ꓡꓰꓐꓮꓠꓳꓠ ꓗꓪ ꓫꓵꓻ ꓡꓰ ꓟ ꓔꓲꓺ ꓒ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓠꓲ, ꓟ ꓫ. ꓘꓶꓽ ꓐꓰ ꓐꓶ ꓓꓳ ꓔꓲ, ꓫꓵ ꓢꓲ ꓡꓲ, ꓠ, ꓟ ꓐꓱ ꓶ ꓪꓽ ꓘꓴ ꓖꓶ_ ꓟ꓾
ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓐꓶ ꓓꓳ ꓔꓲ, ꓫꓵ ꓗꓴꓷꓼ ꓫꓵ ꓪꓴ ꓠꓯꓼ ꓗꓪ ꓫꓵꓻ ꓡꓰ ꓟ ꓡꓰꓐꓮꓠꓳꓠ ꓔꓲꓺ ꓒ Pierre El-Rahi ꓐꓱ ꓶ ꓠꓲ, ꓟ ꓫ. ꓟ ꓐꓰ ꓡꓰꓐꓮꓠꓳꓠ ꓑ ꓫꓬ ꓐꓴ ꓐꓰ ꓕꓲ ꓪ ꓔꓬ ꓟ ꓚꓱ, ꓫꓵꓻ ꓡꓰ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓠ, ꓟ ꓐꓱ ꓶ ꓙꓲ ꓢꓴ ꓢꓲ ꓤ ꓐꓴ ꓔꓯ ꓢꓯꓼ ꓖꓶ ꓔ ꓡꓳ꓿
“ꓲꓣꓮꓠ ꓗꓴꓷꓼ ꓐꓰ ꓐꓶ ꓓꓳ ꓔꓲ, ꓫꓵ ꓗꓪ ꓢꓲ ꓡꓲ, ꓠ, ꓟ ꓐꓱ ꓶ ꓪꓽ ꓘꓴ ꓙ ꓖꓶ ꓓꓴ ꓬꓰ ꓡꓯ꓾ ꓝꓴꓲ ꓟꓽ ꓙꓳ ꓟ ꓤ ꓠꓱ ꓤ ꓐꓴ ꓐꓰ ꓑ ꓫꓬ ꓐꓴ ꓮ ꓟꓬ, ꓫꓵꓻ ꓡꓰ ꓟ ꓑꓶ ꓓꓴ ꓥ ꓡꓳ꓿ ꓣꓳ ꓪꓽ ꓘꓴ ꓢꓯꓼ ꓠꓬ ꓫ ꓙꓵ ꓟꓷꓼ ꓙꓵ ꓔꓳ, ꓜꓳ ꓔꓬ ꓢꓴ ꓐꓴ ꓐꓱ ꓶ ꓠꓲ, ꓟ ꓗꓳ. ꓖꓶ ꓓꓴ ꓗꓷ ꓡꓰ ꓝꓲ ꓢꓲ꓾ ꓡ ꓠ, ꓟ ꓤꓶꓻ ꓐꓱ ꓶ ꓥꓳ ꓡꓳ. ꓓꓴ ꓬꓲ. ꓫꓵ. ꓗꓷ ꓡꓰ ꓝꓲ꓾”
ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓦꓮꓔꓲꓚꓮꓠ ꓠꓽ ꓢ ꓠꓬꓲ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓐꓰ ꓜꓲ ꓟ ꓙꓵ, ꓗꓪ ꓕꓱ ꓡꓱ ꓢꓯꓼ ꓖꓶ ꓔ ꓟ ꓥ ꓡꓳ꓿
ꓔꓲꓺ ꓒ Pierre El-Rahi ꓬꓲ ꓧꓪ ꓖꓳ ꓓꓱ ꓫ ꓟ ꓔꓯ ꓡꓰꓐꓮꓠꓳꓠ ꓗꓴꓷꓼ Qꓡꓮꓬꓮꓮ ꓡꓳ ꓒꓱ ꓗꓪ ꓠꓽ ꓢ ꓠꓬꓲ ꓕꓯ ꓬꓰ ꓗꓷ ꓟ ꓥꓳ꓾ ꓔꓲꓺ ꓒ Pierre El-Rahi ꓠꓬ ꓖꓴ ꓟꓶ. ꓕꓲ ꓛꓱ ꓡꓰꓐꓮꓠꓳꓠ ꓗꓪ ꓔꓬ ꓟ ꓞꓳ ꓘ, ꓕꓲ ꓘ, ꓗꓪ ꓐꓰ ꓟꓮꓣꓳꓠꓲꓔꓰ ꓜꓴꓻ ꓗꓪ ꓐꓰ ꓔꓲꓺ ꓒ ꓕꓲ ꓣꓳ ꓥ ꓡꓳ꓾ ꓮ ꓟꓶ ꓡꓰ ꓐꓰ ꓫ ꓙꓵ ꓟꓷꓼ ꓙꓵ ꓓꓴ ꓔꓳ, ꓜꓳ ꓔꓬ ꓟ ꓙꓵ, ꓗꓪ ꓡꓰꓐꓮꓠꓳꓠ ꓑ ꓫꓬ ꓐꓴ ꓮ ꓙꓵ ꓐꓰ ꓕꓲ ꓪ ꓔꓬ ꓡꓳ꓾ ꓐꓰ ꓢꓯꓼ ꓖꓶ ꓔ ꓡꓳ꓿
ꓔꓲꓺ ꓒ Pierre El-Rahi ꓠꓬ ꓙꓲ_ ꓟ ꓮ. ꓣꓳ ꓡꓳ. ꓒꓽ ꓥ ꓢꓲ ꓠꓬꓲ ꓢꓲ ꓒ ꓬꓰ‐ꓢꓴ ꓬꓲ ꓠꓵꓻ ꓠꓲ, ꓐꓰ ꓚꓲ ꓛꓬ ꓔꓲꓺ ꓖꓶ ꓗꓷ ꓟ ꓡꓰ ꓐꓰ ꓚꓲ ꓛꓬ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓐꓰ ꓕꓲ ꓪ ꓔꓬ ꓟ ꓔꓱ, ꓟ ꓮ. ꓣꓳ ꓡꓳ. ꓒꓽ ꓕꓲ ꓣꓳ ꓥ ꓡꓳ꓾” ꓐꓳꓽ ꓑꓶ ꓓꓴ ꓕꓲ ꓐꓱ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓠꓻ ꓓꓴ ꓡꓰ ꓫꓵ ꓙꓳ_ ꓡꓳ ꓐꓰ ꓑ ꓙ ꓪ ꓟ ꓗꓪ ꓐꓰ ꓔꓲꓺ ꓒ ꓠꓬ ꓬꓰ ꓙ ꓠ, ꓟ ꓙꓰ ꓟ ꓥꓳ꓾ ꓐꓰ ꓐꓯ ꓔ ꓡꓳ꓿
ꓔꓲꓺ ꓒ Pierre El-Rahi ꓠꓬ ꓞꓳ ꓡꓱ ꓤ ꓐꓴ ꓐꓰ ꓕꓲ ꓪ ꓐꓶ ꓔꓳ, ꓗꓷ ꓟ ꓔꓬ ꓦꓲꓻ ꓗꓪ ꓬꓰ ꓙ ꓠ, ꓟ ꓙꓰ ꓕꓯ ꓠꓻ ꓓꓴ ꓡꓰ ꓟ ꓗꓪ ꓐꓰ ꓠꓯꓺ ꓞꓲꓼ ꓦꓲꓻ ꓗꓪ ꓛꓲ ꓬꓰ ꓥ ꓟꓲ ꓢꓯꓼ ꓟꓬ ꓞꓷ, ꓡꓰ ꓟ ꓥꓳ꓿
“ꓬꓲ ꓡꓰ ꓢꓯꓼ ꓟꓬ ꓖꓶ ꓗꓷ ꓟ ꓬꓲ. ꓫꓵ ꓬꓲ ꓧꓪ ꓠꓬ ꓠꓲ, ꓠꓵꓻ ꓟ ꓡꓰꓐꓮꓠꓳꓠ ꓗꓴꓷꓼ ꓐꓱ ꓶ ꓢꓲ ꓡꓲ, ꓟ ꓬꓲ. ꓫꓵ. ꓗꓷ ꓡꓰ ꓝꓲ ꓐꓰ ꓪꓴ‐ꓢ ꓠꓯꓼ ꓗꓪ ꓪꓽ ꓘꓴ ꓶꓽ ꓓꓰꓽ ꓖꓶ ꓥꓳ꓾” ꓐꓰ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓖꓶ ꓗꓷ ꓟ ꓥꓳ꓿
