ꓟꓲ˗ꓚꓲ˗ꓠ ꓢ˗ꓢꓲ˗ꓠ ꓔꓲꓺ ꓒ ꓓꓽ ꓙꓳꓧꓠ˗ꓟꓴꓠꓖ˗ꓠꓖꓮꓪꓠ ꓡꓮ˗ꓢꓮꓟ ꓠꓬ ꓢ˗ꓑ˗ꓐꓳ ꓔꓲꓺ ꓒ ꓙꓵꓽ ꓔꓶ. ꓗꓪ ꓙꓲ˗ꓢꓴ ꓢꓲꓺ ꓤ ꓐꓴ ꓐꓰ ꓜꓲꓼ ꓗꓷ ꓟ ꓓꓳꓽ
2 ꓦ ꓟ 8 ꓠꓬꓲ 2026 ꓘꓳꓼ ꓢꓲꓺ ꓒ ꓦꓬꓼ ꓠꓬꓲ ꓕꓯ ꓟꓲ˗ꓚꓲ˗ꓠ ꓔꓲꓺ ꓒ ꓓꓽ ꓙꓳꓧꓠ˗ꓟꓴꓠꓖ˗ꓠꓖꓮꓪꓠ˗ꓡꓮ˗ꓢꓮꓟ ꓠꓬ ꓢ˗ꓑ˗ꓐꓳ ꓡꓳ ꓒꓱ ꓙꓲꓻ ꓫꓬ ꓢꓴ ꓑꓮꓔꓣꓲꓚꓗ ꓪꓽ ꓘꓴ ꓦꓲꓻ ꓗꓪ ꓫꓬꓹ ꓔ ꓟ ꓙꓲ˗ꓢꓴ ꓢꓲꓺ ꓤ ꓐꓴ ꓜꓲꓼ ꓦꓲꓻ ꓫꓵꓼ ꓔꓯ ꓶꓻ ꓥꓳꓽ ꓙꓱ ꓖꓶ ꓟ ꓑꓮꓲꓽ ꓗꓪ ꓬꓰ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓓꓽ ꓠꓬ ꓢꓲꓺ ꓒ ꓦꓬꓼ ꓠꓬꓲ ꓕꓯ ꓟꓲ˗ꓢ ꓔꓲ ꓖꓶ ꓪꓽ ꓘꓴ ꓙꓵ, ꓔꓯ ꓓꓽ ꓪꓴꓸ ꓬꓰ ꓗꓷ ꓢꓲ ꓠꓬꓲ ꓜꓲꓼ ꓦꓲꓻ ꓫꓵꓼ ꓔꓯ ꓶꓻ ꓥꓳꓽ ꓙꓱ ꓖꓶ ꓟ ꓔꓯ ꓙꓲ˗ꓢꓴ ꓢꓲꓺ ꓤ ꓐꓴ ꓮ ꓟꓬꓹ ꓐꓰ ꓕꓲ ꓪ ꓬꓰ ꓗꓷ ꓖꓶ ꓗꓷ ꓟ ꓥ ꓡꓳ꓿
ꓝꓮꓲ ꓟꓲ˗ꓢ ꓔꓲ ꓟ ꓪꓽ ꓘꓴ ꓙꓵ, ꓗꓪ ꓦꓻ ꓢꓯꓼ ꓧꓳꓽ ꓖꓶ_ ꓟ ꓢ˗ꓗ˗ꓟꓲ˗ꓔꓴ ꓔꓯ ꓥ ꓟꓲ ꓙꓲ˗ꓢꓴ ꓢꓲꓺ ꓤ (100) ꓣꓳ ꓔꓯ ꓖꓶ ꓗꓷ ꓟ ꓥ ꓡꓳ꓿ ꓝꓮꓲ ꓜꓲꓼ ꓦꓲꓻ ꓫꓵꓼ ꓔꓯ ꓶꓻ ꓥꓳꓽ ꓙꓱ ꓖꓶ ꓟ ꓑꓮꓲꓽ ꓔꓯ ꓥ ꓟꓲ ꓧꓪꓸ ꓧꓪ ꓐꓰ ꓬꓰ ꓓꓳ ꓡꓰ ꓐꓰ (ꓣꓦꓮ ꓗꓮꓚꓧꓲꓠ) ꓓꓳꓽ ꓗꓪ ꓐꓰ ꓢꓷꓸ ꓪ ꓡꓳ꓿
