ꓡꓲ-ꓢꓴ ꓘꓳꓼ ꓫꓵꓼ ꓚꓲꓸ ꓟꓶ ꓓꓴ꓾ ꓑꓮꓲ ꓒꓴ ꓪꓽ ꓘꓴ ꓜꓲꓼ ꓓꓴ ꓬꓰˍ ꓟ
ꓠꓬꓲꓸ ꓠꓬꓲ 2 ꓦ ꓟ 16 ꓠꓬꓲ 2026 ꓘꓳꓼ ꓠꓽ ꓕꓲ ꓠꓬꓲ ꓠꓯꓼ 9 ꓙꓵꓹ ꓕꓯ ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴꓻ ꓚꓰꓺ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ ꓡꓲ-ꓢꓴ ꓘꓳꓼ ꓫꓵꓼ ꓚꓲꓸ ꓟꓶ ꓓꓴ ꓑꓮꓲ ꓒꓴ ꓪꓽ ꓘꓴ ꓜꓲꓼ ꓓꓴ ꓔꓯ ꓗ-ꓛꓲ ꓗꓴꓷꓼ ꓫꓴꓻ ꓟꓲ-ꓚꓲ-ꓠ ꓡꓳ ꓒꓱ ꓡꓲ-ꓢꓴ ꓡꓲꓼ ꓒꓰꓼ ꓜꓴ ꓚꓰꓺ ꓟꓵꓽ ꓑ-ꓟꓶ-ꓓꓰ ꓞꓳ ꓘꓹ ꓗꓪ ꓬꓰ ꓗꓷ ꓟ ꓥ ꓡꓳ=
ꓡꓲ-ꓢꓴ ꓘꓳꓼ ꓫꓵꓼ ꓚꓲꓸ ꓟꓶ ꓓꓴ ꓑꓮꓲ ꓒꓴ ꓪꓽ ꓘꓴ ꓙꓵꓹ ꓗꓪ ꓜꓲꓼ ꓡ ꓢꓴ ꓐꓴ ꓮ ꓙꓵꓽ ꓔꓯ ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴꓻ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓢꓲꓽ ꓒ ꓮ-ꓞꓲ ꓡꓰ ꓒꓴ ꓗꓹ ꓫꓸ ꓕꓱ ꓘꓶ ꓟ ꓥ ꓡꓳ= ꓝꓮꓲ ꓟꓸ ꓒ ꓐꓴ ꓡꓰ ꓡꓲ-ꓢꓴ ꓘꓳꓼ ꓫꓵꓼ ꓑꓮꓲ ꓒꓴ ꓟ ꓔꓯ ꓪꓽ ꓘꓴ ꓖꓶ ꓗꓷ ꓟ ꓥ ꓡꓳ=
ꓡꓲ-ꓢꓴ ꓘꓳꓼ ꓫꓵꓼ ꓚꓲꓸ ꓟꓶ ꓓꓴ ꓑꓮꓲꓽ ꓒꓴ ꓪꓽ ꓘꓴ ꓜꓲꓼ ꓓꓴ ꓔꓯ ꓬꓰ ꓓꓳ ꓡꓰ ꓠꓬ ꓡꓲ-ꓢꓴ ꓖꓪ ꓛꓰꓹ ꓛꓰꓹ ꓢꓲ ꓠꓬꓲ ꓗꓹ ꓛꓲ ꓛꓲ ꓑꓮꓲꓽ ꓗꓪ ꓐ ꓗꓷ ꓟ ꓥ ꓡꓳ=
ꓡꓲ-ꓢꓴ ꓘꓳꓼ ꓫꓵꓼ ꓑꓮꓲꓽ ꓔꓯ 2 ꓦ ꓟ 18 ꓠꓬꓲ ꓗꓪ ꓛꓲ ꓗꓹ ꓛꓲ ꓛꓲ ꓡꓰ ꓬꓰ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=
