ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓞꓽ ꓞꓽ ꓬꓰ ꓠ, ꓟ ꓣꓱ ꓬꓯꓼ ꓔꓬ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓟ

2 ꓦ ꓟ 23. 2026 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓐꓱ ꓶ ꓟꓬꓱꓽ ꓬꓰ  ꓠ, ꓟ ꓞꓽ ꓞꓽ ꓣꓱ ꓬꓯꓼ ꓔꓬ ꓡꓳ ꓐꓰ ꓐꓯ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓮꓠꓖꓰꓡꓴꓢ ꓪꓽ ꓘꓴ ꓙꓵ,  ꓗꓪ ꓑꓳ ꓐꓳ ꓢꓲ ꓠꓬꓲ ꓡ ꓞꓳ ꓢꓰꓼ ꓟ ꓚꓱ, ꓔꓯ ꓠꓽ ꓗꓷ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓐ ꓯꓗꓷ ꓟ ꓥ ꓡꓳ꓿

ꓴꓗꓣꓮꓲꓠꓰ ꓐꓰ ꓣ‐ꓫ ꓗꓴꓷꓼ ꓐꓰ ꓢꓰꓼ ꓡꓯꓽ ꓘꓳ, ꓟ ꓡꓲꓽ ꓘꓳꓼ ꓐꓲ ꓟ ꓦꓬꓼ ꓠꓬꓲ ꓕꓯ ꓗꓴꓷꓼ ꓢꓴ ꓗꓴꓷꓼ ꓢꓰꓼ ꓡꓯ ꓘꓳ, ꓟ ꓔꓯ ꓠꓽ ꓗꓷ ꓠ,  ꓟ ꓔꓲꓺ ꓒ ꓪ ꓔꓲ ꓡꓰ ꓫ. ꓕꓱ ꓗꓷ ꓟ ꓥ ꓡꓳ꓿

ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓐꓱ ꓶ ꓮ ꓟꓶ ꓠꓬ ꓬꓲ ꓙꓵ, ꓥ ꓡꓳ꓿ ꓝꓮꓲ ꓢꓲ ꓡꓲ ꓟꓶ ꓠ, ꓟ ꓐꓱ ꓶ ꓙ ꓖꓴ ꓧꓪ ꓢꓲ ꓠꓬꓲ ꓟꓬꓱꓽ ꓔꓯ ꓬꓰ  ꓠ, ꓟ ꓥ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓫ. ꓕꓱ ꓗꓷ ꓟ  ꓥ ꓡꓳ꓿

ꓢꓰꓼ ꓡꓯꓽ ꓘꓳ, ꓟ ꓔꓯ ꓠꓽ ꓗꓷ ꓓꓴ ꓬꓰ ꓡꓯ꓿ ꓟꓯꓼ ꓢꓰꓼ ꓡꓯꓽ ꓘꓳ, ꓗꓷ ꓟ ꓪꓴ. ꓠꓬꓲ ꓦꓲꓻ ꓮ ꓘꓶ. ꓐꓬ ꓡꓰ ꓢꓲ ꓠꓬꓲ ꓡ ꓞꓳ ꓟꓶ ꓡꓰ ꓟ ꓟꓬꓱꓽ ꓠꓬ ꓮ ꓘꓶ. ꓛꓲ ꓟꓽ ꓙꓲ ꓟ ꓟꓬꓱꓽ ꓥ ꓡꓳ꓿ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓮ ꓘꓶ. ꓛꓲ ꓪꓽ ꓘꓴ ꓠ, ꓟ ꓢꓯꓼ ꓕꓵꓼ ꓡꓯ ꓐꓰ ꓫ. ꓕꓱ ꓗꓷ ꓟ ꓥ ꓡꓳ꓿