꓗꓪ ꓥ ꓟꓲ ꓟꓵꓽ ꓘꓳꓼ ꓐꓰ ꓫ. ꓕꓱ ꓚꓱ, ꓔꓯ ꓐꓯ ꓟ. ꓖꓶ ꓓꓴ ꓥꓳ꓿ ꓫ. ꓟꓳ ꓪ꓿
