ꓪꓴ‐ꓢ ꓔꓯ ꓠꓲ., ꓠꓵ, ꓟ ꓐꓰ ꓞꓳ ꓤ ꓔꓯ ꓠꓲ., ꓠꓵ ꓟ ꓠꓬ ꓙ ꓘꓶꓽ ꓟꓽ ꓓ꓾ꓢꓲ ꓒ ꓬꓰ‐ꓢꓴ ꓡꓰ ꓣꓳ ꓔꓯ ꓐꓯ ꓔꓽ ꓟ ꓠꓬ ꓣꓳ ꓚꓲ ꓛꓬ ꓔꓯ ꓠꓲ., ꓠꓵ, ꓟ ꓡꓰ ꓐꓰ ꓠꓶꓽ ꓛꓳ ꓕꓲ ꓛꓳ ꓔꓯ ꓠꓲ., ꓠꓵ ꓠꓽ ꓗ. ꓡꓳ ꓐꓰ ꓐꓯ ꓔ ꓟ ꓡꓰ ꓐꓰ ꓣꓳ ꓚꓳ ꓡꓳ ꓚꓳ ꓫꓵꓽ ꓗꓪ ꓔꓬ ꓟ ꓛꓳ ꓒꓯꓼ ꓐꓴ ꓔꓯ ꓣꓳ ꓚꓲ ꓛꓬ ꓔꓯ ꓠꓲ., ꓠꓵ ꓟ ꓡꓰ ꓐꓰ ꓠꓲ., ꓠꓵ ꓠꓽ ꓗ, ꓡꓳ ꓐꓰ ꓐꓯ ꓔꓽ ꓡꓳ꓿ ꓕꓱ ꓟ ꓠꓬ ꓒꓴ ꓑꓬ ꓕꓲ ꓑꓲ ꓡꓰ ꓐꓰ ꓗ. ꓟ ꓠꓬꓲ. ꓛꓲ ꓠꓬꓲ ꓙ ꓔꓯ ꓐꓯˍꓟ ꓥ ꓡꓳ꓿ ꓪꓴ‐ꓢ ꓔꓯ ꓠꓬ ꓠꓲ., ꓠꓵ ꓐꓰ ꓐꓯ ꓢꓲ꓾ ꓣꓳ ꓑ ꓔꓲ ꓗꓪ ꓔꓬ ꓟ ꓛꓳ ꓒꓯꓼ ꓐꓴ ꓔꓯ ꓠꓬ ꓠꓲ., ꓜꓳˍ ꓥꓲ. ꓤꓲˍꓟ ꓕꓱ ꓡꓱ ꓫꓵꓽ ꓬꓰ ꓟꓽ ꓓ ꓐꓰ ꓐꓯˍ ꓟ ꓥ ꓡꓳ꓿

2 ꓫꓵꓽ ꓕꓲ ꓫꓵꓽ ꓠꓬ  ꓮꓽ ꓟꓶ ꓟ ꓤꓶ., ꓗꓪ ꓞꓳ ꓤ ꓐꓴ ꓠꓬ ꓪꓽ ꓘꓴ ꓦꓲ., ꓗꓪ ꓕꓲ ꓖꓶˍꓟ ꓣꓱꓽ ꓖꓶˍꓟ ꓔꓯ ꓡꓰ ꓬꓰ ꓔꓬ ꓡꓳ꓾ ꓖꓳ ꓡꓰ ꓐꓯ ꓥˍꓟꓲ ꓢꓲ ꓒ ꓬꓰ‐ꓢꓴ ꓡꓰ ꓐꓯˍꓟ ꓠꓬ ꓠꓵ., ꓠꓲ, ꓙꓳˍꓟ ꓠꓬ ꓕꓱ ꓡꓱ ꓔꓲ. ꓖꓶˍꓟ ꓕꓯ ꓢꓲ ꓮꓽ ꓟꓬ, ꓙꓲ ꓖꓴ ꓙꓳ ꓡꓳ ꓐꓰ ꓣꓳ ꓔꓯ ꓟ. ꓖꓶ ꓔ ꓡꓳ꓿ ꓕꓯ ꓥꓳ ꓐꓯ ꓠꓬ ꓪꓽ ꓘꓴ ꓦꓲ., ꓗꓪ ꓠꓬ ꓒꓴ ꓮꓽ ꓟꓬ, ꓔꓲ ꓖꓶ ꓔꓬ ꓥˍꓟꓲ ꓬꓲ ꓑ ꓗꓪ ꓠꓬ ꓢꓴ ꓔꓯ ꓠꓲ., ꓟ ꓫ. ꓡꓰ ꓠꓽ ꓬꓰ ꓔꓬ ꓐꓭ ꓠꓬ ꓕꓱ ꓟ ꓠꓬ ꓪꓴ‐ꓢ ꓠꓲ., ꓡꓶ ꓟꓽ ꓥ꓾ ꓪꓴ‐ꓢ ꓟꓽ ꓠꓲ., ꓒꓴ꓾ ꓠꓴ ꓮꓽ ꓟꓬ ꓛꓲ  ꓔꓲ ꓖꓶ ꓔꓬ ꓥˍꓟꓲ ꓮ ꓔꓳ ꓡꓰ ꓗꓷ ꓡꓰ ꓡ ꓥꓳ꓿

3 ꓫꓵꓽ ꓕꓲ ꓫꓵꓽ ꓠꓬ ꓠꓵ., ꓠꓲ, ꓐꓯˍꓟ ꓠꓬ ꓚꓲ ꓚꓲ ꓬꓲ. ꓑꓲ, ꓬꓰ ꓠꓽ ꓗ. ꓟ ꓥ ꓡꓳ꓿

ꓕꓱ ꓗꓪ ꓐꓯˍꓟ ꓠꓵ., ꓠꓲ, ꓐꓯˍꓟ ꓠꓬ ꓠꓲ., ꓟ ꓗꓪ ꓡꓰ ꓠꓲ., ꓠꓵ, ꓟ ꓔꓯ ꓐꓯˍꓟ ꓟꓽ ꓥ꓾ ꓬꓲ. ꓑꓲ, ꓬꓰ ꓠꓽ ꓗ. ꓟ ꓔꓯ ꓐꓯˍꓟ ꓥ ꓡꓳ꓿ ꓕꓯ ꓥꓳ ꓐꓯˍꓠꓬ ꓢꓴ ꓔꓯ ꓬꓰ‐ꓙ ꓟ꓾ ꓖ ꓖꓶˍꓟ꓾ ꓫ. ꓠꓲ, ꓤˍꓟ꓾ ꓕꓱ ꓡꓱ ꓫꓵꓽ ꓔꓯ ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ  ꓟꓬꓱꓽ ꓬꓰ ꓘꓴ ꓥˍꓟꓲ꓾ ꓟꓽ ꓞꓲ ꓦꓲ., ꓘꓴꓽ ꓗꓪ ꓥˍꓟꓲ ꓚꓲ ꓚꓲ ꓬꓰ ꓠꓽ ꓟ ꓣꓳ.. ꓚꓵ. ꓡꓳ꓿

ꓖꓳ ꓟ ꓑꓶ. ꓓꓴ ꓠꓲ., ꓠꓵ, ꓟ ꓬꓲ ꓤ ꓠꓬꓲ ꓤ ꓐꓴꓳ꓾ ꓪꓴ‐ꓢ ꓔꓯ ꓕꓲ ꓠꓲ., ꓟ ꓡꓳ. ꓠꓲ., ꓢꓲ꓾ ꓕꓱ ꓠꓵ, ꓠꓲ., ꓗꓪ ꓐꓰ ꓛꓳ ꓒꓯꓼ ꓛꓳ ꓤ ꓐꓴ ꓔꓯ ꓠꓲ., ꓠꓵ, ꓠꓽ ꓟ ꓥ ꓡꓳ꓿ ꓕꓱ ꓡꓱ ꓬꓰ ꓔꓬ ꓐꓯˍꓠꓬ ꓪꓴ‐ꓢ ꓬꓲ ꓗꓴꓷꓼ ꓗꓪ ꓕꓲ ꓠꓬꓲ ꓠꓬ ꓛꓲ ꓬꓰ ꓡ ꓥꓳ꓿

ꓠꓬꓲ. ꓠꓬꓲ. ꓟ ꓢꓲ ꓫꓬ ꓕꓳꓽ ꓶ ꓠꓬ ꓟꓮꓣꓗ ꓕꓳꓽ ꓶ 12ꓽ 28‐34 ꓗꓪ ꓛꓲ ꓥ ꓡꓳ꓿