ꓢꓲ ꓒ ꓠꓯꓸꓼ ꓗꓪ ꓠꓲ, ꓠꓵˍ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓠꓬꓲ. ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓰ ꓣꓳ ꓦ ꓢꓯꓼ ꓪ ꓣꓴ ꓓꓴ ꓬꓰ ꓡꓯ꓿ ꓠꓬꓲ. ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓠꓬ ꓟ‐ꓘꓳ 5ꓽ21‐43 ꓥ ꓡꓳ꓿ ꓢꓲꓽ ꓫꓬ ꓕꓳꓽ ꓶ ꓗꓪ ꓞꓲꓺ ꓠꓬꓲꓽ ꓘꓳꓼ ꓫꓵꓽ ꓜꓲ ꓓꓳ ꓠꓻ ꓙꓳ ꓢꓴ ꓤ ꓟꓶ ꓤ ꓠꓬ ꓮ ꓟꓬꓹ ꓘꓳꓼ ꓛꓲꓺ ꓠꓻ ꓫꓬꓹ ꓗꓷˍ ꓟꓲ ꓒꓴ ꓖꓴ ꓢꓲ ꓡ ꓞꓳ ꓪꓴꓽ ꓧꓶˍ ꓟ ꓚꓳꓸ ꓗꓳꓸ ꓙꓰ ꓠꓬ ꓬꓲ ꓠꓻ ꓠꓽ ꓟꓽ ꓓ ꓡꓰ= ꓫꓬꓹ ꓓꓻ ꓡꓰˍ ꓟ ꓠꓯꓻ ꓞꓲꓼ ꓟꓽ ꓙꓳ ꓟ ꓠꓬ ꓠꓲꓹ ꓟ ꓙꓬ ꓡꓰ ꓓꓴ ꓕꓲ ꓫꓵꓽ ꓥ ꓡꓳ=
ꓢꓲꓺ ꓒ ꓬꓰ-ꓢꓴ ꓬꓲ ꓓꓵꓽ ꓙ ꓟꓶ ꓓꓴ ꓬꓰˍ ꓟ ꓔꓯ ꓑ ꓙ ꓡꓰ ꓢꓲ ꓙꓵꓻ ꓡ ꓕꓯ ꓢꓲꓺ ꓒ ꓬꓲ ꓠꓻ ꓫꓬꓹ ꓖꓶˍ ꓟ ꓣꓱꓽ ꓛꓰꓽ ꓔꓯ ꓥꓳ ꓡꓳꓸ ꓢꓲ ꓡꓳꓸ ꓠꓬꓹ ꓔꓬ ꓗꓷꓳ= ꓢꓲꓺ ꓒ ꓔꓬ ꓗꓪ ꓠꓻ ꓫꓬꓹ ꓪ ꓡꓰ ꓠꓹ ꓟ ꓦꓴꓻ ꓠꓬꓹ ꓗꓷꓳ= ꓠꓻ ꓢꓴ ꓮ ꓟꓬꓹ ꓠꓬ ꓬꓰ-ꓢꓴ ꓔꓯ ꓕꓲꓺ ꓪ ꓡꓰ ꓠꓹ ꓟ ꓑꓵ ꓔꓬ ꓖꓴˍ ꓕꓯ ꓤ ꓟꓶ ꓤ ꓕꓱ ꓕꓲ ꓣꓳ ꓐꓱ ꓶ ꓞꓳ ꓜꓴ ꓓꓽ ꓟ ꓔꓯ ꓗꓳꓸ ꓙꓰ ꓢꓲ ꓬꓰ-ꓢꓴ ꓔꓬ ꓗꓪ ꓛꓲ ꓬꓰ ꓠꓹ ꓟ ꓤ ꓟꓶ ꓤ ꓥ ꓟ ꓬꓲ ꓐꓱ ꓶ ꓮ ꓘꓶꓸ ꓫꓸ ꓟ ꓥ ꓡꓳ= ꓬꓲ ꓓꓽ ꓟ ꓙꓵꓻ ꓢꓲ ꓥꓳ ꓡꓳꓸ ꓔ ꓟ ꓠꓬ ꓬꓰ ꓫꓸ ꓓꓴ ꓮ ꓙꓵꓽ ꓔꓯ ꓧꓪꓸ ꓡꓰ ꓐ ꓡ ꓗꓷꓳ=
ꓪꓴꓽ ꓓꓰˍ ꓟ ꓙꓵꓻ ꓠꓲ,꓾ ꓥꓳ ꓡꓳ. ꓠꓲ, ꓠꓬ ꓫ. ꓙꓵ ꓟꓶ ꓙꓵ ꓢꓴ ꓮ ꓙꓵꓽ ꓔꓯ ꓗꓳ. ꓘꓳ ꓙꓰ ꓐ ꓡˍ ꓡꓳ꓿ ꓣꓳ ꓥˍ ꓟꓲ ꓢꓲ ꓒ ꓬꓲ ꓪꓽ ꓠꓬꓲˍ ꓟ ꓔꓯ ꓘꓳ ꓣꓴ ꓟꓶ ꓠ, ꓟ ꓐꓱ ꓶ ꓢꓲ ꓒ ꓔꓯ ꓟꓬꓽ ꓠꓬꓲ ꓠꓶꓽ ꓙꓰ ꓢꓲ ꓣꓱꓽ ꓬꓯꓼ ꓣꓱꓽ ꓞ, ꓟ ꓣꓱꓽ ꓛꓰꓽ ꓔꓯ ꓙꓵꓻ ꓠꓲ, ꓗꓪ ꓐꓰ ꓶꓼ ꓓꓰꓽ ꓓꓴ ꓬꓰ ꓡꓯ꓿
