ꓞꓳ ꓤ ꓦ ꓠꓬ ꓕꓲꓽ ꓞꓲꓼ ꓫꓵꓻ ꓟꓽ ꓓ ꓐꓰ ꓐꓯ ꓔꓬ ꓥ ꓟꓲ ꓫꓵꓻ ꓔꓬ ꓟ ꓦ ꓡꓰ ꓐꓰ ꓗꓷ ꓡꓰ ꓗꓴ._ ꓡꓳ꓾
ꓞꓳ ꓤ ꓕꓲꓽ ꓣꓳ ꓫꓵꓻ ꓡꓳ ꓐꓯ ꓕꓯ ꓠꓬ ꓞꓳ ꓤ ꓧꓪꓽ ꓖꓳ ꓓꓱ ꓗꓪ ꓐꓰ ꓦ ꓠꓬ ꓧ, ꓙꓰ ꓟ ꓔꓯ ꓐꓯ_ ꓟ ꓥ ꓡꓳ꓿ ꓧꓪ ꓖꓳ ꓓꓱ ꓗꓪ ꓐꓰ ꓦ ꓟꓽ ꓙꓳ ꓕꓯ ꓠꓽ ꓧꓪ ꓖꓳ ꓓꓱ ꓖꓳ ꓟ ꓠꓬ ꓫꓵꓻ ꓘꓪ ꓡꓰ ꓟ ꓥꓳ꓾ ꓡ ꓞꓳ ꓕꓲꓽ ꓣꓳ ꓫꓵꓻ ꓠꓬ ꓬꓲ ꓧꓪ ꓖꓳ ꓓꓱ ꓗꓪ ꓐꓰ ꓦ ꓐꓰ ꓶꓻ ꓡꓰ ꓟ ꓔꓯ ꓐꓯ_ ꓟ ꓥ ꓡꓳ꓿ ꓕꓱ ꓟ ꓕꓲ ꓡꓲ, ꓥꓳ꓾ ꓣꓳ ꓦ ꓥ ꓟꓲ ꓫꓵꓻ ꓘꓪ ꓡꓰ ꓓ_ ꓟ ꓡꓰ ꓐꓰ ꓫꓵꓻ ꓓ_ ꓟ ꓦ ꓡꓰ ꓐꓰ ꓗꓷ ꓡꓰ_ ꓡꓳ꓾ꓮ ꓕꓯ ꓗꓷ ꓡꓰ_ ꓡ ꓐꓯ ꓠꓬ꓾ ꓪꓴ‐ꓢ ꓐꓰ ꓶꓻ ꓞ ꓗꓷ ꓡꓰ_ ꓟ ꓦ ꓔꓯ ꓐꓯ_ ꓟ ꓥ ꓡꓳ꓿ ꓢꓯꓼ ꓟꓬ ꓢꓲ ꓒꓽ ꓥ ꓟ ꓪꓴ‐ꓢ ꓐꓰ ꓶꓻ ꓞ ꓗꓷ ꓡꓰ ꓠꓬ ꓖꓳ ꓦ ꓠꓬ ꓫꓵꓻ ꓓ_ ꓟ ꓦ ꓡꓰ ꓐꓰ ꓗꓷ ꓡꓰ_ ꓥꓳ꓿
ꓮ ꓫꓵ ꓟꓲ ꓣꓱ ꓬꓰ ꓟꓽ ꓐ ꓡ꓾ ꓫꓵꓻ ꓓ_ ꓟ ꓧꓪ ꓖꓳ ꓓꓱ ꓠꓬ ꓡ ꓞꓳ ꓫꓵꓻ ꓘꓪ ꓡꓰ ꓠꓬ ꓖꓳ ꓫꓵꓻ ꓓ_ ꓟ ꓧꓪ ꓖꓳ ꓓꓱ ꓫꓵꓻ ꓟꓳ ꓠꓬ ꓮ ꓫꓵ ꓟꓲ ꓣꓱ ꓬꓰ ꓟꓽ ꓐ ꓡ꓾ ꓮ ꓫꓵ ꓟꓲ ꓫ. ꓕꓱ ꓟꓽ ꓐ ꓡ꓾ ꓖꓳ ꓟ ꓕꓲ ꓡꓲ, ꓥꓳ꓾ ꓫꓵꓻ ꓓ_ ꓟ ꓡꓰ ꓐꓰ ꓗꓷ ꓟ ꓦ ꓠꓬ ꓖꓳ ꓦ ꓠꓬ ꓮ ꓫꓵ ꓟꓲ ꓣꓱ ꓬꓰ ꓟꓽ ꓐ ꓡ꓾ ꓢꓯꓼ ꓐ_ ꓟ ꓥꓳ꓿ ꓝꓴꓲ ꓠꓯꓼ ꓗꓪ ꓮ ꓕꓯ ꓥ ꓟꓲ ꓢ ꓓꓯꓼ ꓡꓯ ꓒꓯ, ꓠꓯꓼ ꓗꓪ ꓓ_ ꓟ ꓥꓳ꓾ ꓬꓲ ꓠꓬ ꓢ‐ꓓꓯ ꓡꓯ ꓒꓯ, ꓝꓴꓲ ꓠꓯꓼ ꓗꓪ ꓡꓲ, ꓗꓷ ꓟꓽ ꓐ ꓡ ꓟ ꓦ ꓡꓰ ꓐꓰ ꓮ ꓫꓵ ꓟꓲ ꓣꓱꓽ ꓬꓰ ꓟꓽ ꓐ ꓡ ꓳ꓾ ꓮ ꓫꓵ ꓑꓶ ꓓꓴ ꓥ ꓡ ꓐꓯ ꓠꓬ ꓝꓴꓲ ꓔꓯ ꓡꓲ, ꓗꓷ ꓐ ꓡ ꓢꓴ ꓢꓯꓼ ꓟꓬ ꓖꓶ ꓐ ꓡ ꓢꓴ ꓮ ꓫꓵ ꓟꓲ ꓣꓱ ꓬꓰ ꓐ ꓡ ꓝꓲ ꓢꓴ ꓪꓴ‐ꓢ ꓐꓰ ꓬꓲ ꓠꓬ ꓶꓻ ꓞ ꓗꓷ ꓡꓰ ꓟ ꓑꓶ ꓓꓴ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓫꓵꓻ ꓓ_ ꓟ ꓡꓰ ꓐꓰ ꓗꓷ ꓟ ꓦ ꓠꓬ ꓮ ꓫꓵ ꓟꓲ ꓣꓱꓽ ꓐ ꓡꓰ ꓟ ꓪꓴ‐ꓢ ꓐꓰ ꓶꓻ ꓞ ꓗꓷ ꓡꓰ ꓟ ꓦ ꓔꓯ ꓐꓯ_ ꓟ ꓥ ꓡꓳ꓿
ꓖꓳ ꓟ ꓑꓶ ꓓꓴ ꓣꓳ ꓠꓬ ꓫꓵꓻ ꓓ_ ꓟ ꓦ ꓡꓰ ꓐꓰ ꓟꓽ ꓗꓷ ꓡꓰ ꓠ, ꓟ ꓠꓬ ꓮ ꓫꓵ ꓟꓲ ꓣꓱꓽ ꓐ ꓡ ꓟ ꓢꓯꓼ ꓟꓬ ꓢꓲ ꓒꓽ ꓥ ꓟ ꓝꓴꓲ ꓗꓪ ꓐꓰ ꓡꓲ, ꓗꓷ ꓐ ꓡ ꓟ꓾ ꓣꓳ ꓔꓯ ꓮ ꓫꓵ ꓟꓲ ꓣꓱꓽ ꓐ ꓡ ꓟ꓾ ꓪꓴ‐ꓢ ꓐꓰ ꓣꓳ ꓔꓬ ꓟ ꓦ ꓖꓳ ꓟ ꓔꓯ ꓣꓳ ꓐꓯ_ ꓟ ꓥ ꓡꓳ꓿ ꓖꓳ ꓟ ꓑꓶ ꓓꓴ ꓢꓯꓼ ꓪ ꓙꓳ_ ꓟ ꓦ ꓠꓬ ꓢꓯꓼ ꓟꓬ ꓙꓳ_ ꓟ ꓦ ꓠꓬ ꓫ. ꓔꓬ ꓟ ꓦ ꓠꓬ ꓪꓴ‐ꓢ ꓠꓯꓼ ꓗꓪ ꓥꓳ꓾ ꓪꓴ‐ꓢ ꓠꓯꓼ ꓗꓪ ꓟꓽ ꓥ ꓠꓬ ꓦ ꓮ ꓙꓵ ꓠꓬ ꓡꓲ, ꓗꓷ ꓟꓽ ꓐ ꓡ ꓟ ꓫꓵꓻ ꓓ_ ꓟ ꓦ ꓡꓰ ꓐꓰ ꓕꓲꓽ ꓡꓲ, ꓥꓳ꓿ ꓖꓳ ꓟ ꓑꓶ ꓓꓴ ꓣꓳ ꓮ ꓙꓵ ꓙ ꓜꓲꓼ ꓠ ꓗ, ꓟ ꓠꓬ ꓣꓳ ꓦ ꓠꓬ ꓪꓴ‐ꓢ ꓐꓰ ꓶꓻ ꓞ ꓗꓷ ꓡꓰ ꓟꓽ ꓗꓷ ꓡꓰ꓾ ꓝꓴꓲ ꓠꓯꓼ ꓗꓪ ꓡꓰ ꓣꓳ ꓓ_ ꓟ ꓥ ꓡ꓾ ꓕꓱ ꓡꓱ ꓥꓳ ꓐꓯ ꓠꓬ ꓣꓳ ꓦ ꓠꓬ ꓫꓵꓻ ꓓ_ ꓟ ꓦ ꓡꓰ ꓐꓰ ꓮ ꓫꓵ ꓣꓱꓽ ꓬꓰ ꓟꓽ ꓐ ꓡ ꓟ ꓡꓰ ꓐꓰ ꓗꓷ ꓡꓰ_ ꓥꓳ꓿ ꓖꓳ ꓡꓱ ꓐꓯ ꓥ ꓟꓲ ꓐ, ꓐ ꓪꓴ‐ꓢ ꓔꓬ ꓗꓪ ꓡ ꓥꓳ ꓐꓯ ꓠꓬ ꓮ ꓫꓵ ꓟꓲ ꓣꓱꓽ ꓬꓰ ꓐ ꓡ ꓟ ꓥꓳ꓿
ꓔꓯ ꓥꓳꓽ ꓕꓲ ꓟ ꓐꓯ ꓠꓬ꓾ ꓥꓪ. ꓠꓬ ꓬꓲꓻ ꓙꓬ ꓔꓯ ꓮ ꓘꓶ. ꓣꓱꓽ ꓞ, ꓡꓳ꓾ ꓬꓲꓻ ꓙꓬ ꓠꓬ ꓥꓪ. ꓔꓯ ꓣꓱꓽ ꓟꓽ ꓞ꓾ ꓖꓳ ꓟ ꓡꓰ ꓐꓰ ꓥꓳ꓾ ꓐ, ꓐ ꓪꓴ‐ꓢ ꓠꓬ ꓣꓳ ꓟꓽ ꓙꓳ ꓥ ꓟꓲ ꓮ ꓫꓵ ꓟꓽ ꓞ ꓡꓰ꓾ ꓖꓳ ꓡꓱ ꓐꓯ ꓥ ꓟꓲ ꓣꓳ ꓦ ꓠꓬ ꓐ, ꓐ ꓪꓴ‐ꓢ ꓟꓽ ꓙꓳ ꓟꓽ ꓓ꓾ ꓥꓪ. ꓠꓬ ꓬꓲꓻ ꓙꓬ ꓟꓽ ꓙꓳ ꓟꓽ ꓓ ꓟ ꓡꓰ ꓐꓰ ꓣꓳ ꓦ ꓠꓬ ꓪꓴ‐ꓢ ꓟꓽ ꓙꓳ ꓠꓬ ꓟꓽ ꓓ꓾ ꓖꓳ ꓟ ꓑꓶ ꓓꓴ ꓣꓳ ꓮ ꓙꓵ ꓮ ꓫꓵ ꓟꓲ ꓣꓱꓽ ꓬꓰ ꓐ ꓡ ꓖꓶ_ ꓟ ꓪꓴ‐ꓢ ꓤꓶꓻ ꓠꓯꓼ ꓗꓪ ꓣꓳ ꓓꓵꓽ ꓡꓰ_ ꓥꓳ ꓐꓯ ꓠꓬ ꓣꓳ ꓦ ꓠꓬ ꓢꓯ. ꓔꓬ ꓟ ꓥꓳ꓾ ꓕꓱ ꓡꓱ ꓟꓽ ꓥ ꓠꓬ ꓣꓳ ꓚꓲ ꓛꓬ ꓠꓲ, ꓡꓶꓽ ꓗꓪ ꓐꓰ ꓪꓴ‐ꓢ ꓐꓰ ꓶꓽ ꓞ ꓗꓷ ꓡꓰ_ ꓥꓳ꓾ ꓕꓱ ꓡꓱ ꓟꓽ ꓥ ꓕꓯ ꓠꓽ ꓣꓳ ꓚꓲ ꓛꓬ ꓠꓲ, ꓡꓶꓽ ꓗꓪ ꓐꓰ ꓪꓴ‐ꓢ ꓐꓰ ꓶꓽ ꓞ ꓗꓷ ꓡꓰ_ ꓥꓳ ꓐꓯ ꓠꓬ ꓖꓳ ꓟ ꓠꓬ ꓣꓳ ꓦ ꓫꓵꓻ ꓓ_ ꓟ ꓦ ꓡꓰ ꓐꓰ ꓗꓷ ꓡꓰ_ ꓥꓳ꓿
