ꓦꓲꓰꓔꓠꓮꓟ ꓗꓴꓷꓼ ꓗꓪ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓪꓴ‐ꓢ ꓟꓬꓱꓽ ꓟꓯ ꓢꓴ ꓔꓲꓺ ꓒ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓓꓳꓽ
2 ꓦ ꓟ 6 ꓠꓬꓲ 2026 ꓘꓳꓼ ꓕꓯ ꓦꓮꓔꓲꓚꓮꓠ ꓓꓳꓽ ꓫꓵꓽ ꓐꓯ ꓑꓶ ꓔꓲ. ꓗꓪ ꓦꓲꓰꓔꓠꓮꓟ ꓗꓴꓷꓼ ꓗꓪ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓐꓰ ꓪꓴ‐ꓢ ꓟꓬꓱꓽ ꓟꓯ ꓢꓴ ꓔꓲꓺ ꓒ꓾ ꓔꓲꓺ ꓟ ꓐꓴ ꓟꓬꓽ ꓡ ꓟ ꓔꓯ ꓢꓷ. ꓪ ꓡꓳ꓿ ꓦꓲꓰꓔꓠꓮꓟ ꓗꓴꓷꓼ ꓗꓪ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓮ ꓟꓬ, ꓙꓳ ꓡ ꓟ ꓔꓯ ꓡꓳ. ꓟꓳ ꓓ_ ꓡꓳ꓿
ꓮ ꓟꓶ ꓟ ꓙꓵ, ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓮ ꓙꓵꓽ ꓠꓬ (6000) ꓣꓳ ꓥ ꓢꓲ ꓠꓬꓲ ꓔꓲꓺ ꓒ ꓙꓵꓽ ꓔꓶ. (31000) ꓔꓶ. ꓙꓳ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ (7) ꓫꓬ, ꓣꓳ ꓙꓳ ꓟ ꓔꓯ ꓢꓷ. ꓪ ꓡꓳ ꓐꓰ ꓐꓯ ꓔ ꓡꓳ꓿
ꓝꓮꓲ ꓮ ꓟꓶ ꓟ ꓙꓵ, ꓗꓪ ꓴꓢꓮ ꓗꓴꓷꓼ ꓗꓪ ꓦꓲꓰꓔꓠꓮꓟ ꓞꓳ ꓫꓵꓽ ꓐꓴ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ꓾ ꓔꓲꓺ ꓟ ꓐꓴ ꓮ ꓟꓬ, ꓔꓬ ꓟ ꓥ ꓡꓳ꓿ ꓴꓢꓮ ꓕꓲ ꓗꓴꓷꓼ ꓡꓱꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓦꓲꓰꓔꓠꓮꓟ ꓔꓲꓺ ꓒ ꓮ ꓙꓵꓽ ꓠꓬ (400) ꓣꓳ ꓗꓪ ꓐꓰ ( (500) ꓣꓳ ꓙꓳ ꓡꓳ ꓐꓰ ꓢꓷ. ꓪ ꓡꓳ꓿
ꓦꓲꓰꓔꓠꓮꓟ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ꓾ ꓔꓲꓺ ꓟ ꓐꓴ ꓠꓬ ꓡꓳ ꓒꓱ ꓗꓪ ꓐꓰ ꓶꓻ ꓤ ꓗꓪ ꓔꓬ ꓟ ꓪꓽ ꓛꓲ ꓪ ꓐ ꓗꓪ ꓙꓰ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓕꓲ ꓪ ꓪꓴ‐ꓢ ꓟꓬꓱꓽ ꓬꓰ ꓟ ꓥ ꓡꓳ꓿
ꓦꓲꓰꓔꓠꓮꓟ ꓗꓴꓷꓼ ꓗꓪ ꓙꓳ ꓟ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓐꓴ ꓪꓴ‐ꓢ ꓟꓬꓱꓽ ꓔꓯ ꓮ ꓡꓰ ꓐꓰ ꓬꓰ ꓔꓬ ꓟ ꓔꓶꓻ ꓙꓱꓼ ꓠꓬ
(2025‐2026 ) ꓘꓳꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓙꓵꓽ ꓠꓬ ꓪꓴ‐ꓢ ꓟꓬꓱꓽ ꓟꓯ ꓬꓰ ꓢꓴ ꓐꓴ ꓒꓬꓱꓼ ꓡ ꓠ, ꓟ ꓥ ꓡꓳ꓿
(2026‐2027 )ꓘꓳꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓟ ꓔꓶ. ꓮ ꓙꓵꓽ ꓠꓬ ꓪꓴ‐ꓢ ꓟꓬꓱꓽ ꓬꓰ ꓔꓬ ꓟ ꓬꓲ ꓔꓶ. ꓒꓬꓱꓼ ꓡ ꓠ, ꓟ ꓥ ꓡꓳ꓿
(2027‐2028) ꓘꓳꓼ ꓗꓪ ꓠꓬ ꓦꓲꓰꓔꓠꓮꓟ ꓗꓴꓷꓼ ꓗꓪ ꓙꓳ ꓟ ꓘꓴ ꓜꓲꓼ ꓞꓳ ꓮ ꓙꓵꓽ ꓠꓬ ꓟꓲ ꓕꓯ ꓢꓲ ꓗꓪ ꓙꓰ ꓠ, ꓟ ꓐꓱ ꓶ ꓥ ꓡꓳ ꓐꓰ ꓢꓷ. ꓪ ꓡꓳ꓿
