ꓟꓮꓓꓮꓖꓮꓢꓚꓮꓣ ꓗꓴꓷꓼ ꓗꓪ ꓚꓬꓚꓡꓳꓠꓰ ꓟꓲꓽ ꓦꓲ ꓓꓽ ꓔꓳ, ꓜꓳ ꓢꓴ ꓐꓴ ꓐꓱ ꓶ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓖꓶ_ ꓟ꓾
ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓮꓠꓖꓰꓡꓴꓢ ꓪꓽ ꓘꓴ ꓓꓳ ꓗ. ꓠꓯ. ꓬꓲ. ꓙꓵ, ꓓꓴ. ꓓꓴ. ꓘꓴꓽ ꓠꓯꓼ ꓗꓪ ꓚꓬꓚꓡꓳꓠꓰ ꓟꓲꓽ ꓦꓲ ꓕꓳꓽ ꓥꓳꓽ ꓔꓯ ꓠꓬꓲꓽ ꓧꓪ, ꓔꓳ, ꓜꓳ ꓗꓷ ꓟ ꓟꓮꓓꓮꓖꓮꓢꓚꓮꓣ ꓑ ꓫꓬꓼ ꓐꓴ ꓐꓰ ꓕꓲ ꓪ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ “ꓫꓵꓻ ꓡꓰ ꓢꓴ꓾ ꓬꓲ ꓪ ꓕꓲ ꓦꓲꓻ ꓢꓴ ꓐꓴ ꓐꓰ ꓕꓲ ꓪ ꓔꓳ, ꓜꓳ ꓡꓰ ꓢꓴ ꓐꓴ ꓮ ꓙꓵ ꓐꓰ ꓕꓲ ꓪ ꓪꓽ ꓘꓴ ꓖꓶ ꓔꓬ ꓡꓳ꓾ ꓐꓰ ꓐꓯ ꓔ ꓡꓳ꓿
ꓕꓱ ꓕꓲ ꓘꓳꓼ ꓐꓶ ꓓꓵ ꓖꓴ ꓟꓶ. ꓲ‐ꓓꓲ‐ꓬ ꓬꓲꓻ ꓡꓵ ꓐꓱ ꓗꓪ ꓚꓬꓚꓡꓳꓠꓰ ꓟꓲ ꓦꓲꓻ ꓕꓳꓽ ꓥꓳꓽ ꓠꓬ ꓮ ꓘꓶ. ꓛꓲ ꓙꓱꓼ ꓡ ꓢꓲ ꓚꓬꓚꓡꓳꓠꓰ ꓖꓰꓜꓮꓠꓲ ꓐꓰ ꓝꓬꓔꓲꓮ ꓙꓱꓼ ꓗꓷ ꓗ. ꓠꓯ. ꓟꓮꓓꓮꓖꓚꓢꓮꓣ ꓗꓴꓷꓼ ꓠꓬ ꓙꓬ ꓫ. ꓓꓴ ꓬꓲ. ꓕꓲ. ꓐꓰ ꓐꓯ ꓑꓶ ꓗꓷ ꓢꓲ ꓠꓬꓲ ꓟꓵꓽ ꓗꓳ. ꓓꓵ ꓓꓵ ꓗꓪ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓶ ꓓꓰ ꓔ ꓡꓳ꓿
2 ꓦ 10 ꓠꓬꓲ ꓕꓯ ꓖꓰꓜꓮꓠꓲ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓢꓲ ꓞꓳ ꓤ 270000 ꓣꓳ ꓛꓲ ꓠꓻ ꓓꓴ ꓡꓰ ꓢꓲ ꓡ ꓞꓳ ꓮ ꓟꓬ, ꓔꓬ ꓦꓲꓻ ꓗꓪ ꓐꓰ ꓘꓰ, ꓐꓬ ꓠ ꓗꓷ ꓡꓰ ꓟ ꓥꓳ꓿ ꓞꓳ ꓤ 40 ꓣꓳ ꓫꓵꓻ ꓡꓰꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ꓿ ꓖꓳ ꓟ ꓡꓰ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓐꓰ ꓟꓵꓽ ꓗꓳ. ꓓꓵ ꓓꓵ ꓗꓪ ꓐꓰ ꓑ ꓫꓬ ꓐꓴ ꓔꓯ ꓬꓰ ꓙ ꓔꓳ, ꓙ ꓟ꓾ ꓘꓰ, ꓐꓬ ꓔꓶ. ꓖꓶ_ ꓟ꓾ ꓜ ꓓꓴ ꓬꓰ ꓙ ꓔꓳ, ꓙ ꓟ ꓔꓯ ꓢꓯꓼ ꓕꓵꓼ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿
