ꓘꓴ ꓜꓲꓼ ꓞꓳ ꓚꓺ ꓟꓲꓽ (Church history)
ꓧꓪ. ꓧꓪ ꓠꓬꓲ. ꓠꓬꓲ ꓘꓴ ꓜꓲꓼ ꓞꓳ ꓚꓺ ꓟꓲꓽ ꓗꓪ ꓐꓰ ꓮꓓ (230) ꓘꓳꓼ ꓕꓯ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓬꓰ ꓗꓷ ꓢꓴ ꓳꓣꓲꓖꓰꓠ ꓚꓺ ꓟꓲꓽ ꓥ ꓡꓳ꓿ ꓬꓲ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓙꓵꓻ ꓠꓲ, ꓚꓱ, ꓗꓪ ꓮ ꓟꓬ, ꓛꓲ ꓬꓰ ꓙ ꓗꓷ ꓢꓴ ꓕꓲ ꓣꓳ ꓥ ꓡꓳ꓿ ꓮꓓ (200) ꓘꓳꓼ ꓕꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓒꓴ ꓔ ꓟ ꓟ. ꓒ ꓢꓳꓻ ꓦꓲꓻ ꓕꓲ ꓦꓲꓻ ꓙꓳ ꓟ ꓥ ꓡꓳ꓿
ꓕꓱ ꓢꓳꓻ ꓦꓲꓻ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓓꓽ ꓪꓴ. ꓒꓴ ꓗꓷ ꓟ ꓢꓳꓻ ꓦꓲꓻ ꓥ ꓡꓳ꓿ ꓕꓱ ꓢꓳꓻ ꓦꓲꓻ ꓗꓪ ꓐꓰ ꓘꓴ ꓜꓲꓼ ꓞꓳ ꓚꓺ ꓟꓲ꓾ ꓪꓴ‐ꓢ ꓐꓯ ꓘꓶꓽ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ, ꓢꓷ. ꓠꓲ, ꓮ ꓟꓬ, ꓫꓵꓽ ꓔꓯ ꓟ. ꓖꓶ ꓗꓷ ꓟ ꓥ ꓡꓳ꓿ ꓳꓣꓲꓖꓰꓠ ꓠꓬ ꓮꓓ (203‐2023) ꓘꓳꓼ ꓗꓪ ꓛꓲ ꓢꓳꓻ ꓦꓲꓻ ꓔꓯ ꓧꓳꓽ ꓪꓴ. ꓟꓴ ꓗꓷ ꓢꓴ ꓥ ꓡꓳ꓿
ꓳꓣꓲꓖꓰꓠ ꓠꓬ ꓟꓲ ꓠꓯ ꓢꓷ. ꓠꓲ, ꓕꓳ ꓶ ꓔꓯ ꓮ ꓘꓶ. ꓓ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ ꓞꓲꓼ ( 17) ꓘꓳꓼ ꓙꓳ ꓟ ꓙꓵ, ꓕꓯ ꓟꓲ ꓠꓯ ꓢꓷ. ꓠꓲ, ꓕꓳ ꓶ ꓔꓯ ꓠꓱ. ꓐꓯꓼ ꓢꓴ ꓔꓯ ꓟ. ꓖꓶ ꓗꓷ ꓟ ꓥ ꓡꓳ꓿ ꓝꓮꓲ ꓬꓲ ꓠꓬ ꓕꓳ ꓶ ꓮ ꓟꓬ, ꓐꓳ ꓢꓴ ꓕꓲ ꓣꓳ ꓟꓲ ꓥ ꓡꓳ꓿
ꓝꓮꓲ ꓬꓲ ꓡꓰ ꓐꓳ ꓔ ꓟ ꓕꓳ ꓶ ꓐꓷꓠ ꓗꓪ ꓐꓰ ꓢꓲꓺ ꓒ ꓡꓰ ꓟ. ꓔ ꓟ ꓪꓽ ꓘꓴ ꓔꓯ ꓬꓲ ꓟ. ꓟꓲꓽ ꓒꓶ ꓖꓶ ꓟ ꓕꓳ ꓶ ꓑꓷꓠ ꓠꓬ ꓮ ꓘꓶ. ꓛꓲ ꓟꓬꓱꓺ ꓓꓳꓽ ꓙꓳ ꓟ ꓥ ꓡꓳ꓿
ꓳꓣꓲꓖꓰꓠ ꓠꓬ ꓬꓲ ꓪ ꓔꓬ ꓟ ꓡꓳ ꓒꓱ ꓗꓪ ꓐꓰ ꓔꓲꓺ ꓒ ꓓꓽ ꓔꓯ ꓟꓽ ꓢꓷ. ꓢꓷ. ꓬꓲ ꓚꓲ. ꓛꓬ ꓔꓲꓺ ꓒ ꓓꓽ ꓙꓵꓽ ꓪ ꓘꓳ, ꓣꓴ ꓗꓷ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓬꓲ ꓠꓬ ꓫꓵꓽ ꓪꓴꓽ ꓙꓳ ꓡꓰ ꓟ ꓥ ꓡꓳ꓿ ꓳꓣꓲꓖꓰꓠ ꓠꓬ ꓠꓱ. ꓐꓯꓼ ꓡꓳ ꓒꓱ ꓗꓪ ꓙꓰ ꓢꓲ ꓠꓬꓲ ꓢꓲꓽ ꓫꓬ ꓕꓳ ꓶ ꓢꓳꓻ ꓦꓲꓻ ꓬꓲ ꓫꓵꓼ ꓔꓯ ꓒꓴ ꓗꓷ ꓟ ꓙꓵ, ꓕꓯ ꓟꓬꓱꓺ ꓓꓳꓽ ꓮ ꓟꓬ, ꓙꓳ ꓡꓰ ꓟ ꓥ ꓡꓳ꓿
ꓗꓴꓷꓼ ꓙꓵꓽ ꓢꓴ ꓢꓲꓽ ꓒ ꓐꓴ ꓡꓰ ꓬꓲ ꓔꓯ ꓣꓴ ꓢꓲ ꓠꓬꓲ ꓐꓬꓱ ꓓꓵ ꓗꓪ ꓐꓱ ꓗꓷ ꓥ ꓟꓲ ꓬꓲ ꓙꓵꓻ ꓠꓲ, ꓠꓬ ꓟꓽ ꓒꓳ, ꓬꓰ ꓟ ꓟꓲ ꓥ ꓡꓳ꓿ ꓝꓮꓲ ꓬꓲ ꓠꓬ ꓬꓲ ꓞꓲꓼ 62 ꓘꓳꓼ ꓕꓯ ꓢꓲꓺ ꓒ ꓠꓯ, ꓗꓪ ꓬꓲꓼ ꓟꓶ ꓡꓰꓳ꓿
