ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴꓻ ꓚꓰꓺ ꓗꓪ ꓖꓪ ꓙꓱ ꓜꓲꓼ ꓓꓴ ꓬꓰ ꓗꓷ ꓟ ꓓꓳꓽ
1 ꓦ ꓟ 27 ꓠꓬꓲ 2026 ꓘꓳꓼ ꓠꓽ ꓠꓬꓲꓽ ꓠꓬꓲ ꓠꓯꓼ (10) ꓙꓵꓹ ꓗꓪ ꓟꓬ-ꓟ ꓗꓴꓷꓼ ꓡꓲ-ꓢꓴ ꓕꓳ ꓶ ꓐꓰ ꓡꓲꓽ ꓒꓰꓼ ꓜꓴꓻ ꓚꓰꓺ ꓔꓯ ꓧꓳꓽ ꓪꓴꓸ ꓟꓴ ꓢꓴ ꓢꓲꓽ ꓒꓽ ꓮ-ꓞꓲ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ ꓖꓪ ꓙꓱ ꓜꓲꓼ ꓓꓴ ꓔꓯ ꓧꓪꓸ ꓧꓪꓸꓼ ꓐꓰ ꓬꓰ ꓓꓳ ꓡꓰꓳ=
ꓖꓪ ꓙꓱ ꓗꓷ ꓟ ꓠꓬ ꓡꓲ-ꓢꓴ ꓘꓳꓼ ꓫꓵꓼ ꓑꓮꓲꓽ ꓓꓽ ꓔꓯ ꓛꓲ ꓡ ꓟ (2) ꓦ ꓟ 18 ꓠꓬꓲ 2026 ꓘꓳꓼ ꓠꓯꓼ (10) ꓙꓵꓹ ꓕꓯ ꓡꓲ-ꓢꓴ ꓘꓳꓼ ꓫꓵꓼ ꓑꓮꓲ ꓔꓯ ꓬꓰ ꓠꓹ ꓟ ꓥ ꓡꓳ=
ꓡꓲ-ꓢꓴ ꓘꓳꓼ ꓫꓵꓼ ꓑꓮꓲꓽ ꓗꓪ ꓡ ꓢꓴ ꓐꓴ ꓠꓬ ꓡꓲ-ꓢꓴ ꓖꓪꓽ ꓫꓵꓽ ꓔꓯ ꓖꓪꓽ ꓢꓲ ꓠꓬꓲ ꓑꓮꓲꓽ ꓗꓪ ꓐ ꓡ ꓠꓹ ꓟ ꓢꓷꓸ ꓙ ꓟꓳ ꓙ ꓔ ꓟ ꓥ ꓡꓳ=
ꓠꓬꓲꓸ ꓠꓬꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓜꓲꓼ ꓛꓲ ꓡ ꓢꓴ ꓐꓴ ꓠꓬ ꓘꓴ ꓜꓲꓼ ꓞꓳ (6) ꓟ ꓗꓪ ꓐꓰ ꓟꓸ ꓒ ꓓꓽ ꓐꓴ ꓐꓰ ꓘꓴ ꓜꓲꓼ ꓞꓳ ꓗꓪ ꓢꓽ ꓡ ꓙꓵꓽ/ ꓟꓬꓱꓽ ꓢꓲ ꓢꓴ ꓐꓴ ꓮ ꓟꓬꓹ ꓣꓳ ꓐ ꓗꓷ ꓟ ꓥ ꓡꓳ=
