ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓚꓳꓠꓖꓳ ꓗꓴꓷꓼ ꓗꓪ ꓡ ꓞꓳ (200) ꓣꓳ ꓫꓵꓻ ꓡꓰ ꓢꓴ ꓐꓴ ꓦꓻ ꓐꓱ ꓶ ꓪꓽ ꓘꓴ ꓙ ꓖꓶ ꓗꓷ ꓟ ꓓꓳꓽ

2 ꓦ ꓟ 1 ꓠꓬꓲ 2026 ꓘꓳꓼ ꓕꓯ ꓚꓳꓠꓖꓳ ꓗꓴꓷꓼ ꓗꓪ ꓫꓵꓺ ꓚꓴꓸ ꓢꓴ ꓐꓴ (200) ꓣꓳ ꓠꓬ ꓟꓲ ꓠꓯ ꓘꓴꓽ ꓗꓪ ꓫꓵꓻ ꓡꓰ ꓟ ꓪꓴꓸ ꓠꓬꓲ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓫꓵꓻ ꓡꓰ ꓢꓴ ꓐꓴ ꓦꓻ ꓐꓱ ꓶ ꓪꓽ ꓘꓴ ꓙ ꓖꓶ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓚꓳꓠꓖꓳ ꓗꓴꓷꓼ ꓫꓵꓺ ꓚꓴꓸ ꓔꓶꓸ ꓟꓲ ꓠꓯ ꓘꓴꓽ ꓗꓪ ꓫꓵꓻ ꓡꓰ ꓢꓴ ꓐꓴ ꓔꓯ ꓟꓲ ꓠꓯ ꓡ ꓞꓳ ꓕꓲ ꓣꓳ ꓪꓽ ꓙꓵꓽ ꓪ ꓔꓯ ꓙꓳ ꓟ ꓐꓰ ꓜꓰ ꓤ ꓟ ꓦꓲꓻ ꓘꓴꓽ ꓢꓴ ꓐꓴ ꓐꓱ ꓶ ꓬꓰ ꓙ ꓔꓳꓹ ꓙ ꓠꓹ ꓟ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓔꓲꓺ ꓒ ꓪ ꓔꓲ ꓡꓰ ꓫꓸ ꓕꓱ ꓔ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ Portugal ꓗꓴꓷꓼ ꓐꓰ ꓲꓔꓮꓡꓬ ꓗꓴꓷꓼ ꓗꓪ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶ. ꓓꓴ ꓫꓵꓻ ꓡꓰ ꓢꓴ ꓐꓴ ꓐꓰ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓔꓬ ꓢꓴ ꓐꓴ ꓮ ꓙꓵꓽ ꓐꓱ ꓶ ꓪꓽ ꓘꓴ ꓙ ꓖꓶ ꓗꓷ ꓟ ꓥ ꓡꓳ꓿

ꓚꓳꓠꓖꓳ ꓗꓴꓷꓼ ꓠꓬ ꓟꓲ ꓠꓯ ꓗꓪ ꓮ ꓘꓶ. ꓛꓲ ꓫ. ꓢꓴ ꓗꓴꓷꓼ ꓥ ꓟ ꓪꓴ. ꓠꓬꓲ ꓜꓽ ꓓꓴ ꓓꓳ ꓓꓴ ꓬꓰ ꓙ ꓔꓳ, ꓙ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓓꓰꓽ ꓗꓷ ꓟ ꓥ ꓡꓳ ꓐꓰ (Vatican ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿