ꓔꓲꓺ ꓒ ꓓꓽ ꓙꓳꓧꓠ‐ꓡꓮ‐ꓢꓮꓟ ꓟꓯꓼ ꓘꓰ ꓟꓯꓼ ꓑꓬ ꓔꓬ ꓢꓴ ꓐꓴ ꓔꓶ. ꓗꓪ ꓙꓰ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓜꓲꓼ ꓗꓷ ꓟ ꓓꓳꓽ
2 ꓦ ꓟ 12 ꓠꓬꓲ 2026 ꓘꓳꓼ ꓕꓯ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓔꓲꓺ ꓒ ꓙꓵꓽ ꓔꓶ. ꓗꓪ ꓧꓳꓽ ꓪꓴ. ꓟꓴ ꓔꓬ ꓟ ꓔꓲꓺ ꓒ ꓓꓽ ꓙꓳꓧꓠ‐ꓡꓮ‐ꓢꓮꓟ ꓠꓬ ꓡꓴꓠꓖ‐ꓢꓧꓮꓠꓖ‐ꓬꓮꓠꓖ ꓔꓲꓺ ꓒ ꓙꓵꓽ ꓔꓶ. ꓗꓪ ꓙꓳ ꓟ ꓧꓑꓴꓠꓖ‐ꓠꓖꓮꓲ‐ꓬꓮꓠꓖ ꓟꓯꓼ ꓘꓰ ꓟꓯꓼ ꓑꓬ ꓐꓴ ꓔꓬ ꓔꓶ. ꓗꓪ ꓙꓰ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓜꓲꓼ ꓡꓯꓽ ꓘꓳ, ꓗꓷꓳ꓿
ꓟꓯꓼ ꓘꓰ ꓟꓯꓼ ꓑꓬ ꓐꓴ ꓔꓬ ꓔꓶ. ꓗꓪ ꓠꓬ ꓡꓴꓠꓖ‐ꓢꓧꓮꓠꓖ‐ꓬꓮꓪ ꓞꓳ ꓘ, ꓢꓴꓔ‐ꓑꓬꓲ‐ꓬꓮꓠꓖ ꓞꓳ ꓘ,ꓐꓴ ꓐꓰ ꓠꓱ. ꓐꓯ ꓞꓳ ꓘ, ꓮ ꓟꓬ, ꓗꓪ ꓐꓰ ꓙꓲ‐ꓢꓴ ꓢꓲꓺ ꓤ ꓮ ꓙꓵꓽ ꓠꓬ (250) ꓦꓲꓻ ꓔꓬ ꓢꓲ ꓠꓬꓲ (1366) ꓣꓳ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿
ꓝꓮꓲ ꓔꓲꓺ ꓒ ꓓꓽ ꓡꓯꓽ ꓒꓯ, ꓗꓪ ꓦꓻ ꓢꓯꓼ ꓧꓳꓽ ꓖꓶ ꓟ ꓢ‐ꓗ‐ꓟꓲ‐ꓔꓴ ꓔꓯ (40) ꓣꓳ ꓘꓳ, ꓣꓴ ꓟꓶ ꓡꓰꓳ ꓐꓰ ꓢꓷ. ꓪ ꓡꓳ꓿
