ꓪꓴ‐ꓢ ꓠꓬ ꓮ ꓫꓵꓽ ꓑꓶ. ꓓꓴ ꓐꓶ ꓓꓲ ꓡꓯ ꓓꓲ ꓔꓯ ꓚꓰꓼ ꓔ ꓟ ꓚꓱ, (Environment)
ꓠꓬꓲ. ꓠꓬꓲ ꓠꓬ ꓟꓵꓽ ꓘꓳꓼ ꓐꓰ ꓫ. ꓕꓱ ꓟ ꓚꓱ, ꓗꓪ ꓐꓰ ꓪꓴ‐ꓢ ꓠꓬ ꓟꓲ ꓠꓯ ꓡ ꓞꓳ ꓐꓱ ꓶ ꓮ ꓫꓵꓽ ꓑꓶ. ꓓꓴ ꓐꓶ ꓓꓲ ꓡꓯ ꓓꓲ ꓔꓯ ꓚꓰꓼ ꓔ ꓟ ꓚꓱ, ꓔꓯ ꓡꓳ. ꓠꓬꓲ ꓡꓯ꓿ ꓣꓳ ꓕꓲ ꓖ ꓕꓲ ꓧꓪ, ꓢꓲ ꓠꓯ ꓗꓪ ꓙꓰ ꓟ ꓙꓵ, ꓕꓯ ꓐꓶ ꓓꓲ ꓡꓯ ꓓꓲ ꓔꓯ ꓡꓳ. ꓟꓳ ꓟ ꓙꓵ, ꓕꓯ ꓪꓴ‐ꓢ ꓠꓬ ꓟꓲ ꓠꓯ ꓡ ꓞꓳ ꓐꓱ ꓶ ꓙꓲ ꓖꓴ ꓟꓽ ꓙꓳ ꓟ ꓐꓶ ꓓꓲ ꓔꓯ ꓚꓰꓼ ꓔ ꓡ? ꓐꓰ ꓠ ꓠꓬꓲˍ ꓗꓴ ꓟ ꓥ ꓡꓳ꓿
ꓕꓱ ꓡꓰ ꓫꓵꓽ ꓡ ꓞꓳ ꓔꓯ ꓠꓻ ꓓꓴ ꓔꓳ, ꓜꓳ ꓡꓰ ꓟ ꓙꓲ ꓖꓴ ꓟꓽ ꓙꓳ ꓟ ꓐꓶ ꓓꓲ ꓔꓯ ꓣꓳ ꓡꓳ. ꓟꓳ ꓟ ꓥ ꓡꓳ꓿ ꓟꓲ ꓠꓯ ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓐꓯ ꓔ ꓟ ꓠꓬ ꓮ ꓫꓵꓽ ꓥ ꓟꓲ ꓟꓲ ꓠꓯ ꓟꓵꓽ ꓘꓳꓼ ꓙꓲ ꓡ ꓠ, ꓟ ꓐꓶ ꓓꓲ ꓡꓯ ꓓꓲ ꓠꓬ ꓕꓲ ꓒꓳ, ꓒꓳ, ꓗꓪ ꓐꓰ ꓬꓰ ꓙ ꓔꓳ, ꓙ ꓔꓬ ꓟ ꓔꓯ ꓡꓳ. ꓟꓳ ꓟ ꓥ ꓡꓳ꓿
ꓟꓲ ꓠꓯ ꓘꓴꓽ ꓗꓪ ꓔꓬ ꓟ ꓐꓶ ꓓꓲ ꓠꓬ ꓬꓲ ꓚꓲ. ꓛꓬ ꓠꓬ ꓟꓵꓽ ꓘꓳꓼ ꓙꓲ ꓟ ꓚꓱ, ꓟ ꓔꓯ ꓣꓱ ꓟ ꓔꓯ ꓡꓳ. ꓟꓳ ꓪ ꓡꓳ꓿ ꓡ ꓞꓳ ꓪꓴꓽ ꓠꓶ ꓗꓪ ꓐꓰ ꓡꓳ. ꓟꓳ ꓟꓽ ꓓꓽ ꓟ ꓚꓱ, ꓗꓪ ꓐꓰ ꓬꓰ ꓙ ꓔꓬ ꓟ ꓚꓱ, ꓔꓯ ꓡꓳ. ꓟꓳ ꓓ ꓟ ꓥ ꓡꓳ꓿ ꓟꓲ ꓠꓯ ꓗꓪ ꓮ ꓫꓵꓽ ꓥ ꓟꓲ ꓒꓵꓽ ꓟ ꓬꓲ ꓔꓶ ꓙꓬ ꓙꓳ ꓟ ꓥ ꓡꓳ꓿
ꓢꓲ, ꓜꓲ ꓢꓲ ꓟꓲ ꓙꓱ ꓤ ꓮ ꓙꓵꓽ ꓠꓬ ꓟꓲ ꓠꓯ ꓡ ꓞꓳ ꓐꓱ ꓶ ꓕꓲ ꓒꓳ, ꓒꓳ, ꓗꓪ ꓐꓰ ꓬꓰ ꓙ ꓔꓬ ꓟ ꓔꓯ ꓡꓳ. ꓟꓳ ꓪ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓲ ꓠꓯ ꓗꓪ ꓙꓳ ꓟ ꓮ ꓙꓵꓽ ꓪꓴ‐ꓢ ꓡꓰ ꓚꓰꓼ ꓔ ꓟ ꓮ ꓙꓵꓽ ꓔꓯ ꓒꓵꓽ ꓠ, ꓟ ꓣꓳ ꓚꓵˍ ꓟ ꓥ ꓡꓳ꓿ ꓣꓳ ꓟꓲ ꓠꓯ ꓡ ꓞꓳ ꓐꓱ ꓶ ꓣꓱ ꓟꓽ ꓬꓯ ꓥ ꓟꓲ ꓟꓵꓽ ꓘꓳꓼ ꓐꓱ ꓶ ꓙꓲ ꓟ ꓚꓱ, ꓗꓪ ꓙꓲ ꓖꓴ ꓙꓳ ꓟ ꓥ ꓡꓳ꓿ ꓪꓴ‐ꓢ ꓡꓰ ꓚꓰꓼ ꓔ ꓟ ꓮ ꓙꓵꓽ ꓔꓯ ꓒꓵꓽ ꓡꓯ꓿ ꓠꓲ, ꓠꓵ ꓡꓯ꓿ ꓫ. ꓟꓳ ꓪ꓿
