ꓑ‐ꓠ‐ꓓꓰ ꓟꓵꓽ ꓗꓪ ꓜ ꓒꓴ ꓕꓲ ꓟꓳ ꓠꓳ (10) ꓫꓬ ꓒꓯꓼ ꓙꓳ ꓟ ꓓꓳꓽ

3 ꓦ ꓟ 6 ꓠꓬꓲ 2026 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓑꓴꓔꓮꓳ ꓟꓵꓽ ꓑ‐ꓠ‐ꓓꓰ ꓡꓳ ꓒꓱ ꓗꓪ ꓜ ꓒꓴ ꓕꓲ ꓟꓳ ꓠꓳ ꓠꓬ (10) ꓒꓯꓼ ꓙꓳ ꓡꓳ ꓐꓰ ꓢꓷ. ꓪ ꓡꓳ꓿

ꓑ‐ꓠ‐ꓓꓰ ꓡꓳ ꓒꓱ ꓗꓪ ꓗ‐ꓛꓲ ꓗꓴꓷꓼ ꓫꓴꓻ ꓖꓴ ꓪꓴ. ꓟꓵꓽ ꓗꓪ ꓙꓳ ꓟ ꓟꓵꓽ ꓥ ꓢꓲ ꓠꓬꓲ ꓑꓴꓔꓮꓳ ꓡꓳ ꓒꓱ ꓗꓪ ꓐꓰ ꓡꓳ‐ꓟꓷ ꓡꓳ ꓒꓱ ꓗꓪ ꓐꓰ ꓝ. ꓢꓲ ꓠꓬꓲ ꓟꓳ ꓓꓳ ꓙ ꓖꓴ ꓡꓰ ꓙꓰ ꓟ ꓟꓵꓽ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓟꓵꓽ ꓘꓳꓼ ꓟꓽ ꓙꓲ ꓟ ꓑꓶ. ꓓꓴ ꓟꓳ‐ꓓꓳ ꓙ ꓖꓴ ꓟꓽ ꓙꓲ ꓑ ꓫꓬ ꓐꓴ ꓠꓬ ꓙ ꓖꓴ ꓫꓱ, ꓢꓲ ꓠꓬꓲ ꓟꓳ‐ꓓꓳ ꓙ ꓖꓴ ꓙꓲ ꓟ ꓗꓪ ꓛꓲ ꓶꓻ ꓤ ꓪꓴꓽ ꓠ, ꓟ ꓔ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓑ‐ꓠ‐ꓓꓰ ꓟꓵꓽ ꓒ ꓕꓲ ꓗꓪ ꓙꓳ ꓟ ꓞꓳ ꓘ, ꓮ ꓟꓬ, ꓗꓪ ꓔꓬ ꓟ ꓑ ꓫꓬ ꓐꓴ  ꓠꓬ ꓜ ꓒꓴ ꓒꓵꓽ ꓮ ꓕꓯ ꓓꓯˍ ꓡ ꓟ ꓑꓶ. ꓓꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿