ꓪꓴ‐ꓢ ꓬꓲ. ꓙꓵ, ꓔꓯ ꓥꓳ ꓡꓳ. ꓢꓲ꓾ ꓙꓵꓻ ꓠ, ꓟ꓾
ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓮꓠꓖꓰꓡꓴꓢ ꓪꓽ ꓘꓴ ꓙꓵ, ꓗꓪ ꓢꓲ ꓒ ꓬꓰ‐ꓢꓴ ꓠꓬ ꓬꓲ ꓢ‐ꓢꓲ‐ꓠ ꓟꓬꓱꓽ ꓔꓯ ꓬꓳ‐ꓦ ꓔꓯ ꓣꓴ ꓔꓯ, ꓗꓷ ꓟ ꓙꓵ, “ꓠꓯꓻ ꓞꓲ, ꓟ ꓬꓲ. ꓙꓵ,” ꓗꓪ ꓪꓴ. ꓔꓴ ꓗꓷ ꓟ ꓥ ꓡꓳ꓾ ꓐꓰ ꓔꓱ, ꓕ ꓖꓶ ꓢꓲ ꓠꓬꓲ ꓙꓲ ꓢꓴ ꓢꓲ ꓤ ꓐꓴ ꓠꓯꓼ ꓗꓪ ꓔꓳ, ꓜꓳ ꓡ ꓟ ꓙꓳꓺ ꓠꓲ,꓾ ꓢꓲ ꓡꓲ, ꓐꓰ ꓟꓽ ꓔꓬ ꓟ ꓚꓱ, ꓗꓪ ꓐꓰ ꓣꓳ. ꓚꓵ_ ꓟ ꓓꓵꓽ ꓙ ꓞꓷ, ꓓꓴ ꓔꓯ ꓬꓰ_ ꓕꓯ ꓕꓶꓻ ꓕꓶꓻ ꓐꓰ ꓟꓽ ꓠꓽ ꓠ, ꓟ꓾ ꓪꓴ‐ꓢ ꓬꓲ. ꓙꓵ, ꓔꓯ ꓙꓵꓻ ꓠ, ꓟ ꓢꓷ. ꓠ, ꓟ꓾ ꓚꓲ ꓛꓬ ꓬꓲ. ꓚꓱ, ꓗꓼ ꓟꓽ ꓗꓷ ꓢꓲ ꓐꓰ ꓓꓵꓽ ꓙ ꓟ ꓙꓵ, ꓟꓽ ꓥ ꓠꓬ ꓫ. ꓓꓴ ꓔꓳ, ꓜꓳ ꓔꓬ ꓟ ꓙꓵ, ꓗꓪ ꓥ ꓟꓲ ꓪꓴ‐ꓢ ꓠꓬ ꓮ ꓕꓯ ꓟꓲ ꓟꓬꓱꓽ ꓬꓰ ꓔꓬ ꓟ ꓔꓯ ꓢꓷ. ꓠ ꓗ, ꓡꓳ꓿
ꓙꓵꓻ ꓠꓲ, ꓐꓰ ꓢꓯꓼ ꓙꓳ ꓠ, ꓟ꓾ ꓮ ꓘꓶ. ꓙ ꓟꓳ ꓢꓲ ꓔꓬ ꓠ, ꓟ ꓓꓰ ꓢ ꓫ. ꓓꓴ ꓘꓶ ꓡꓶꓽ ꓓꓴ ꓗꓪ ꓐꓰ ꓢꓯꓼ ꓕꓵꓽ ꓢꓲ꓾ ꓢꓯꓼ ꓙꓳ ꓟ ꓙꓵꓻ ꓠꓲ, ꓒꓳ, ꓡꓶ. ꓓꓴ ꓬꓰ ꓡꓯ꓿ ꓢꓲ ꓒ ꓬꓰ‐ꓢꓴ ꓠꓬ ꓬꓲ ꓢ‐ꓢꓲ‐ꓠ ꓔꓯ ꓡꓲꓽ ꓒꓰꓼ ꓚꓱ, ꓐꓰ ꓙꓵꓻ ꓠꓲ, ꓚꓱ, ꓟꓬ, ꓟ ꓖ‐ꓡꓲ‐ꓡꓲ ꓗꓪ ꓐꓰ ꓪꓴ. ꓔꓴ ꓡ ꓟ ꓠꓬ ꓘꓴ ꓜꓲꓼ ꓞꓳ ꓢ‐ꓢꓲ‐ꓠ ꓗꓪ ꓠꓬ ꓞꓳ ꓫꓵ ꓞꓳ ꓙꓰ ꓮ ꓙꓵ ꓐꓱ ꓶ ꓥ ꓟ ꓔꓯ ꓟ. ꓖꓶ_ ꓟ ꓥꓳ꓿
ꓒꓯꓽ ꓖꓶ_ ꓟ ꓟꓽ ꓙꓳ꓾ ꓪꓴ‐ꓢ ꓠꓬ “ꓢꓲ ꓫꓬ ꓢꓴ ꓐꓴ” ꓡꓰ ꓟꓽ ꓞꓲ ꓞꓳ ꓫꓵ ꓞꓳ ꓙꓰ꓾ ꓦ ꓡꓱ ꓚꓱ, ꓮ ꓙꓵ ꓐꓰ ꓡ ꓞꓳ ꓮ ꓙꓵ ꓐꓰ ꓠꓶꓽ ꓞ, ꓢꓲ ꓕꓲ ꓪ ꓔꓬ ꓟ ꓔꓯ ꓟ. ꓖꓶ_ ꓡꓳ꓿ ꓪꓴ‐ꓢ ꓐꓯ ꓘꓶꓽ ꓠꓬ ꓗꓽ ꓔ ꓟ ꓟꓵꓽ ꓟꓽ ꓥ ꓠꓬ ꓞꓳ ꓫꓵ ꓕꓲꓽ ꓟ ꓐꓱ ꓶ ꓡꓰ ꓟꓽ ꓥ ꓟꓲ ꓠꓯ ꓡ ꓞꓳ ꓞꓳ ꓫꓵ ꓞꓳ ꓙꓰ ꓮ ꓙꓵ ꓐꓱ ꓶ ꓥ ꓡꓳ꓿
ꓙꓲ ꓢꓴ ꓢꓲ ꓤ ꓐꓴ ꓗꓪ ꓐꓰ ꓥ ꓟꓲ ꓟꓲ ꓠꓯ ꓗꓪ ꓐꓰ ꓶꓽ ꓡꓰ ꓟ꓾ꓟꓽ ꓥ ꓠꓬ ꓚꓲ. ꓛꓬ ꓚꓳ ꓡꓳ ꓗꓪ ꓡꓰ ꓔꓬ ꓟ ꓔꓯ ꓟꓽ ꓬꓰ ꓠ, ꓟ ꓢꓯꓼ ꓖꓶ ꓔ ꓡꓳ꓿ ꓪꓴ‐ꓢ ꓐꓯ ꓘꓶꓽ ꓶꓼ ꓓꓳ ꓫꓱ, ꓓꓳ ꓔꓯ ꓘꓶ ꓡꓶꓽ ꓓꓴ ꓮ ꓟꓬ ꓐꓰ ꓐꓲ ꓞ, ꓔꓬ ꓟ ꓬꓲ. ꓙꓵ, ꓮ ꓙꓵ ꓠꓯꓼ ꓗꓪ ꓛꓳ ꓫꓱꓽ ꓢꓲ ꓚꓺ ꓒꓬꓱꓽ ꓠ, ꓟ ꓥ ꓡꓳ꓿ ꓙꓵꓻ ꓠꓲ, ꓠꓬ ꓟꓽ ꓫꓱ,_ ꓟ ꓡꓲꓽ ꓒꓰꓼ ꓐꓰ ꓙꓵꓻ ꓠꓲ, ꓠꓯꓼ ꓗꓪ ꓢꓲ ꓡꓲ, ꓟ ꓐꓰ ꓬꓲꓼ ꓠꓬꓲ ꓤ ꓠꓲ, ꓟ ꓗꓷ ꓡꓰ ꓝꓲ_ ꓟ ꓠꓯꓺ ꓞꓲꓼ ꓡꓰ ꓐꓰ ꓗꓷ ꓡꓰ ꓠ, ꓟ ꓥꓳ꓿
ꓓꓽ ꓪꓴ. ꓠꓬ ꓝꓲ ꓓꓴ ꓐꓴ ꓡꓰ ꓐꓰ ꓢꓯꓼ ꓕꓵꓼ ꓛꓳ ꓫꓱꓽ ꓠ, ꓟ ꓢꓯꓼ ꓖꓶ ꓢꓲ ꓬꓲ. ꓟꓶꓽ ꓢꓰꓼ ꓗꓷ ꓟ ꓥ ꓡꓳ꓿ ꓪꓴ‐ꓢ ꓘꓴ ꓔ ꓟ ꓔꓯ ꓠꓲ, ꓡꓱ ꓡꓱ ꓐꓰ ꓘꓳ, ꓣꓴ ꓓꓴ ꓬꓰ ꓡꓯ꓿ ꓚꓲ. ꓛꓬ ꓤꓶꓻ ꓕꓲ ꓙꓵ, ꓡꓲ ꓕꓲ ꓙꓵ,꓾ ꓕꓲ ꓔꓶ. ꓡꓲ ꓕꓲ ꓔꓶ. ꓗꓪ ꓪꓴ‐ꓢ ꓠꓵꓻ ꓠꓲ, ꓐꓰ ꓫꓱ. ꓤ ꓠꓲ, ꓠꓬ ꓮ ꓕꓯ ꓟꓲ ꓔꓬ ꓡꓳ ꓐꓰ ꓐꓯ_ ꓟ ꓙꓵꓻ ꓠꓲ, ꓐꓰ ꓢꓯ. ꓔꓬ ꓓꓴ ꓬꓰ ꓡꓯ꓿
