ꓟ-ꓕꓲ ꓕꓳꓽ ꓶ 5ꓽ 3 ꓗꓪ ꓦꓽ ꓠꓯꓸꓼˍꓗꓪ ꓫꓸ ꓙꓵ ꓟꓶ ꓙꓵꓽ ꓢꓴ ꓠꓬ ꓶꓽ ꓙꓳ ꓫꓱꓼ ꓙꓳ ꓡꓳ꓾ ꓐꓰ ꓐꓯ ꓔꓽ ꓟ ꓟꓸ ꓟꓲ ꓔꓯ ꓠꓬ ꓕꓱ ꓕꓲ ꓠꓽ ꓫꓸ ꓢꓴ ꓟꓷꓼ ꓢꓴ ꓐꓰ ꓫꓸ ꓪ ꓕꓱˍꓟ ꓚꓱꓹ ꓗꓪ ꓣꓳ ꓠꓽ ꓠꓹ ꓓꓴ ꓬꓰ ꓡꓯ= ꓦꓽ ꓠꓯꓸꓼˍꓗꓪ ꓫꓸ ꓙꓵ ꓟꓶ ꓙꓵ꓾ ꓐꓯˍꓟ ꓮꓽ ꓫꓵ ꓔꓯ ꓐꓯ ꓡ? ꓐꓰ ꓐꓯ ꓠꓬ ꓪꓴ ꓧꓶꓽ ꓢꓯꓼ ꓑ ꓟ ꓔꓯ ꓐꓯꓹ ꓟ ꓟꓽ ꓥ꓾ ꓮꓽ ꓕꓯ ꓟꓲ ꓠꓲꓹ ꓟ ꓫꓸ ꓔꓬ ꓟ ꓔꓯ ꓐꓯꓹ ꓟ ꓟꓲ ꓟꓽ ꓥ꓾ ꓢꓷꓸ ꓠꓲꓹ ꓟꓽ ꓙꓳ ꓒꓴꓽ ꓫꓵꓼ ꓟꓽ ꓙꓳ ꓟ ꓔꓯ ꓐꓯ ꓫꓵꓽ ꓟꓲ ꓟꓽ ꓥ꓾ ꓟꓲ ꓠꓯ ꓕꓱ ꓟ ꓗꓪ ꓜꓳ ꓙꓳ ꓟ ꓗꓪ ꓔꓱꓼ ꓚꓰꓼ ꓟꓲ ꓮꓽ ꓫꓵ ꓟꓲ ꓟꓽ ꓙꓳ꓾ ꓟ ꓔꓯ ꓐꓯ ꓫꓵꓽ ꓟꓲ ꓟꓽ ꓥ꓾ ꓖꓳ ꓡꓰ ꓠꓬ ꓫꓸ ꓢꓴ ꓟꓷꓼ ꓢꓴ ꓐꓴ ꓠꓬ ꓶꓼ ꓙꓳ ꓫꓱꓼ ꓙꓳ ꓡꓳ ꓐꓰ ꓐꓯˍꓟ ꓮꓽ ꓫꓵꓽ ꓬꓲꓼ ꓬꓰ ꓢꓲ ꓥ ꓡ? ꓬꓲꓽ ꓪꓴ ꓕꓲ ꓟ ꓠꓬ ꓦꓽ ꓕꓲ ꓒꓳꓹ ꓗꓪ ꓙ ꓫꓳ ꓟ ꓥ ꓡꓳ ꓐꓰ ꓣꓳ ꓢꓷꓸ ꓠꓽ ꓗꓸ ꓡꓳ=
ꓪꓴ-ꓢ ꓗꓪ ꓐꓰ ꓟꓽ ꓥꓹ ꓠꓬ ꓮꓽ ꓫꓵꓽ ꓗꓪ ꓟꓲ ꓬꓰ ꓟ ꓑ ꓡ꓾ ꓐꓰ ꓙ ꓔ ꓢꓴ ꓖꓳ ꓕꓲ ꓣꓳ ꓔꓯ ꓐꓯˍꓟ ꓥ ꓡꓳ= ꓬꓲꓽ ꓠꓬ ꓬꓲꓽ ꓢꓯꓼ ꓪ ꓔꓯ ꓡꓰ ꓦ ꓡꓱ ꓟ ꓟꓽ ꓥ꓾ ꓪꓴ-ꓢ ꓔꓯ ꓡꓰ ꓦ ꓡꓱ ꓡꓳ=
ꓖꓳ ꓡꓰ ꓠꓬ ꓠꓬꓲꓸ ꓠꓬꓲ ꓠꓴ ꓔꓯ ꓒꓴ ꓫꓵꓼ ꓙꓳ ꓡ? ꓕꓱ ꓟ ꓠꓬ ꓠꓽ ꓠꓬꓲ ꓘꓶꓽ ꓟꓽ ꓥ꓾ꓪꓴ-ꓢ ꓟꓲ ꓙꓬ ꓗꓪ ꓶꓼ ꓙꓳ ꓫꓱꓼ ꓙꓳ ꓐꓯ ꓠꓬ ꓠ ꓴ ꓠꓯꓸꓼ ꓗꓪ ꓒꓴꓽ ꓙꓳ ꓡ? ꓐꓰ ꓠꓽ ꓠꓬꓲ ꓘꓶꓽ ꓟꓽ ꓥ꓾ ꓠꓽ ꓠꓬꓲ ꓘꓶꓽ ꓠꓬ ꓠꓴ ꓪꓴ-ꓢ ꓠꓯꓸꓼ ꓗꓪ ꓮ ꓟꓬ ꓛꓲ ꓠꓲꓹ ꓟ ꓙꓵ ꓡ ꓐꓰ ꓠꓽ ꓠꓬꓲ ꓟ ꓥ ꓡꓳ=
