ꓟ‐ꓡꓲ ꓠꓬ ꓪꓴ‐ꓢ ꓬꓲ. ꓟ, ꓟ ꓥ ꓡ꓾

ꓟ‐ꓡꓲ ꓠꓬ ꓪꓴ‐ꓢ ꓬꓲ ꓟ, ꓟ ꓥ ꓡ ꓐꓯ ꓠꓬ꓾ ꓥ ꓡꓳ꓾ꓮ ꓡꓰ ꓐꓰ ꓥ ꓡ ꓐꓯ ꓠꓬ ꓢꓲ ꓒ ꓬꓰ‐ꓢꓴ ꓬꓲ ꓟ, ꓟ ꓥ ꓟ ꓑꓶ ꓓꓴ ꓪꓴ‐ꓢ ꓬꓲ ꓟ, ꓟ ꓥ ꓡꓳ꓾ꓢꓲ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓟꓲ ꓥ ꓡꓳ꓾ ꓞꓳ ꓤ ꓟꓲ ꓥ ꓡꓳ꓾ ꓕꓱ ꓟ ꓑꓶ ꓓꓴ ꓞꓳ ꓤ ꓕꓲꓽ ꓒꓳ, ꓗꓪ ꓟ, ꓟ ꓟ‐ꓡꓲ ꓠꓬ ꓢꓲ ꓒ ꓬꓰ‐ꓢꓴ ꓔꓯ ꓦꓵꓻ ꓗꓷ ꓟ ꓑꓶ ꓓꓴ ꓢꓲ ꓒ ꓬꓰ‐ꓢꓴ ꓬꓲ ꓞꓳ ꓤ ꓕꓲꓽ ꓒꓳ, ꓗꓪ ꓟ ꓟ, ꓟ ꓥ ꓡꓳ꓾ꓕꓱ ꓟ ꓑꓶ ꓓꓴ ꓟ‐ꓡꓲ ꓠꓬ ꓢꓲ ꓒ ꓬꓰ‐ꓢꓴ ꓮ. ꓟ ꓥ ꓡꓳ꓾ꓖꓳ ꓡꓱ ꓥ ꓟꓲ ꓢꓲ ꓒ ꓬꓰ‐ꓢꓴ ꓠꓬ ꓞꓳ ꓤ ꓡꓰ ꓟꓽ ꓥ꓾ ꓬꓲ ꓠꓬ ꓪꓴ‐ꓢ ꓥ ꓟ ꓑꓶ ꓓꓴ ꓪꓴ‐ꓢ ꓬꓲ ꓮ ꓟ ꓥ ꓟꓲ ꓥ ꓡꓳ꓾ ꓐꓰ ꓢꓷ. ꓪ ꓟ ꓥ ꓡꓳ꓿

ꓖꓳ ꓡꓱ ꓐꓯ ꓠꓬ ꓮꓽ ꓐꓽ ꓐ, ꓐ ꓪꓴ‐ꓢ ꓐꓱ ꓶ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓐꓱ ꓶ ꓠꓬ ꓮ ꓡꓰ ꓐꓰ ꓥ ꓡ꓾ ꓟ‐ꓡꓲ ꓠꓬ ꓮꓽ ꓐ ꓐ, ꓐ ꓪꓴ‐ꓢ ꓐꓱ ꓶ ꓠꓬ ꓮ. ꓟꓲ ꓤ ꓕꓲꓽ ꓣꓳ ꓥ ꓡꓳ꓾ ꓮ ꓫꓵ ꓑꓶ ꓓꓴ ꓥ ꓡ꓾ ꓢꓲ ꓒ ꓬꓰ‐ꓢꓴ ꓔꓯ ꓟ, ꓟ ꓟ‐ꓡꓲ ꓔꓯ ꓦꓵꓻ ꓡ ꓝꓲ. ꓗꓪ ꓛꓲ ꓮꓽ ꓐꓽ ꓐ, ꓐ ꓪꓴ‐ꓢ ꓠꓬ ꓟ‐ꓡꓲ ꓔꓯ ꓓꓳ ꓟꓴ, ꓫꓱ. ꓖꓶ_ ꓡꓳ꓿ ꓠꓴ ꓠꓬ ꓶ ꓙꓳ ꓫꓱ, ꓙꓳ_ ꓟ ꓤ ꓟꓶ ꓤ ꓥ ꓡꓳ꓾ ꓐ, ꓐ ꓪꓴ‐ꓢ ꓠꓬ ꓟ‐ꓡꓲ ꓔꓯ ꓮ ꓘꓶ. ꓛꓲ ꓓꓳ ꓟꓴ, ꓫꓱ, ꓖꓶ_ ꓡꓳ꓿ ꓬꓲ ꓮ ꓟꓲ ꓤ ꓕꓲꓽ ꓣꓳ ꓡꓰ ꓐꓰ ꓮ ꓕꓯ ꓥ ꓟꓲ ꓙꓻ ꓔꓬ ꓟ ꓥ ꓡꓳ꓿ ꓟ‐ꓡꓲ ꓥ ꓟꓲ ꓮ ꓐ ꓐ, ꓐ ꓪꓴ‐ꓢ ꓔꓯ ꓬꓲ ꓠꓬ ꓮ ꓘꓶ. ꓠꓲ, ꓠꓵꓻ ꓢꓲ ꓠꓬꓲ ꓦ ꓡꓱ ꓐꓳ ꓢꓲ ꓕꓱ ꓡꓱ ꓞꓳ ꓙꓳ ꓔꓬ ꓟ ꓮ. ꓟꓲ ꓤ ꓡꓰ ꓥ ꓡꓳ꓿

ꓖꓳ ꓡꓱ ꓐꓯ ꓠꓬ꓾ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓐꓱ ꓶ ꓟ‐ꓡꓲ ꓠꓬ ꓮ ꓡꓰ ꓐꓰ ꓥ ꓡ꓾ ꓢꓲ‐ꓫꓬ‐ꓟ‐ꓦ ꓗꓪ ꓐꓰ ꓖꓳ ꓓꓱ ꓗꓪ ꓤ ꓶꓻ ꓡꓰ_ ꓡꓳ꓾ ꓐꓰ ꓟ. ꓟꓲꓽ ꓗꓪ ꓑ ꓙ ꓪ ꓡꓳ꓿ ꓕꓱ ꓟ ꓑꓶ ꓓꓴ ꓢꓲ‐ꓫꓬ‐ꓟ‐ꓦ ꓠꓬ ꓟ‐ꓡꓲ ꓐꓱ ꓶ ꓦꓲꓻ ꓢꓲ ꓒꓽ ꓐꓰ ꓟꓲ ꓐꓯ ꓓ_ ꓟ ꓥ ꓡꓳ꓿ ꓝꓮꓲ ꓠꓬ ꓟ‐ꓡꓲ ꓬꓲ ꓖꓳ ꓓꓱ ꓥ ꓟꓲ ꓢꓲ‐ꓫꓬ‐ꓟ‐ꓦ ꓐꓲ ꓞ, ꓟ ꓖꓳ ꓓꓱ ꓗꓪ ꓶꓻ ꓤ ꓟ ꓑꓶ ꓓꓴ ꓢꓲ‐ꓫꓬ‐ꓟ‐ꓦ ꓔꓬ ꓟ ꓦꓲꓻ ꓥ ꓠꓬ ꓢꓲ‐ꓫꓬ‐ꓟ‐ꓦ ꓔꓬ ꓟ ꓪꓽ ꓘꓴ ꓦꓲꓻ ꓡꓰ ꓐꓰ ꓗ, ꓡꓳ꓿ ꓖꓳ ꓟ ꓡꓰ ꓐꓰ ꓟ‐ꓡꓲ ꓠꓬ ꓢꓲ ꓫꓬ ꓟ ꓑꓶ ꓓꓴ ꓢꓲ‐ꓫꓬ‐ꓟ‐ꓦ ꓠꓲ, ꓟ ꓠꓯꓼ ꓗꓪ ꓬꓲ ꓕꓲꓽ ꓖꓳ ꓓꓱ ꓗꓪ ꓐꓲ ꓞ, ꓟ ꓑꓶ ꓓꓴ ꓬꓲ ꓠꓬ ꓢꓲ‐ꓫꓬ‐ꓟ‐ꓦ ꓔꓬ ꓖꓴ ꓐꓰ ꓐꓯ ꓠ, ꓟ ꓥ ꓡꓳ꓿

ꓠꓲ, ꓠꓵꓻ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓬꓲ. ꓠꓬꓲ ꓟ‐ꓡꓲ ꓠꓬ ꓪꓴ‐ꓢ ꓬꓲ ꓟ, ꓟ ꓥ ꓡ ꓐꓯ ꓠꓬ ꓥ ꓡꓳ꓾ ꓖꓳ ꓡꓱ ꓐꓯ ꓥ ꓟꓲ ꓐ, ꓐ ꓪꓴ‐ꓢ ꓐꓱ ꓶ ꓐꓰ ꓢꓲ‐ꓫꓬ‐ꓟ‐ꓦ ꓐꓱ ꓶ ꓠꓬ ꓟꓽ ꓥ꓾ ꓢꓲ ꓒ ꓬꓰ‐ꓢꓴ ꓬꓲ ꓧꓪꓽ ꓖꓳ ꓓꓱ ꓐꓱ ꓶ ꓟ, ꓟ ꓥ ꓟ ꓑꓶ ꓓꓴ ꓬꓲ ꓔꓯ ꓢꓲ ꓒ ꓬꓰ‐ꓢꓴ ꓬꓲ. ꓟ, ꓟ ꓥ ꓠꓬ ꓪꓴ‐ꓢ ꓬꓲ ꓟ, ꓟ ꓐꓰ ꓕꓱ ꓡꓱ ꓘꓴ ꓔꓬ ꓟ ꓥ ꓡꓳ꓿