ꓢꓲ ꓡꓲ. ꓗꓷ ꓠ, ꓟ ꓐꓱ ꓶ ꓞ ꓞ ꓣꓱꓽ ꓯꓬꓼ ꓔꓬ ꓟ ꓑꓶ. ꓓꓴ ꓣꓳ ꓐꓴ ꓮ ꓘꓶꓽ ꓪꓽ ꓘꓴ ꓓꓴ ꓬꓰ ꓡꓯ ꓐꓰ ꓔꓲ..ꓒ ꓪ ꓔꓲ ꓡꓰ ꓐꓯˍꓟ ꓓꓳꓽ
Angelus ꓪꓽ ꓘꓴ ꓓꓵ ꓖꓴ ꓡꓰ ꓕꓯ ꓔꓲ.. ꓒ ꓪ ꓔꓲ ꓡꓰꓳ(14) ꓡꓰ ꓐꓳꓽ ꓢꓯꓼ ꓐꓰ ꓢꓰꓼ ꓡꓯꓼ ꓘꓳ, ꓓꓴꓽ ꓠ ꓡꓰ ꓠ, ꓟ ꓐꓱ ꓶ ꓐꓯ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿
ꓡꓳ, ꓬꓰ ꓟ ꓕꓲ ꓠꓬꓲꓽ ꓗꓪ ꓔꓲ..ꓒ ꓪ ꓔꓲ ꓠꓬ ꓢꓲ ꓡꓲ. ꓗꓷ ꓠ, ꓟ ꓐꓱ ꓶ ꓞ ꓞ ꓣꓱꓽ ꓯꓬꓼ ꓔꓬ ꓡꓳ ꓟ ꓑꓶ. ꓓꓴ ꓣꓳ ꓦ ꓡꓱ ꓢꓴ ꓐꓴ ꓮꓽ ꓕꓯ ꓥˍꓟꓲ ꓪꓴ‐ꓢ ꓔꓯ ꓪꓽ ꓘꓴ ꓓꓴ ꓬꓰ ꓡꓯꓼ ꓐꓰ ꓔꓲ.. ꓒ ꓪ ꓔꓲ ꓡꓰꓳ 14) ꓡꓰ ꓢꓷ. ꓙ ꓟꓳ ꓙ ꓩꓵ ꓗꓷ ꓟ ꓥ ꓡꓳ꓿
ꓢꓰꓼ ꓡꓯꓼ ꓘꓳ, ꓟ ꓠꓬ ꓑ ꓫꓬ ꓮꓽ ꓙꓵꓽ ꓐꓱ ꓶ ꓣꓱꓽ ꓟꓽ ꓯꓬꓼ ꓟ ꓶ. ꓓꓴ ꓣꓳ ꓠꓲ., ꓞ ꓢꓰꓼ ꓠ, ꓡꓰ ꓠ, ꓟ ꓢꓯꓼ ꓕꓵꓼ ꓡꓯꓼ꓾ ꓟꓽ ꓞꓲ ꓗꓴꓷꓼ ꓔꓯ ꓙꓵꓽ ꓢꓴ ꓐꓴ ꓢꓲ ꓒꓽ ꓐꓴ ꓥˍꓟꓲ ꓙꓲˍꓟ ꓕꓲ ꓒꓳ, ꓗꓪ ꓐꓰ ꓗꓴꓷꓼ ꓔꓯ ꓙꓵꓽ ꓑ ꓡ ꓠ, ꓟ ꓬꓰ ꓡꓯꓼ ꓐꓰ ꓢꓯꓼ ꓖꓶ ꓗꓷ ꓟ ꓥ ꓡꓳ꓿
ꓟꓽ ꓞꓲꓼ ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ Ukraine ꓑ ꓫꓬ ꓐꓴ ꓐꓰ ꓟꓯꓼ ꓢꓰꓼ ꓡꓯꓼ ꓘꓳꓼ ꓡ ꓟ ꓑꓶ. ꓓꓴ ꓠꓲ., ꓟ ꓫ. ꓔꓬ ꓢꓴ ꓐꓴ ꓮꓽ ꓙꓵ ꓢꓴ ꓐꓱ ꓶ ꓮꓽ ꓕꓯ ꓥˍꓟꓲ ꓪꓽ ꓘꓴ ꓙ ꓓꓴ ꓬꓰ ꓡꓯꓼ ꓐꓰ ꓢꓯꓼ ꓖꓶ ꓗꓷ ꓟ ꓥ ꓡꓳ꓿
