ꓔꓲꓺ ꓒꓽ ꓓꓽ ꓑꓰꓔꓰꓣ ꓧꓡꓮ ꓠꓬ ꓔꓲꓺ ꓒ ꓓꓽ ꓙꓵꓽ ꓪ ꓟꓬꓱꓽ ꓗꓪ ꓐꓰ ꓠꓽ ꓢꓲ꓾ ꓑꓰꓗꓧꓳꓠ ꓢ‐ꓢꓲ‐ꓠ ꓐꓱ ꓶ ꓔꓲꓺ ꓒ ꓓꓽ ꓟꓬꓱꓽ ꓙꓵꓽ ꓢꓴ ꓔꓯ ꓙꓵꓽ ꓪ ꓡꓯ ꓙꓱ_ ꓟ꓾
ꓟꓬ‐ꓟ ꓗꓴꓷꓼ ꓑꓰꓗꓧꓳꓠ ꓗ‐ꓕꓳ‐ꓡꓲꓗ ꓢ‐ꓢꓲ‐ꓠ ꓔꓯ ꓙꓵꓽ ꓔꓬ ꓟ ꓔꓲꓺ ꓒꓽ ꓓꓽ ꓑꓰꓔꓰꓣ ꓧꓡꓮ ꓠꓬ ꓔꓲꓺ ꓒ ꓓꓽ ꓙꓵꓽ ꓪ ꓗꓪ ꓐꓰ ꓠꓽ ꓗꓷ ꓠ, ꓟ ꓔꓯ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓘꓳ, ꓣꓴ ꓗꓷ ꓟ ꓔꓯ ꓦꓮꓔꓲꓚꓮꓠ (The Holy See) ꓗꓪ ꓐꓰ 2026 ꓘꓳꓼ 2 ꓦ ꓟ 2 ꓠꓬꓲ ꓕꓯ ꓐꓯ ꓑꓶ ꓗꓷ ꓟ ꓥꓳ꓿
ꓔꓲꓺ ꓒ ꓓꓽ ꓑꓰꓔꓰꓣ ꓧꓡꓮ ꓙꓵꓽ ꓔꓶ. ꓗꓪ ꓔꓲꓺ ꓒ ꓓꓽ ꓝꓰꓡꓲꓚꓰ ꓐꓮ ꓧꓔꓳꓳ ꓡꓰ ꓝꓮꓲ ꓙꓵꓽ ꓓꓴ ꓥꓳ꓿ ꓬꓲ ꓠꓬ ꓢ‐ꓢꓲ‐ꓠ ꓘꓴꓽ ꓗꓪ ꓟꓬꓱꓽ ꓐꓴ ꓟꓬ ꓠꓬꓲ ꓪꓴꓽ ꓟꓴ ꓡ ꓠ, ꓟ ꓐꓱ ꓶ ꓑꓰꓗꓧꓳꓠ ꓢ‐ꓢꓲ‐ꓠ ꓟꓬꓱꓽ ꓙ ꓔꓲꓺ ꓒ ꓓꓽ ꓐꓰ ꓙꓵꓽ ꓡꓳ, ꓬꓰ ꓟ ꓥꓳ꓿
ꓔꓲꓺ ꓒ ꓓꓽ ꓝꓰꓡꓲꓚꓰ ꓐꓮ ꓧꓔꓳꓳ ꓔꓯ ꓑꓰꓗꓧꓳꓠ ꓢ‐ꓢꓲ‐ꓠ ꓗꓪ ꓟꓬꓱꓽ ꓙ ꓔꓲꓺ ꓒ ꓓꓽ ꓐꓰ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ 2024 ꓘꓳꓼ 3 ꓦ ꓟ 25 ꓠꓬꓲ ꓕꓯ ꓙꓵꓽ ꓪ ꓖꓶ ꓗꓷ ꓟ ꓥꓳ꓿
ꓔꓲꓺ ꓒ ꓓꓽ ꓙꓵꓽ ꓪ ꓘꓳ, ꓣꓴ ꓗꓷ ꓟ ꓠꓬ 2024 ꓘꓳꓼ 6 ꓦ ꓟ 29 ꓠꓬꓲ ꓕꓯ ꓑꓰꓗꓧꓳꓠ ꓢ‐ꓢꓲ‐ꓠ ꓗꓪ ꓔꓬ ꓟ ꓢꓮꓠꓔꓮ ꓟꓮꓣꓲꓮ ꓪꓽ ꓘꓴ ꓦꓲꓻ꓾ ꓔꓮꓴꓠꓖꓖꓬꓲ ꓔꓲꓺ ꓒꓽ ꓓꓽ ꓢ‐ꓢꓲ‐ꓠ ꓗꓪ ꓐꓰ ꓔꓲꓺ ꓒ ꓓꓽ ꓐꓮꓢꓲꓡꓲꓳ ꓮꓔꓧꓮꓲ ꓡꓯ ꓒꓯ, ꓗꓪ ꓐꓰ ꓔꓲꓺ ꓒ ꓓꓽ ꓙꓵꓽ ꓪ ꓔꓯ ꓘꓳ, ꓣꓴ ꓟꓶ ꓡꓰ ꓟ ꓥꓳ꓿
ꓕꓱ ꓡꓱ ꓧꓳꓽ ꓣꓱ ꓢꓴ ꓒꓳ, ꓡꓰ ꓟ ꓠꓬ ꓢ‐ꓢꓲ‐ꓠ ꓐꓱ ꓶ ꓙ ꓖꓶ ꓔ ꓟ ꓑ ꓡꓶ. ꓟ ꓕꓲ ꓟ ꓥ ꓢꓲ ꓟꓬꓱꓽ ꓬꓰ ꓙ ꓔꓲꓺ ꓒꓽ ꓓ ꓙꓵꓽ ꓪ ꓐꓰ ꓠꓬꓲꓽ ꓘꓳꓼ ꓛꓲ ꓟꓬꓱꓽ ꓙꓵꓽ ꓡꓳ. ꓬꓰ ꓢꓲ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓐꓰ ꓪꓽ ꓡꓯ ꓘꓳ ꓫꓱ, ꓡꓯ ꓘꓳ ꓢꓲ ꓢꓷ. ꓡꓰ ꓔꓬ ꓟ ꓔꓲꓺ ꓒ ꓓꓽ ꓝꓰꓡꓲꓚꓰ ꓐꓮ ꓧꓔꓳꓳ ꓠꓬ ꓮ ꓟꓶ ꓑꓰꓗꓧꓳꓠ ꓢ‐ꓢꓲ‐ꓠ ꓗꓪ ꓔꓲꓺ ꓒ ꓓꓽ ꓙꓵꓽ ꓪ ꓔꓯ ꓒ ꓐꓲ ꓙꓵꓽ ꓓꓴ ꓥ ꓡꓳ꓿
