ꓬꓳ‐ꓠ ꓢꓷ. ꓡꓰ ꓓꓴ
ꓠꓬꓲ. ꓠꓬꓲ ꓟ ꓢꓲ ꓫꓬ ꓕꓳ ꓶ ꓝꓲ. ꓗꓪ ꓡ ꓞꓳ ꓮ ꓟꓬ, ꓠꓬ ꓢꓲ ꓒ ꓬꓰ‐ꓢꓴ ꓠꓯꓼ ꓗꓪ ꓬꓲ ꓢꓷ. ꓡꓰ ꓓꓴ ꓔꓯ ꓶꓽ ꓓꓰ ꓔꓬ ꓡꓳ꓾ ꓖꓳ ꓡꓱ ꓥ ꓟꓲ ꓢꓲ ꓒ ꓬꓰ‐ꓢꓴ ꓠꓬ ꓬꓳ‐ꓠ ꓢꓷ. ꓡꓰ ꓓꓴ ꓟꓽ ꓥ ꓠꓬ ꓠꓱ. ꓐꓯꓼ ꓮ ꓫꓵ ꓢꓷ. ꓡꓰ ꓓꓴ_ ꓟꓲ ꓟꓽ ꓟꓳ. ꓖꓶ ꓐꓰ ꓐꓯ ꓔ ꓡꓳ꓾ ꓬꓳ‐ꓠ ꓡꓰ ꓚ ꓟ. ꓖꓶ ꓟ ꓔꓯ ꓠ ꓠ, ꓢꓲ ꓡ ꓞꓳ ꓮ ꓟꓬ, ꓠꓬ ꓓꓵꓽ ꓙ ꓒꓳ, ꓬꓲꓼ ꓡ ꓟ ꓡꓰ ꓐꓰ ꓢꓲ ꓒ ꓬꓰ‐ꓢꓴ ꓠꓬ ꓠꓲ, ꓟ ꓒꓳ, ꓡꓶ. ꓠ, ꓟ ꓘꓴ ꓔ ꓟ ꓥ ꓡꓳ꓿ ꓖꓳ ꓡꓱ ꓠꓬꓲ ꓬꓳ‐ꓠ ꓕꓯ ꓢꓲ ꓪꓴꓽ_ꓡꓳ꓾ ꓕꓱ ꓟ ꓠꓬ ꓢꓲ ꓒ ꓬꓰ‐ꓢꓴ ꓫꓵꓻ ꓟ ꓐꓰ ꓢꓯ. ꓬꓲꓼ ꓡ ꓟ ꓔꓯ ꓟꓳ. ꓖꓶ ꓡꓳ꓿ ꓕꓱ ꓟ ꓗꓪ ꓐꓰ ꓙꓲ ꓢꓴ ꓢꓲ ꓤ ꓐꓴ ꓐꓱ ꓶ ꓠꓬ ꓢꓯꓼ ꓟꓬ ꓐꓰ ꓥꓳ ꓡꓳ. ꓓꓴ ꓔꓯ ꓖꓶ ꓔ ꓡꓳ꓿
ꓠꓬꓲ. ꓠꓬꓲ ꓢꓲ ꓫꓬ ꓕꓳ ꓶ ꓗꓪ ꓐꓰ ꓣꓳ ꓔꓯ ꓓꓵꓽ ꓙ ꓔꓱ, ꓕ ꓘꓶꓽ ꓕꓲꓽ ꓟ ꓖꓶ_ ꓡꓳ꓾ ꓣꓳ ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓑ ꓙ ꓟꓶ ꓗ. ꓠꓯ. ꓠꓱ. ꓐꓯꓼ ꓢꓷ. ꓡꓰ ꓓꓴ ꓔꓯ ꓥꓳ ꓡꓳ. ꓔꓬ ꓢꓰ ꓡ? ꓠꓲ‐ꓠꓲ‐ꓪꓰ ꓢꓴ ꓐꓴ ꓠꓬ ꓬꓳ‐ꓠ ꓐꓯ ꓘꓶꓽ ꓔꓯ ꓠ ꓠ, ꓢꓲ ꓓꓵꓽ ꓙ ꓒꓳ, ꓬꓲꓼ ꓡꓰ ꓟ ꓥ ꓡꓳ꓿ ꓖꓴ ꓟꓶ. ꓔꓯ ꓟꓳ. ꓟ ꓪ ꓔꓲ ꓟ ꓠꓬ ꓢꓳ‐ꓡꓳ‐ꓟꓳ ꓙꓽ ꓜꓲꓼ ꓠꓲ, ꓙꓳ_ ꓟ ꓐꓯ ꓘꓶ ꓔꓯ ꓠ ꓠ, ꓟ ꓟꓲ ꓠꓯ ꓑꓶ. ꓗꓪ ꓐꓰ ꓡ ꓗꓷ ꓟ ꓥ ꓡꓳ꓿ ꓠꓬꓲ. ꓠꓬꓲ ꓣꓳ ꓠꓬ ꓢꓲ ꓒ ꓬꓰ‐ꓢꓴ ꓐꓯ ꓘꓶꓽ ꓔꓯ ꓢ ꓢ ꓡꓰ ꓑ ꓙ ꓟꓶ ꓪ ꓟ ꓥ ꓡꓳ꓿ ꓕꓱ ꓟ ꓔꓯ ꓣꓳ ꓒꓵꓽ ꓛꓳ ꓓꓴ ꓬꓰ ꓡꓯ꓿
ꓖꓳ ꓟ ꓡꓰ ꓐꓰ ꓓꓵꓽ ꓙ ꓟꓶ ꓓꓴ ꓬꓲ ꓢꓷ. ꓡꓰ ꓓꓴ ꓔꓯ ꓡꓰ ꓟꓽ ꓧꓪ ꓧꓪ꓾ ꓢꓲ ꓒ ꓬꓰ‐ꓢꓴ ꓐꓯ ꓘꓶꓽ ꓔꓯ ꓠ ꓠ, ꓢꓲ ꓓꓵꓽ ꓙ ꓒꓳ, ꓡꓶ. ꓢꓲ ꓠꓬꓲ ꓙꓵꓻ ꓠꓲ, ꓐꓰ ꓢꓯ. ꓔꓬ ꓓꓴ ꓬꓰ ꓡꓯ꓿
