ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓜ ꓚꓲ. ꓚꓲ._ ꓟ ꓦꓬꓼ ꓠꓬꓲ ꓙꓵ, ꓘꓴꓽ ꓗꓪ ꓣꓳ‐ꓟ ꓢ‐ꓢꓲ‐ꓠ ꓗꓪ ꓔꓬ ꓟ ꓔꓲꓺ ꓒꓽ ꓙꓵꓽ ꓔꓶ. ꓥꓪꓽ ꓟ ꓗꓪ ꓚꓳ ꓙꓰ ꓓꓴ ꓥ ꓡꓳ꓾
ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓜ ꓚꓲ. ꓚꓲ._ ꓟ ꓦꓬꓼ ꓠꓬꓲ ꓠꓽ ꓦꓬꓼ ꓠꓬꓲ ꓕꓯ ꓣꓳ‐ꓟ ꓢ‐ꓢꓲ‐ꓠ ꓘꓴꓽ ꓗꓪ ꓔꓬ ꓟ ꓔꓲꓺ ꓒ ꓙꓵꓽ ꓔꓶ. (5) ꓟ ꓗꓪ ꓚꓳ ꓙꓰ ꓢꓲ꓾ ꓟꓲ‐ꓢ ꓪꓽ ꓘꓴ ꓖꓶ ꓓꓴ ꓥꓳ꓿
ꓖꓳꓽ ꓦ ꓟꓰꓻ ꓖꓶ ꓓꓳ ꓡꓰ ꓗ. ꓠꓯ. 2 ꓦ 19 ꓠꓬꓲ (ꓠꓽ ꓡꓲ. ꓠꓬꓲ) ꓕꓯ ꓣꓳ‐ꓟ ꓢ‐ꓢꓲ‐ꓠ ꓘꓴꓽ ꓗꓪ ꓔꓬ ꓟ ꓔꓲꓺ ꓒ ꓐꓴ ꓐꓰ ꓜꓲ ꓡꓯ ꓘꓳ ꓓꓴ ꓥꓳ ꓐꓰ ꓡꓳ, ꓬꓰ ꓟ ꓠꓽ ꓥꓪꓽ ꓠꓬꓲ ꓕꓯ ꓐꓯ ꓑꓶ ꓗꓷ ꓟ ꓥꓳ꓿
ꓖꓳ ꓟ ꓗꓪ ꓔꓲꓺ ꓒ ꓪ ꓔꓲ ꓠꓬ ꓣꓳ‐ꓟ ꓢ‐ꓢꓲ‐ꓠ ꓘꓴꓽ ꓗꓪ ꓔꓬ ꓟ ꓔꓲꓺ ꓒ ꓙꓵꓽ ꓔꓶ. (5) ꓟ ꓠꓯꓼ ꓗꓪ ꓚꓳ ꓙꓰ ꓓꓴ ꓥ ꓡꓳ꓾ ꓜ ꓚꓲ. ꓚꓲ._ ꓟ ꓦꓬꓼ ꓠꓬꓲ ꓕꓲꓽ ꓠꓽ ꓡꓲ ꓕꓲꓽ ꓠꓽ ꓠꓽ ꓦꓬꓼ ꓠꓬꓲ (5 ) ꓠꓽ ꓡꓱꓼ ꓔꓲꓺ ꓒ ꓪ ꓔꓲ ꓠꓬ (Eternal City) ꓢ‐ꓢꓲ‐ꓠ (5) ꓟ ꓠꓯꓼ ꓗꓪ ꓐꓰ ꓟꓬꓱꓽ ꓬꓰ ꓢꓴ ꓐꓴ ꓐꓰ ꓙꓲ ꓢꓴ ꓢꓲ ꓤ ꓐꓴ ꓐꓰ ꓜꓲ ꓡꓯ ꓘꓳ ꓓꓴ ꓥꓳ꓿
“ꓕꓱ ꓟ ꓠꓬ ꓔꓱ, ꓟ ꓢ‐ꓢꓲ‐ꓠ ꓚꓱ, ꓗꓷ ꓡ ꓥꓳ꓾” ꓐꓰ ꓣꓳ‐ꓟ ꓗꓴꓷꓼ ꓟꓬꓱꓽ ꓣꓱꓽ ꓙ ꓢꓴ ꓔꓲꓺ ꓒꓽ ꓓꓽ ꓟ Cardinal Baldo Reina ꓡꓰ ꓐꓯ ꓔ ꓡꓳ꓿ “ꓖꓳ ꓟ ꓑꓶ ꓓꓴ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓢ‐ꓢꓲ‐ꓠ ꓟꓬꓱꓽ ꓬꓰ ꓢꓴ ꓞꓳ ꓡꓱ ꓞꓳ ꓡꓯ. ꓐꓴ ꓐꓰ ꓢ‐ꓢꓲ‐ꓠ ꓟꓬꓱꓽ ꓜꓴꓻ ꓗꓪ ꓟꓬꓱꓽ ꓬꓰ ꓢꓴ ꓐꓰ ꓜꓲ ꓡꓯ ꓘꓳ ꓓꓴ ꓥ ꓡꓳ꓿”
ꓔꓲꓺ ꓒ ꓪ ꓔꓲ ꓠꓬ ꓢ‐ꓢꓲ‐ꓠ ꓟꓬꓱꓽ ꓬꓰ ꓢꓴ ꓐꓰ ꓕꓲ ꓪ ꓟꓲ‐ꓢ ꓪꓽ ꓘꓴ ꓙꓵ, ꓔꓯ ꓬꓰ ꓖꓶ ꓓꓴ ꓥ ꓡꓳ꓾ ꓐꓰ ꓔꓲꓺ ꓒ ꓓꓽ ꓟ ꓣꓰꓲꓠꓮ ꓡꓰ ꓐꓯ ꓔ ꓡꓳ꓿
ꓚꓳ ꓙꓰ ꓠ, ꓟ ꓔꓲꓺ ꓒ ꓙꓵꓽ ꓔꓶ.꓾
2 ꓦ ꓟ 15 ꓠꓬꓲI Ostia Liodo ꓗꓪ ꓔꓬ ꓟ Holy Mary Queen of Peace (ꓖꓴ ꓟꓶ. ꓕꓲ ꓛꓱ)
2 ꓦ 22 ꓠꓬꓲ꓾ Castro Pretorio ꓗꓪ ꓔꓬ ꓟ Most Sacred Heart of Jesus (ꓔꓲ, ꓫꓵꓻ ꓕꓲ ꓛꓱ)
3 ꓦ 1 ꓠꓬꓲ꓾ Ascension of Our Lord Jesus Christ (ꓐꓶ ꓓꓳ ꓕꓲ ꓛꓱ)
3 ꓦ 8 ꓠꓬꓲ꓾ Our Lady of the Presentation (ꓐꓶ ꓓꓵ ꓕꓲ ꓛꓱ)
3 ꓦ 15 ꓠꓬꓲ꓾ Ponte Mammolo ꓗꓪ ꓔꓬ ꓟ Most Sacred Heart of Jesus (ꓖꓴ ꓪꓴ. ꓕꓲ ꓛꓱ)
ꓔꓲ ꓒ ꓓꓽ ꓟ ꓣꓰꓲꓠꓮ ꓡꓰ “ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓟꓲ ꓕꓯ ꓗꓪ ꓙꓵꓽ ꓡꓳ, ꓬꓰ ꓟ ꓔꓲꓺ ꓒ ꓪ ꓔꓲ ꓐꓴ ꓚꓱ, ꓔꓯ ꓗꓼ ꓢꓲ ꓚꓲ ꓛꓬ ꓢ‐ꓢꓲ‐ꓠ ꓘꓴꓽ ꓗꓪ ꓔꓬ ꓟ ꓪꓽ ꓘꓴ ꓦꓲꓻ ꓠꓯꓼ ꓗꓪ ꓚꓳ ꓙꓰ ꓟ ꓥ ꓡꓳ꓾ ꓕꓱ ꓟ ꓠꓬ ꓣꓳ ꓮ ꓙꓵ ꓐꓱ ꓶ ꓠꓲ, ꓡꓱ ꓗ, ꓛꓲ ꓓꓴ ꓥ ꓟ ꓡꓰ ꓐꓰ ꓣꓳ ꓥ ꓟꓲ ꓢ‐ꓢꓲ‐ꓠ ꓟꓬꓱꓽ ꓠꓯꓼ ꓗꓪ ꓪꓴꓽ ꓟꓴ ꓡ ꓠ, ꓟ ꓢꓯꓼ ꓕꓵꓼ ꓓꓴ ꓬꓲ. ꓚꓱ, ꓕꓲꓽ ꓟ ꓥ ꓡꓳ꓾” ꓐꓰ ꓐꓯ ꓔ ꓟ ꓥꓳ꓿
