ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓡꓰ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓔꓬ ꓟ ꓟꓬ‐ꓟ ꓗꓴꓷꓼ ꓐꓱ ꓶ ꓢꓲꓺ ꓒ ꓬꓰ‐ꓢꓴ ꓠꓬ ꓥꓳꓽ ꓡꓳ. ꓓꓴ ꓚꓬꓴ ꓢꓲꓺ ꓒ ꓥ ꓡꓳ ꓐꓰ ꓟ. ꓟꓲꓽ ꓚꓺ ꓗꓷ ꓟ ꓓꓳꓽ

1 ꓦ ꓟ 5 ꓠꓬꓲ 2026 ꓘꓳꓼ ꓠꓽ ꓡꓲ ꓠꓬꓲ ꓕꓯ ꓟꓬ‐ꓟ ꓗꓴꓷꓼ ꓚꓮꓣꓓꓲꓠꓮꓡ ꓚꓧꓮꓡꓰꓢ ꓐꓳ ꓡꓰ ꓬꓮꓠꓖꓳꓠꓰ ꓡꓳ ꓒꓱ ꓗꓪ ꓔꓲꓺ ꓒ ꓐꓴ ꓔꓲꓺ ꓟ ꓐꓴ ꓮ ꓟꓬ, ꓜꓲꓼ ꓟ ꓑꓮꓲꓽ ꓗꓪ ꓟ. ꓟꓲꓽ ꓚꓺ ꓗꓷ ꓟ ꓙꓵ, ꓕꓯ ꓮ ꓟꓶ ꓟ ꓙꓵ, ꓗꓪ ꓫ. ꓓꓴ ꓟꓷꓼ ꓓꓴ ꓔꓳ,ꓜꓳ ꓔꓬ ꓟ ꓟꓬ‐ꓟ ꓗꓴꓷꓼ ꓐꓱ ꓶ ꓚꓬꓴ ꓢꓲꓺ ꓒ ꓬꓰ‐ꓢꓴ ꓠꓬ ꓣꓳ ꓥꓳꓽ ꓡꓳ. ꓓꓴ ꓚꓬꓴ ꓢꓲꓺ ꓒ ꓥ ꓡꓳ ꓐꓰ ꓫ. ꓟꓲꓽ ꓚꓺ ꓗꓷ ꓟ ꓥ ꓡꓳ꓿

ꓗ‐ꓔꓳ‐ꓡꓲꓗ ꓬꓮꓠꓖꓳꓠꓰ ꓢ‐ꓢꓲ‐ꓠ ꓗꓪ ꓘꓴꓽ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓜꓴꓻ (24) ꓜꓴꓻ ꓗꓪ ꓐꓰ (186) ꓣꓳ ꓜꓲꓼ ꓗꓷ ꓢꓲ ꓠꓬꓲ ꓟꓲ‐ꓢ ꓔꓲ ꓟ ꓔꓯ ꓧꓪ. ꓧꓪ ꓐꓰ ꓬꓰ ꓓꓳ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓚꓮꓣꓓꓲꓠꓮꓡ ꓡꓰ ꓟ. ꓟꓲꓽ ꓚꓺ ꓗꓷ ꓟ ꓠꓬ ꓢꓲꓽ ꓫꓬ ꓕꓳ ꓶ ꓗꓪ ꓮ‐ꓐꓲ ꓬꓰ‐ꓢꓴ ꓔꓯ ꓢꓲꓽ ꓫꓬ ꓦꓲꓻ ꓪꓽ ꓘꓴ ꓦꓲꓻ ꓗꓪ ꓔꓶ. ꓚꓲ. ꓖꓶ ꓗꓷ ꓟ ꓔꓯꓺ ꓥꓳꓽ ꓔꓯꓺ ꓥꓳꓽ ꓗꓪ ꓐꓰ ꓐꓯ ꓗꓷ ꓟ ꓥ ꓡꓳ꓿ ꓮ‐ꓐꓲ ꓚꓬꓴ ꓢꓲꓺ ꓒ ꓬꓰ‐ꓢꓴ ꓠꓬ ꓙꓵꓽ ꓪ ꓟꓽ ꓙꓳ ꓙꓳ ꓪꓴ‐ꓢ ꓥ ꓟꓲ ꓫ. ꓓꓴ ꓟꓷꓼ ꓓꓴ ꓮ ꓟꓬ, ꓔꓳ, ꓜꓳ ꓢꓲ ꓠꓬꓲ ꓒꓬꓱ ꓟꓳ ꓗꓷ ꓥ ꓡꓳ꓿

ꓝꓮꓲ ꓬꓲ ꓠꓬ ꓮ ꓘꓶ. ꓫ. ꓢꓴ ꓦꓲꓻ ꓥ ꓟ ꓟ‐ꓡꓲ‐ꓬ ꓐꓰ ꓬꓳ‐ꓢꓷ ꓐꓴ ꓕꓲ ꓦꓲꓻ ꓗꓪ ꓒꓬꓱ ꓟꓳ ꓗꓷ ꓟ  ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓮ ꓟꓶ ꓟ ꓙꓵ, ꓗꓪ ꓟꓬ‐ꓟ ꓗꓴꓷꓼ ꓔꓳ, ꓜꓳ ꓫꓵꓽ ꓪꓴꓽ ꓮ ꓟꓬ, ꓠꓬ ꓥꓳꓽ ꓡꓳ ꓓꓴ ꓣꓱ ꓛꓰ ꓠꓬ ꓚꓬꓴ ꓢꓲꓺ ꓒ ꓬꓰ‐ꓢꓴ ꓥ ꓟ ꓚꓱ, ꓔꓯ ꓟ. ꓟꓲꓽ ꓚꓺ ꓗꓷꓳ꓿

ꓝꓮꓲ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓖꓶ ꓡ ꓟ ꓠꓬꓲ ꓟꓳ ꓓꓴ ꓗꓪ ꓐꓰ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓟ ꓔꓶ. ꓗꓪ ꓠꓬꓲ ꓟꓳ ꓓꓴ ꓡꓯꓻ ꓖꓶ  ꓠ, ꓟ ꓣꓳ ꓚꓵ, ꓟ ꓚꓱ, ꓔꓯ ꓟ. ꓟꓲꓽ ꓚꓺ ꓗꓷ ꓐꓰ ꓢꓷ. ꓪ ꓡꓳ꓿